რა ნივთების შეტანა შეუძლიათ საგამოცდო ცენტრებში და რა ეკრძალებათ აბიტურიენტებს

როგორც ცნობილია, ხვალ 4 ივლისს, 2022 წლის ზაფხულის ერთიანი ეროვნული გამოცდები ქართული ენისა და ლიტერატურის სავალდებულო გამოცდით დაიწყება და 27 ივლისს საერთო სამაგისტრო გამოცდით დასრულდება.

აბიტურიენტმა გამოცდაზე უნდა იქონიოს პირადობის/ბინადრობის დამადასტურებელი დოკუმენტი ან პასპორტი, ასევე საგამოცდო ბარათი.

სურვილის შემთხვევაში: წყალი პლასტმასის ბოთლით, საწერი კალამი შესაბამისი პარამეტრებით (გელიანი (ე.წ. ტუშის), შავი ფერის, 0,5-0,7 მმ. ბურთულიანი წვერით); პირბადე.

გამოცდაზე არ შეიძლება მობილური ტელეფონისა და ნებისმიერი ელექტრონული ხელსაწყოს, მათ შორის გამორთულ მდგომარეობაში შეტანა. დამატებითი ნივთების დატოვება შესაძლებელი იქნება ნივთების შესანახ სივრცეში.

წელს მოხსნილია საგამოცდო ცენტრებში პირბადის ტარების ვალდებულება და გაუქმდა გამოსაცდელთა თერმოსკრინინგი.