მას შემდეგ, რაც მგზავრს ფაღარათი დაემართა, თვითმფრინავი შუა გზიდან გაბრუნდა გასასუფთავებლად

თვითმფრინავი, რომელიც ატლანტიდან ბარსელონისკენ მიფრინავდა, „ბიოლოგიური საფრთხის“ გამო შუა გზიდან გაბრუნდა. როგორც მოგვიანებით გაირკვა, ეს საშიშროება ბორტზე მყოფი ერთ-ერთი მგზავრის ჯანმრთელობის მდგომარეობამ შექმნა — იგი ფაღარათმა შეაწუხა.

„გვყავს მგზავრი, რომელსაც მთელ თვითმფრინავში ფაღარათი დაემართა“, - შეატყობინა პილოტმა ავიადისპეტჩერს, - „ამიტომ, უნდათ, რომ ატლანტაში დავბრუნდეთ“.

თვითმფრინავის მფლობელმა ავიაკომპანია Delta-მ მომხდარი დაადასტურა და აღნიშნა, რომ „სამედიცინო საკითხის“ გამო პილოტს გზიდან გაბრუნება მოუწია, სალონს კი — გასუფთავება.

„ჩვენმა გუნდმა შეძლებისდაგვარად სწრაფად და უსაფრთხოდ მოახერხა, საგულდაგულოდ გაესუფთავებინა თვითმფრინავი და მგზავრები დანიშნულების ადგილზე ჩაეყვანა. მომხმარებელს ბოდიშს ვუხდით შეყოვნებისა და შექმნილი უსიამოვნებისთვის“, - აცხადებს კომპანია.

ასევე დაგაინტერესებთ:

VIDEO: ცნობილია, რომელ გადაცემას წაიყვანს დიასა

ვლადიმერ პუტინი განცხადებას ავრცელებს

ზოდიაქოს რომელი ნიშნები უნდა იყვნენ სექტემბერში ფრთხილად - ასტროლოგების რჩევა