ფინანსები • 1714911717

ლაშა ხუციშვილმა ADB-ის მმართველთა საბჭოს თავმჯდომარის რანგში ლაშა ხუციშვილმა ბანკის მმართველთა საბჭოს ბიზნეს სესია გახსნა

აზიის განვითარების ბანკის 57-ე წლიური შეხვედრის ფარგლებში, ფინანსთა მინისტრმა, ლაშა ხუციშვილმა ADB-ის მმართველთა საბჭოს თავმჯდომარის რანგში მმართველთა საბჭოს ბიზნეს სესიას უხელმძღვანელა.მისასალმებელი სიტყვით გამოსვლისას, კიდევ ერთხელ, ისაუბრა წლიური შეხვედრის ჩატარების მნიშვნელობაზე, როგორც ორმხრივი ისე მრავალმხრივი თანამშრომლობის მიმართულებით.„57-ე წლიური შეხვედრის თემაა „ხიდი მომავლისკენ” - ეს სახელწოდება რამდენიმე მიზეზის გამო შევარჩიეთ. ესენია - საქართველოს როლი და გეოგრაფიული ადგილმდებარეობა, ევროპასა და აზიას შორის. ასევე, ის იმპულსი, რომელიც მსოფლიოში შეინიშნება პანდემიიდან გამოსვლის, უკრაინაში რუსეთის ომთან დაკავშირებულ გლობალურ კრიზისთან გამკლავების, სხვა კონფლიქტების, ასევე, კლიმატის ცვლილებასთან ადაპტაციის, მისი ეფექტის შერბილების გზების ძიებისა და სხვა გამოწვევებიდან გამომდინარე.საქართველო ეტაპობრივად მიიწევს წინ სტრატეგიული მიზნების განხორციელების გზაზე. ესენია ევროკავშირის კანდიდატი ქვეყნის სტატუსის მოპოვება, არსებითი ინფრასტრუქტურის მშენებლობის დასრულება, შუა დერეფნის კონტექსტში დაკავშირებადობის უნარის გაძლიერება, მყარი ადამიანური კაპიტალის შექმნა. თუმცა, სამომავლოდ გასაკეთებელი მაინც ბევრია. მსოფლიოს ირგვლივ მრავალი ქვეყნის ეკონომიკამ მოახერხა მდგომარეობიდან გამოსვლა. მათ შორისაა საქართველო, რომელმაც გამძლეობა გამოაჩინა.2021-2022 წლებში, პოსტ-პანდემიური უარყოფითი გავლენის და რუსეთ-უკრაინის ომის პერიოდში, ძლიერი ფისკალური კონსოლიდაციის პირობებში, საქართველოს ეკონომიკამ ორნიშნა ზრდის ტემპი აკრიფა და ზედიზედ ორი წლის განმავლობაში შეინარჩუნა ეს დინამიკა, რითაც ქვეყანა პანდემიამდელ მდგომარეობას დაუბრუნდა. საშუალოზე მაღალი ეკონომიკური ზრდა 2023 და 2024 წლებშიც შენარჩუნდა. წინასწარი მონაცემებით, 2023 წლის ზრდა 7.5 პროცენტია, ხოლო 2024 წლის პირველი კვარტლის შედეგი 7.8-პროცენტიან ზრდაზე მეტყველებს.ამ გამოწვევებით სავსე პირობებში, ჩვენი პოლიტიკის პრიორიტეტები კვლავ გულისხმობს მაკროეკონომიკური სტაბილურობის შენარჩუნებას და დროებით პოზიტიური ფაქტორის ნებისმიერი შესაძლო უკუსვლისთვის მზაობას, უარყოფითი გავლენების შერბილებასა და სტრუქტურული რეფორმების გრძელვადიანი მდგრადობის უზრუნველყოფას”, - აღნიშნა ხუციშვილმა.