ამერიკის ვიცე-პრეზიდენტი მარინ ლე პენზე: წარმოუდგენლად მცირე ბრალდების გამო, ცდილობენ, ციხეში ჩასვან და საარჩევნო ბიულეტენიდან მოხსნან, ეს დემოკრატია არ არის

აშშ-ის ვიცე პრემიერის განცხადებით, ფრანგული ულტრამემარჯვენე პარტიის ლიდერთან დაკავშირებით, პარიზის სასამართლოს გადაწყვეტილება დემოკრატიის პრინციპებს არ შეესაბამება.

"ზოგიერთ გამოკითხვაში მარინ ლე პენი ლიდერობს, და ამის მიუხედავად, წარმოუდგენლად მცირე ბრალდების გამო — რომელიც, სხვათა შორის, მის თანამშრომლებს ეხება და არა თავად მარინლე პენს — ცდილობენ, ციხეში ჩასვან და საარჩევნო ბიულეტენიდან მოხსნან. ეს დემოკრატია არ არის", - აცხადებს ჯეი დი ვენსი.

ცნობისთვის, მარინ ლე პენი სასამართლომ დამნაშავედ ცნო. მას ბრალი ევროკავშირის ფონდების უკანონოდ მითვისებასა და არამიზნობრივად გამოყენებაში ედება. ეროვნული გაერთიანების ლიდერს, სასჯელად, სასამართლომ 100 ათასი ევროს ოდენობის ჯარიმა და 4-წლიანი პატიმრობა შეუფარდა, რომელთაგან ორი პირობითია. ფრანგ ოპოზიციონერს, საჯარო თანამდებობის დაკავებისა და შემდეგი 5 წლის განმავლობაში, არჩევნებში მონაწილეობის მიღების უფლება ჩამოერთვა.