ცერცვაძე: ორ-სამ კვირაში „ომიკრონი“ გახდება დომინანტი, მოსალოდნელია გარდაცვალების შემთხვევების გაზრდა

ორ-სამ კვირაში „ომიკრონი“ გახდება დომინანტი და მკვეთრად მოიმატებს შემთხვევების რაოდენობა,- ამის შესახებ ინფექციური საავადმყოფოს ხელმძღვანელმა, თენგიზ ცერცვაძემ განაცხადა.

„უახლოეს ორ-სამ კვირაში „ომიკრონი“ გახდება დომინანტი და მკვეთრად მოიმატებს შემთხვევების რაოდენობა, ვინაიდან ბევრად მაღალი იქნება გადადების სიხშირე. „ომიკრონით“ ინფიცირებულთა რაოდენობა იმდენად დიდი იქნება, რომ მოსალოდნელია გარდაცვალების შემთხვევების გაზრდა,- განაცხადა თენგიზ ცერცვაძემ.