მისი თქმით საქართველო განაგრძობს წარმატებულ თანამშრომლობას აზიის განვითარების ბანკთან.„დივერსიფიცირებული პორტფელის ფარგლებში (ჯამურად, დაახლოებით, 4.5 მილიარდი აშშ დოლარი) ბანკი აფინანსებს, როგორც საჯარო, ისე კერძო სექტორებს. ვიმედოვნებთ, რომ აზიის განვითარების ბანკთან თანამშრომლობა სამომავლოდ საქართველოსთვის პრიორიტეტული ისეთი მიმართულებებით გაგრძელდება, როგორიცაა ენერგო უსაფრთხოება და ენერგო დამოუკიდებლობა. ეს ყოველივე შესაძლებელი გახდება მწვანე და განახლებადი ენერგიის წარმოების გაზრდით, გადამცემი ხაზების საშუალებით გაძლიერებული დაკავშირებადობით, მათ შორის, შავი ზღვის წყალქვეშა კაბელის პროექტით, სახმელეთო და ციფრული დაკავშირებადობის უნარის მქონე ინფრასტრუქტურით, საწარმოებში კორპორაციული მმართველობის რეფორმირებით, ადამიანურ კაპიტალში ინვესტირებით. ეს და სხვა მრავალი მიმართულება ჩვენი დღის წესრიგის მთავარი პრიორიტეტებია”, - განაცხადა ხუციშვილმა.„მომავლისკენ ხიდის გასადებად ყველას გვჭირდება ძლიერი რეგიონული სინერგია და განვითარებაზე ორიენტირებული პარტნიორების მხარდაჭერა. მათი ხელშეწყობა გადამწყვეტია დივერსიფიცირებული და ინოვაციური ინსტრუმენტების გამოსაყენებლად, რაც მოხსნის არსებულ შეზღუდვებს (მაგ. ადგილობრივ ვალუტებში გაიზრდება დაკრედიტება, ისევე, როგორც კერძო სექტორის ჩართულობა, სხვ.). არსებული გამოწვევების ხასიათიდან გამომდინარე, საჭიროა მყისიერი რეაგირება და არასტანდარტული გადაწყვეტილებები. აზიის განვითარების ბანკსა და მის სამოქმედო არეალში შემავალ ქვეყნებს მოვუწოდებთ ერთად ვიმუშაოთ ამ გადაწყვეტებზე, რათა დაკრედიტების მეტი სურვილი გაჩნდეს ფისკალურად მდგრად ვითარებაში და საბოლოო ჯამში, მიღწეული იქნეს მდგრადი განვითარების მიზნები და დაკმაყოფილდეს კლიმატის ცვლილებასთან ადაპტაციის გლობალური დღის წესრიგის მოთხოვნები”, - განაცხადა ხუციშვილმა.დღესვე, აზიის განვითარების ბანკის მმართველთა საბჭოს ბიზნეს სესიაზე ADB-ის მმართველთა საბჭოს თავმჯდომარისა და 57-ე წლიური შეხვედრის მასპინძლის რანგში ლაშა ხუციშვილმა, იტალიის წარმომადგენელს 2025 წლის ADB-ის 58-ე ყოველწლიური შეხვედრის მასპინძლის სტატუსი ოფიციალურად გადასცა.

