კვარას პსჟ ვადაზე ადრე საფრანგეთის ჩემპიონი გახდა

ლიგა 1-ის 28-ე ტურში პსჟ-მა საკუთარ მოედანზე „ანჟე“ 1:0 დაამარცხა და ვადამდე მოიპოვა ჩემპიონის ტიტული.

ხვიჩა კვარაცხელია ვირუსული ინფექციის შემდეგ დაბრუნდა და თამაში ძირითად შემადგენლობაში დაიწყო. დებიუტში ის მეტოქის საჯარიმოში შეიჭრა, განივი გადაცემა გააკეთა, მაგრამ ბურთს მეკარე ფოფანა დაეუფლა.

პირველი ტაიმი უგოლოდ დასრულდა. შესვენების შემდეგ პარიზელებმა შეტევები გააგრძელეს და „კვარას“ პასით დუემ გოლი გაიტანა. დარჩენილ დროში ანგარიში აღარ შეცვლილა და ლუის ენრიკეს გუნდმა გამარჯვება მოიპოვა.

კვარაცხელიამ შეუცვლელად ითამაშა და მის ანგარიშზე პსჟ-ში ყველა ტურნირზე 16 მატჩში 3 გოლი და 4 საგოლე გადაცემაა.

„პარი სენ ჟერმენი“ 9 აპრილს ჩემპიონთა ლიგის პირველ მეოთხედფინალურ მატჩში „ასტონ ვილას“ უმასპინძლებს.