ძაღლებს აქვთ უნარი დაადგინონ კიბოს არსებობა სხვა ძაღლებში –მეცნიერების ახალი მიგნება

 ბრისტოლის უნივერსიტეტში ჩატარებული კვლევის თანახმად, ძაღლებს აქვთ უნარი დაადგინონ კიბოს არსებობა სხვა ძაღლებში. უახლესი კვლევის მიხედვით, შესაძლოა მეცნიერების აღნიშნული მიგნება იყოს ახალი და ეფექტური გზა ამ დაავადების დასადგენად.

მეცნიერები ამბობენ, რომ მიუხედავად იმისა, რომ ძაღლების წვრთნები მიმდინარეობს ადამიანებში სხვადასხვა სახის კიბოს გამოსავლენად, იშვიათია კვლევები, რომლებიც ჩატარებულა ადამიანების ოთხფეხა მეგობრების შესაძლებლობების შესახებ, სხვა ძაღლებში კიბოს გამოვლენისათვის.

 TECH EXPLORIST – ის ცნობით, წინა კვლევებმა აჩვენა, რომ ძაღლები წარმატებით ამოიცნობენ მავნე სიმსივნეებს პირის ლორწოდან, თუმცა ისინი სიძნელეებს აწყდებიან ძაღლების შარდში UC – ის აღმოსაჩენად.

კვლევამ, რომელშიც მონაწილეობდნენ Medical Detection Dogs, Davies Veterinary Specialists, Bristol-ის უნივერსიტეტის და Royal Veterinary College-ის თანამშრომლები, მიზნად ისახავდა დადგენას, თუ როგორ შეიძლება სპეციალურად გაწვრთნილმა ძაღლებმა ეფექტურად დაადგინონ შარდის ბუშტის კიბო სხვა ძაღლებში.

შედეგები აჩვენებს, რომ ეს მეთოდი შეიძლება იყოს პერსპექტიული და რაც მთავარია ახალი მიდგომა ძაღლებში დაავადების დიაგნოსტირებისთვის. კვლევაში მონაწილეობა სამმა კოკერ სპანიელმა სახელად კიზიმ, ჯობმა და მარლომ მიიღეს, მათი სპეციალური წვრთნა კი, ორგანიზაცია Medical Detection Dogs (MDD) – მა ჩაატარა.

 შედეგებმა აჩვენა, რომ ძაღლებს, რომელთაც  შარდის ბუშტის კიბო აქვთ, აქვთ  განსხვავებული სუნი, რომელიც მხოლოდ სპეციალურად გაწვრთნილ ძაღლებს შეუძლიათ ამოიცნონ. კვლევის თანახმად მათ 90%-იან მგრძნობელობით დადებითი ნიმუშების სწორად ამოცნობა შეძლეს, ხოლო 95%-იან სპეციფიკურობით, უარყოფითი ნიმუშების სწორი იგნორირება.

„ბევრჯერ დავამტკიცეთ, რომ ძაღლებს შეუძლიათ აღმოაჩინონ კიბო ადამიანის ნიმუშებში, ამიტომ დარწმუნებული ვართ, რომ ასევე შეძლებენ კიბოს დიაგნოსტირებას სხვა ძაღლების ნიმუშებში“, – თქვა Claire Guest-მა, Medical Detection Dogs-ის გენერალურმა დირექტორმა, თანადამფუძნებელმა.