"მერამდენე თოვლი მოვიდა უშენოდ. უკიდეგანოდ მაკლიხარ" - ნახეთ, რა სიმღერით იხსენებს ზურა ბაკურაძეს მეგობარი

"მერამდენე თოვლი მოვიდა უშენოდ. უკიდეგანოდ მაკლიხარ" - წერს "ქართული ხმების" პროდიუსერი - გივი მახაშვილი სოციალურ ქსელში და პოსტზე მეგობარს, ზურა ბაკურაძეს ნიშნავს.

გივი აქვეყნებს ვიდეოს, სადაც მანქანაში ჩართული აქვს ზურას ნამღერი "თოვს", რომელიც მომღერალმა პანდემიის დროს რაჭაში შეასრულა.  ზურას ამ ვიდეოს, მისი გარდაცვალების შემდეგ, ფეისბუქზე უამრავი გაზიარება ჰქონდა.

"ქართულმა ხმების" ახალი ალბომი მალე გამოვა. ანსამბლს საქართველოში ტურნე აქვს დაგეგმილი.

მეგობრის მონატრებამ გივი მახაშვილს გუშინ ემოციური პოსტიც დააწერინა. აი, რას წერს მუსიკალური პროდიუსერი სოციალურ ქსელში. 

გივი მახაშვილი: დაძინებამდეც გეტყვით, რომ გიყვარდეთ თქვენი ცხოვრება. არ შეშინდეთ, არ დანებდეთ, იბრძოლეთ იყოთ ბედნიერი.

როცა თავს ცუდად იგრძნობთ, გაიხსენეთ როგორ უყვარხართ ოჯახის წევრებს. არაფრის გამო არ გაიფუჭოთ განწყობა, მიუხედავად ყველაფრისა გაიღიმეთ, დადებითად განეწყვეთ. აკეთეთ საყვარელი საქმე, რაც გულით გიყვართ. არ შეეწინაღმდეგოთ თქვენს თავს - "ვინ რას იტყვის" არ შეიძლებაო, არ უთხრათ. გინდათ იყოთ ბედნიერი, მაშინ იყავით. თქვენ ხომ ერთხელ დაიბადეთ.

ისე იცხოვრეთ, რომ არ ინანოთ, სხვისი აზრის გამო, შანსი რატომ გავუშვიო… როცა ვფიქრობ, ცხოვრება იმდენად ხანმოკლეა, ადამიანმა უნდა იცხოვროს, უნდა შეიგრძნოს ყოველი წამი, უნდა დატკბეს ყოველი წამით, უნდა გასცეს სიყვარული, აკეთოს სიკეთე და აუცილებლად იქნება ბედნიერი…

გიყვარდეთ თქვენი ცხოვრება, თავისი გამოწვევებით, თავისი მიღწევებით, წარუმატებლობებით… ნუ დაიტანჯავთ იმაზე ფიქრით თავს, რომ ვიღაც თქვენზე წინაა , თქვენზე მეტს მიაღწია, ან ასე შემდეგ… მხოლოდ ის არის მნიშვნელოვანი, თქვენ იყოთ ბედნიერი იმით, რაც გაქვთ, იმით, ვინც გყავთ და იფიქრეთ, რომ ცხოვრება უკეთეს გიმზადებთ. არ დაგავიწყდეთ, ფიქრებს დიდი ძალა აქვს.