ბაიდენის თქმით, აშშ, თურქეთი, ეგვიპტე, კატარი და ისრაელი ღაზაში ცეცხლის შეწყვეტის შეთანხმების მიღწევას შეეცდებიან

აშშ-ის პრეზიდენტმა ჯო ბაიდენმა სოციალურ ქსელ X-ში დაწერა, რომ უახლოეს დღეებში შეერთებული შტატები, თურქეთთან, ეგვიპტესთან, კატართან და ისრაელთან ღაზის სექტორში ცეცხლის შეწყვეტის შეთანხმების მიღწევას შეეცდებიან.

„მომავალ დღეებში შეერთებული შტატები თურქეთთან, ეგვიპტესთან, კატართან, ისრაელთან და სხვებთან კიდევ ერთ ნაბიჯს გადადგამს ღაზაში ცეცხლის შეწყვეტის მისაღწევად, მძევლების გასათავისუფლებლად და „ჰამასის“ ხელისუფლებაში არმოსვლით ომის დასასრულებლად“, - დაწერა ბაიდენმა.

ცნობისთვის, აშშ-ის პრეზიდენტმა ჯო ბაიდენმა დღეს განაცხადა, რომ ისრაელსა და ლიბანს შორის ცეცხლის შეწყვეტის შესახებ შეთანხმება ადგილობრივი დროით დილის 4 საათიდან ამოქმედდება.

Over the coming days, the United States will make another push with Turkey, Egypt, Qatar, Israel, and others to achieve a ceasefire in Gaza with the hostages released and an end to the war without Hamas in power.

— President Biden (@POTUS) November 27, 2024