1 დეკემბრიდან მძღოლებისთვის ახალი წესები ამოქმედდება
1732391558
VIDEO: ესპანეთში დაკავებული ქართველების 7 კრიმინალური დაჯგუფება - რა სქემით მუშაობდნენ ქართველი კრიმინალები და როგორ გავიდა პოლიცია მათ კვალზე
ქართველების 7 კრიმინალური დაჯგუფება და სევილიის მასობრივი მძარცველები - ესპანეთის ნაციონალური პოლიცია მთელი ზაფხული ატარებდა სპეცოპერაციებს ქართველი პროფესიონალი ქურდების წინააღმდეგ, რომელსაც ევროპის ერთ-ერთ ყველაზე გავლენიან
დანაშაულებრივ ჯგუფს უწოდებენ. სულ დაკავებულია საქართველოს 22 მოქალაქე, მათ შორის 2 "კანონიერი ქურდია"
ესპანეთის პოლიციამ გაავრცელა ჩანაწერი, სადაც ჩანს ქართველი მამაკაცი, რომელიც სევილიაში საცხოვრებელ კორპუსში სახლის კარებს მცირე ზომის წებოვან ლენტს აკრავს. თუ რამდენიმე დღეში მარკირება ხელუხლებელი დახვდა, ეს იმას ნიშნავს რომ სახლის მეპატრონე სავარაუდოდ დასასვენებლად იმყოფება და ობიექტი გასაქურდად მზად არის. ამ მამაკაცს არ გაუმართლა. ქართველი მძარცველი უსაფრთხოების კამერებმა ჩაიწერეს.
გახშირებული ქურდობების შემდეგ, მხოლოდ ამ ქალაქში ქართველების 12-კაციანი დაჯგუფება დააკავეს. სამართალდამცველები ადგილობრივებს აფრთხილებენ, რომ ღამის საათებში კართან და საცხოვრებელი სახლების მიმდებარედ ნებისმიერი საეჭვო გადაადგილების შემთხვევაში პოლიციას დაუკავშირდნენ.
ბოლო ორ თვეში, მაშინ როცა ესპანელების ნაწილი საზაფხულო არდადეგებზე იმყოფებოდა, არაერთი სახლი გაიძარცვა მადრიდსა და ლუგოს პროვინციაშიც. საქართველოს მოქალაქეებთან ერთად, დანაშაულებრივ სქემაში აქტიურად იყვნენ ჩართულნი ლიეტუვის მოქალაქეებიც.
ივლისიდან დღემდე, ქვეყნის მასშტაბით სულ შვიდი სპეცოპერაცია ჩატარდა. ესპანური მედიის ინფორმაციით, დაკავებულ 22 პირს შორის ორი ე.წ. კანონიერი ქურდია. მათი სტატუსის დადგენა სხეულზე ამოტვიფრული ტატუირებით მოხდა.
ესპანეთის პოლიციამ გაჩხრიკა დაკავებულთა დროებითი საცხოვრებელი სახლები. სპეციალური სამალავებიდან ამოღებულია ძვირფასეულობა, ანტიკვარული ნივთები და ფული, რომლის ნაწილიც, სავარაუდოდ, ე.წ. ქურდული საერთოსთვის იყო განკუთვნილი.
ასევე დაგაინტერესებთ:
პოლ მაკკარტნის დაკარგულ გიტარაზე გლობალური ძებნა გამოცხადდა
მას შემდეგ, რაც მგზავრს ფაღარათი დაემართა, თვითმფრინავი შუა გზიდან გაბრუნდა გასასუფთავებლად
