„ცხოვრება აღარ მიხაროდა... ეს იყო ჩემთვის წარმოუდგენელი...“ - ბლიც ინტერვიუ კრისტი აბაკუმოვასთან

სატელევიზიო რეიტინგების ლიდერი, სოციალური მედიის ეპოქის ყველაზე წარმატებული შოუ „პრაიმ ჰაუსი“ ყოველკვირეულად ახალ-ახალ რეკორდს ამყარებს. „პრაიმტაიმმა“ მონაწილეების უკეთ გაცნობის მიზნით, გადაწყვიტა, მათთან ბლიც ინტერვიუს ჩაწერა.

ამჯერად, რამდენიმე კითხვით კრისტი აბაკუმოვას მივმართეთ. 

→ რაზე ოცნებობდი ბავშვობაში?

ბავშვობაში მინდოდა, რომ ცნობილი ვყოფილიყავი და მგონი ახდა ჩემი ოცნება.

→ რისი ნიჭი გინდა, რომ გქონდეს?

სიმღერის

→ ყველაზე მეტ დროს უთმობ?

ყველაზე მეტ დროს ვუთმობ უაზრო ფიქრებს, ძალიან ბევრს ვფიქრობ უაზროდ.

→ დედაჩემი მომკლავს თუ...

დედაჩემი მომკლავს თუ ჩემი სახელი იქნება შელახული.

→ სად იცხოვრებდი?

სადმე თბილ ქვეყანაში

→ რამ გაგაოცა ბოლოს?

არაფერი მახსენდება...

→ პირველი სამსახური იყო?

სილამაზის სალონი, სადაც ვიყავი ადმინისტრატორი

→ რით ხარ გამორჩეული?

ძალიან ფეთქებადი და ემოციური ვარ, სწორედ ამით ვარ გამორჩეული ბევრისგან.

→ რით ხარ უკმაყოფილო?

უკმაყოფილო ვარ იმით, რომ ჩემს თავს საკმარისად არ ვაფასებ, ვფიქრობ უფრო მეტად უნდა მიყვარდეს ჩემი თავი.

→ რის/ვის გარეშე ვერ იცხოვრებ?

ვერ ვიცხოვრებდი მუსიკის გარეშე.

→ ყველაზე მეტად რისი გრცხვენია?

ზედმეტი ემოციების აყოლის მრცხვენია. (იცინის)

→ სამი სიტყვით დაახასიათე საკუთარი თავი

კეთილი, ერთგული და ცოტა გიჟური

→ ბოლოს რაზე იტირე?

ბოლოს გუშინ ვიტირე... ხალხი არასწორად ხედავს ჩემს გრძნობებს, რის გამოც ჩემს მიმართ დიდ განკითხვას ვგრძნობ, რაც ძალიან მტკენს გულს

→ მომენტი, რომელიც არასდროს დაგავიწყდება

ცუდად ვიყავი, 39 მქონდა სიცხე, ცხოვრება აღარ მიხაროდა და უცებ მირეკავენ „რუსთავი 2-დან“ მეუბნებიან, რომ უნდა მივიდე „პრაიმ ჰაუსის“ ქასთინგზე ეს იყო ჩემთვის წარმოუდგენელი, შოკი მქონდა ბედნიერების.

→ რას ნანობ?

არა, თუმცა არის რაღაცეები რაზეც ვიმუშავებდი საკუთარ თავზე.

→ რას შეცვლიდი შენს ცხოვრებაში?

ძალიან მაკლია მამის სითბო, რასაც შევცვლიდი არის ის, რომ სრულყოფილ და სრულფასოვან ოჯახში ვიცხოვრებდი.

→ ოქროს თევზისთვის ერთი სურვილი იქნებოდა...

„რუსთავი 2-ში“ ვიმუშავებდი წამყვანად 

→ სიტყვა ან ფრაზა, რომელსაც ყველაზე ხშირად იყენებ არის...

შოკში ვარ...