1726223841
ისლანდიაში, მყინვარის ჩამოშლის შედეგად დაშავებული უცხოელი ტურისტებიდან ერთ-ერთი დაიღუპა.
BBC-ს ცნობით, მეორე დაშავებულის სიცოცხლეს საფრთხე არ ემუქრება. ამასთან, მაშველები ამ დრომდე ეძებენ ინციდენტის დროს გაუჩინარებულ კიდევ 2 ტურისტს.
ინციდენტი მყინვარ ბრეიდამერკურიოკულზე მოხდა, სადაც ტურისტების 25-კაციანი ჯგუფი გიდთან ერთად იმყოფებოდა. სწორედ ამ დროს ყინულის ნაწილი ჩამოიშალა, რის შედეგადაც 2 ადამიანი დაშავდა, 2 კი გაუჩინარდა.
ადგილობრივი პოლიციის განმარტებით, მყინვარზე ექსკურსიები პოპულარული აქტივობაა და არაფერი მიუთითებს იმაზე, რომ ბრეიდამერკურიოკულზე გასვლა სახიფათო იყო.
უახლესი
საბურთალოზე მოზარდს, „ტიკტოკის“ გადაღების დროს, თავში კორპუსიდან გადმოგდებული საფერფლე მოხვდა
1725965294