რჩევები • 1714911515

როგორი 4 პრობლემა ანგრევს ცოლქმრულ ცხოვრებას ბავშვის გაჩენის შემდეგ

მიუხედავად იმისა, რომ ზოგიერთი წყვილი მოუთმენლად ელის მშობლობას, ქორწინების ცხოვრებიდან მშობლობამდე ნახტომი ხშირად დამღლელი და პრობლემურია. არის ქორწინების პრობლემები, რომლებიც ხშირად ჩნდება როგორც კი წყვილს შვილი ეყოლება. ჩნდება ახალი პასუხისმგებლობები, მეტი სამუშაო - და ნაკლები დრო და ენერგია. გაცილებით მეტი საშინაო საქმეებისაყოფაცხოვრებო მოვალეობები მნიშვნელოვნად იზრდება ბავშვის გაჩენისთანავე. ორჯერ მეტი სარეცხი, ბავშვს ასევე სჭირდება კვება - და არის მრავალი სხვა დავალება, რომელიც უნდა შესრულდეს, მაგრამ ამისთვის დრო უბრალოდ არ არის საკმარისი.ყველაფრის სამომავლოდ გადადება არ შეიძლება - წინააღმდეგ შემთხვევაში, შესაძლოა, ღამეების გათენებაც მოგიწიოთ საქმეების დასასრულებლად.რას შეუძლია დახმარებაყველა ამ საძულველი პასუხისმგებლობის გაზიარებამ შეიძლება გააადვილოს სიტუაცია. მოიფიქრეთ სისტემა, მაგალითად, თუ ქმარი რეცხავს ჭურჭელს, მაშინ ცოლმა უნდა დაკეცოს სარეცხი.მიუხედავად იმისა, რომ ამან შეიძლება გამოიწვიოს უკმაყოფილება მეუღლეებს შორის, ბევრად უკეთესი ვარიანტია სიის შედგენა, თუ რა უნდა გააკეთოს თითოეულმა თქვენგანმა დღის განმავლობაში. თქვენ ასევე შეგიძლიათ დროდადრო პასუხისმგებლობები შეცვალოთ მრავალფეროვნებისთვის.ბავშვის აღზრდის სხვადასხვა სტილიხშირად ხდება, რომ წყვილში აღზრდის სტილი არ ემთხვევა. ერთი მეუღლე ჩვეულებრივ უფრო მოდუნებული და უდარდელია, ვიდრე მეორეს სურს. თუ ეს სათანადოდ არ განიხილება, პარტნიორებს შორის შეიძლება გაჩნდეს უკმაყოფილება, რაც გამოიწვევს ოჯახურ პრობლემებს, რომლებიც დაკავშირებულია მხოლოდ მშობლობასთან.რა უნდა გააკეთოთ ამ შემთხვევაშიმიუხედავად იმისა, რომ შეიძლება განსხვავებები გქონდეთ აღზრდის სტილში, მნიშვნელოვანია მათი განხილვა თქვენს პარტნიორთან. სავარაუდოდ, იქნება უთანხმოება, მაგრამ თქვენ ორივემ უნდა ითანამშრომლოთ და კომპრომისზე წახვიდეთ თქვენი შვილების წარმატებით აღზრდისთვის.ისწავლეთ მიიღოთ ის, რასაც ორივე გრძნობთ თქვენი შვილების მიმართ და გაიგეთ, რომ ორივეს მათთვის საუკეთესო გსურთ.ახალი ხარჯებიოჯახში ბავშვის მატებასთან ერთად, ხარჯები იზრდება. ეს ნიშნავს, რომ მეუღლეები უნდა წავიდნენ კომპრომისზე, უარი თქვან ზოგიერთ საჭიროებებზე და ჩვეულებრივზე ნაკლები ფული დახარჯონ ისეთ აქტივობებზე, როგორიცაა კინოში წასვლა, ძვირად ღირებული ტანსაცმლის ყიდვა, გართობა, ჭამა და ა.შ.ფულის უმიზნოდ ხარჯვამ შეიძლება სერიოზული პრობლემები გამოიწვიოს. ფინანსურმა კრიზისმა შეიძლება გამოიწვიოს სტრესი და გახშირდეს მეუღლეებს შორის კამათი და ბრალდებები, რომ ადამიანი ძალიან ბევრს ხარჯავს ან უყურადღებოდ იქცევა ფულთან მიმართებაში.როგორ მოვაგვაროთ კონფლიქტური სიტუაციაებიუპირველეს ყოვლისა, შეეცადეთ თავიდან აიცილოთ ფინანსური პრობლემები და დაზოგოთ ბავშვის დაბადებამდე დიდი ხნით ადრე და დაგეგმოთ ყველა ხარჯი.თუმცა, ნებისმიერ შემთხვევაში, ოჯახის ბიუჯეტის შექმნა შეიძლება დიდი დახმარება აღმოჩნდეს ფულის დაზოგვაში და თვალყურის დევნებაში, ქორწინებაში და მშობლობაში პრობლემების თავიდან აცილებაში. რომანტიკის გაქრობაბავშვის დაბადებასთან ერთად ბევრი წყვილი მას ყურადღების ცენტრში აქცევს, პარტნიორი კი უკანა პლანზე გადადის. თუმცა, ეს ძალიან საშიშია ქორწინებისთვის. ყოველივე ამის შემდეგ, თითოეული ჩვენგანი სარგებლობს საყვარელი ადამიანის ყურადღებით.ხშირია იმის დანახვა, რომ წყვილებს ენატრება ბავშვობამდელი ცხოვრების წესი, როდესაც ისინი მეტ დროს ატარებდნენ ერთად და ჰქონდათ უფრო აქტიური სექსუალური ცხოვრება - და ეს ასევე იწვევს სტრესს და კონფლიქტს.როგორ მოვაგვაროთ პრობლემაბავშვის გაჩენა არ ნიშნავს იმას, რომ მარტო ერთმანეთის გვერდით ვერ ისიამოვნებთ. მოაწყვეთ მეტი პაემანი და ინტიმური მომენტები, ეს მნიშვნელოვანია თქვენი ურთიერთობის შესანარჩუნებლად.შეგიძლიათ დაიქირაოთ ძიძა, ან სთხოვოთ თქვენს ახლობლებს დარჩნენ ბავშვთან. წადით რომანტიკულ ვახშამზე.ერთად ხარისხიანი დროის გატარებას შეუძლია წყვილის დაახლოება, სტრესის შემცირება და ქორწინების გაძლიერება.

