„ვერასდროს ვიქნებოდი უხამსობების მომხრე... სტიმულს ცხოვრების დინამიკა მაძლევს“ - ბლიც ინტერვიუ ნიკა გოგვაძესთან

სატელევიზიო რეიტინგების ლიდერი, სოციალური მედიის ეპოქის ყველაზე წარმატებული შოუ „პრაიმ ჰაუსი“ ყოველკვირეულად ახალ-ახალ რეკორდს ამყარებს. „პრაიმტაიმმა“ მონაწილეების უკეთ გაცნობის მიზნით, გადაწყვიტა, მათთან ბლიცინტერვიუ ჩაეწერა.

ამჯერად, რამდენიმე კითხვით „პრაიმ ჰაუსის“ მონაწილეს, ნიკა გოგვაძეს მივმართეთ.

- მოვლენა, რომელმაც შემცვალა...

- რთული კითხვაა, დინამიკა ისე იზრდება ჩემს ცხოვრებაში, რომ ასე მკაფიოდ ამოტრიალება და მსგავსი სიტუაცია არ ყოფილა. იყო წვრილმანებით, რამაც ამ დონემდე მომიყვანა და როგორიც ახლა ვარ. 

- ვერასდროს წარმოვიდგენდი...

- რომ „პრაიმ ჰაუსში“ შემოვიდოდი. საკუთარ თავში მისიის პოვნის მიზნით.... 

- ცხოვრება, რომ თავიდან იწყებოდეს...

- ისევ ამ ტვინით და ამ აზროვნებით დავრჩებოდი.

- სტიმულს მაძლევს...

- ოჯახი, სამეგობრო წრე, დადებითი, ნიჭიერი ხალხი. სტიმულს ცხოვრების დინამიკა მაძლევს;

- გეგმა, რომელიც ჯერ ვერ განვახორციელე...

- მუსიკალური ალბომის გამოშვებაა;

- პირველი სიყვარულის ისტორია...

- რა მახსოვს... კონკრეტულად არაფერი, ფოტოგრაფიული მეხსიერებით მახსოვს (იცინის). გამორჩეული არაფერი ყოფილა.

- ვერასდროს ვიქნებოდი...

- უხამსობების, ბილწობების და მსგავსი რამის გამავრცელებელი, მომხრე...

- მეშინია...

- მეშინია ქვეწარმავლების;

- რჩევას ვიღებ...

- ყველასგან შეიძლება რჩევა მიიღო, აქ საუბარი გათვალისწინებაზეა. შეიძლება უბრალო საუბრისგან წვრილმანი აიღო და ეს რჩევად გამოიყენო და გაითვალისწინო. 

- მოხუცი ვიქნები...

- მოხუცი ვიქნები შინაგანად ისეთი, როგორიც ახლა ვარ... ასე წარმომიდგენია. ჩემი თავი აქ, თბილისში წარმომიდგენია ზუსტად იგივე ხალხთან ერთად.