რჩევები • 1714911498

როგორია სწრაფი კვების პროდუქტების და ტკბილეულის დასაშვები ნორმა

იმისათვის, რომ სწრაფი კვების პროდუქტებმა და ტკბილეულმა არ დააზიანოს სხეულის აღნაგობა და ჯანმრთელობა,ეს პროდუქტები შეგიძლიათ მიირთვათ არა უმეტეს ორ კვირაში ერთხელ. ჭარბი რაოდენობით შაქარი, მარილი და ცხიმიანი ხორცი არ არის სასარგებლო ორგანიზმისთვის, იწვევს შეშუპებას და ჭარბ წონას, ასევე ზიანს აყენებს ღვიძლს. თუმცა, ზოგჯერ სავსებით მისაღებია, რომ გემრიელი, მაგრამ არც თუ ისე ჯანსაღი საკვებით გაანებივროთ თავი. ტკბილეულისა და სწრაფი კვების უარყოფითი ეფექტი შეიძლება მნიშვნელოვნად შემცირდეს, თუ რეგულარულად მიირთმევთ ბევრ მწვანილს, ბოსტნეულს და ხილს. ამ პროდუქტებში შემავალი უჯრედისი შთანთქავს ტრანსცხიმებს და აუმჯობესებს ნაწლავის მიკროფლორას, რითაც ხელს უწყობს საჭმლის მონელებას.

საზოგადოება • 1714910465

სასწაულები სარკის წმინდა გიორგის შესახებ, რომელსაც უშვილოებიც სთხოვენ შეწევნას

გიორგობას სარკის წმიდა გიორგის ტაძარში უამრავი მომლოცველი მიდის. ხშირად უშვილოები სთხოვენ შეწევნას და შვილიერება მიემადლებათ.სარკის (სარყის) წმიდა გიორგის მადლმოსილება ულამაზესი მთაკალთიანი ფერდობისაკენ მორწმუნეებს უწყვეტ ნაკადად იზიდავს. ტაძრისაკენ სავალი თავიდან ძნელად მოსჩანს, ბოლოს კი ბუნების დიდებულებით და ნაირგვარ ფერებით მოჩუქურთმებულ-მოვარაყებული გარემო მიწიერ სამოთხეს მოგვაგონებს. ეს ადგილი სიმშვიდისა და სიხარულის მნათობია მორწმუნე სულისათვის. ლეგენდის მიხედვით ქარელში, სოფელ საღოლაშენთან არის 'დედოფლის მინდორი“ და „დასასრულად“ წოდებული ადგილი, რაც წმინდა, შენახულ ადგილს ნიშნავს. აქ გლეხკაცი არ ხნავდა და არც საქონელს უშვებდა. დაცვისა და შეუხებლობის ნიშნად ამ მდელოს ხნულის შემოვლებით სარყავდნენ. ერთ-ერთი სარყვის დროს დაღლილ გუთნისდედას ჩასძინებია და საკვირველი ჩვენება უხილავს გამოცხადებაში.გამოღვიძებულს არავისთვის უთქვამს, მხოლოდ ღვთისაგან მითითებულ ნიშანს ელოდა, რომელსაც ხვნა უნდა შეეფერხებინა. მართლაც, სარყვისას უღლეული შედგა და ადგილიდან აღარ იძვროდა. მეხრეს ხარების გასაფიცხებლად შოლტი გადაუკრავს გუთნის შემაფერხებელ მცენარეთა ფესვების ლანძღვით. მაშინათვე გულწასული მეხრე მიწაზე დაენარცხა და სული განუტევა. ხნულის გათხრისას დიდმოწამე გიორგის ქვაში ნაკვეთი ხატი გამოჩნდა. დღესაც აქ, „დასარყულ“ მინდორზე წმიდა გიორგის ბარელიეფში ნაკვეთი ქვის ხატი დევს, რომლის შესახებაც გუთნისდედას სიზმრეულ ჩვენებაში ეუწყა: ამოებრძანებინა, გაუხედნავ ხარებზე დაედო და ღვთის ნებისათვის მიენდო.სადაც ხარები დაღლილნი დაწვებოდნენ, იქ აეგოთ დიდმოწამე გიორგის სახელობის ეკლესია. ურემზე დაბრძანებული ხატით გაუხედნავმა უღლეულმა თრიალეთის ქედს მიაშურა. ეკლესიისაკენ მიმავალი გზის შუა წელზე საჯავარედ წოდებული შესასვენებელი ადგილია. აქ შეჩერებულან დაღლილი ხარები, შეუსვენიათ და გზა განუგრძიათ. დღეს აქ მორწმუნენი ჩერდებიან, რომ ძალამოკრებილნი კვლავ შეუდგნენ ეკლესიისკენ მიმავალ აღმართს. ბოლოს ხარები არაქათგამოცლილნი დაწოლილან. ამ ადგილას სამი მონაზონი შეკრებილა, რომელთაც ღვთის შემწეობით აუგიათ სარყის წმიდა გიორგის ეკლესია და მონასტერი დაუარსებიათ. ჟამთა სიავით ათეული წლობით შეფერხებული ღვთისმსახურება მისი მაღალ ყოვლად უსამღვდელოესის ურბნისისა და რუისის მიტროპოლიტ იობის ლოცვა-კურთხევით აღდგა და განახლდა სარკის წმიდა გიორგის ეკლესია, მოეწყო და დღესაც მოქმედებს მამათა მონასტერი.სარკედ ქცეულ სარყეს სახელი შეეცვალა, მაგრამ მისი მადლმოსილება კვლავ სარკესავით ჩანს და მორწმუნეთა სულებს ათბობს. ერთხელ ყიფიანებს ცხვარი მიუყვანიათ სარკის წმიდა გიორგის ეკლესიაში. ტრადიციისამებრ, ცხვარი ტაძრისათვის უნდა შემოეტარებინათ. ვეება ჭედილა ხელიდან დაუსხლტათ და სამი კილომეტრით დაშორებული ყინწვისის ეკლესიისკენ გაექცათ. დადევნებულებმა საოცრება იხილეს - ცხვარი გზის მიუთითებლად ყინწვისის ეკლესიაში მივიდა, სამჯერ გარშემო შემოუარა და კვლავ სარკეს ეკლესიისკენ გამოსწია. ეკლესიის კარებთან წინა ორი ფეხი მოიდრიკა და დაჩოქილმა თავი მიწას დაადო. ამის ხილვით შეძრული ხალხი შემოქმედს განადიდებდა და უფალს მადლობდა, რომელმაც პირუტყვის მიერ განსწავლა მცირედ მორწმუნენი თავმდაბლობასა და ღვთისმორჩილებაში.გიორგობას სარკეს წმიდა გიორგის ტაძარში უამრავი მომლოცველი მიდის. ზოგი მათგანი კლდოვან გზას ფეხშიშველა მიუყვება. როგორც ამბობენ, არ ყოფილა შემთხვევა, ვინმე ამის გამო გაციებულიყო, ან ფეხი დაზიანებოდა.ერთხელ მძიმე ავადმყოფი ურემზე დაწოლილი მიიყვანეს, ტაძართან მისულმა კი ურმიდან დაუხმარებლად ჩამოსვლა და გავლა შეძლო.წმიდანებს სხვადასხვა დახმარებას სთხოვენ. ეს იმაზეა დამოკიდებული, წმიდანი სიცოცხლეში რა სასწაულებს ახდენდა, ან რა კუთხით მოღვაწეობდა, როგორ ეწამა, გარდაცვალების შემდეგ როგორ შეეწეოდა ადამიანებს.წმიდა გიორგი განსაკუთრებული წმიდანია. მას სხვადასხვა თხოვნით მიმართავენ. სარკეს წმიდა გიორგიც სხვადასხვა თხოვნით მოსულ ადამიანებს შეეწევა. ხშირად უშვილოები სთხოვენ შეწევნას და შვილიერება მიემადლებათ. კეთილად მთხოვნელთ მსწრაფლი შეწევნა მიუღიათ.

პოლიტიკა • 1714909920

მაიდანის სცენარი ამჯერად საქართველოში - დესტრუქციული ძალები აპრობირებულ გეგმას მიჰყვებიან, მაგრამ ქართველი ხალხი და სახელისუფლებო გუნდი ანტისახელმწიფოებრივ ქმედებებს არ დაუშვებს - თამთა მეგრელიშვილი

 „ხალხის ძალის“ წევრი თამთა მეგრელიშვილი სოციალურ ქსელში ფოტოს აქვეყნებს, სადაც ნაჩვენებია, რომ დესტრუქციული ძალები მაიდანის სცენარით მოქმედებენ. მეგრელიშვილის თქმით, დესტრუქციული ძალები აპრობირებულ გეგმას მიჰყვებიან, მაგრამ ავიწყდებათ რომ აქ საქართველოა და ქართველი ხალხი და სახელისუფლებო გუნდი ანტისახელმწიფოებრივ ქმედებებს არ დაუშვებს.„მაიდანი-ს სცენარი ამჯერად საქართველოში! დესტრუქციული ძალები აპრობირებულ გეგმას მიჰყვებიან, მაგრამ ავიწყდებათ რომ აქ საქართველოა და ქართველი ხალხი და სახელისუფლებო გუნდი ასეთ ანტისახელმწიფოებრივ ქმედებებს არ დაუშვებს! ყველა კანონდამრღვევი აგებს პასუხს ქართული კანონის წინაშე“, - წერს მეგრელიშვილი.