„მინდა, ხალხს ვუყვარდე... ვერასდროს წარმოვიდგენდი, რომ კომენტარებში ასეთ რაღაცებს დამიწერდნენ“ - ნინი დადუ

სატელევიზიო რეიტინგების ლიდერი, სოციალური მედიის ეპოქის ყველაზე წარმატებული შოუ „პრაიმ ჰაუსი“ ყოველკვირეულად ახალ-ახალ რეკორდს ამყარებს. „პრაიმტაიმმა“ მონაწილეების უკეთ გაცნობის მიზნით, გადაწყვიტა, მათთან ბლიცინტერვიუ ჩაეწერა.

ამჯერად, რამდენიმე კითხვით „პრაიმ ჰაუსის“ ერთ-ერთ ახალ მონაწილეს, ნინი დადუს მივმართეთ.

- მოვლენა, რომელმაც შემცვალა...

- ბაბუაჩემის გარდაცვალების შემდეგ შევიცვალე, მეტად დაკვირვებული გავხდი, ახლა უფრო მეტად მეშინია საყვარელი ადამიანების დაკარგვის, უფრო ემოციური ვარ. 

- ვერასდროს წარმოვიდგენდი...

- ვერასდროს წარმოვიდგენდი, რომ კომენტარებში ასეთ რაღაცებს დამიწერდნენ. (იღიმის)

- ცხოვრება რომ თავიდან იწყებოდეს...

- უფრო მეტს ვიშრომებდი საკუთარ თავზე...

- სტიმულს მაძლევს...

- სტიმულს ყოველი დღის გათენება მაძლევს. თუ რამე უსიამოვნო მოხდა დღის მანძილზე, ვიცი, რომ მოსაღამოვდება და ხვალ ახალი დღე გათენდება. მზიანი დღე უფრო მეტ სტიმულს მაძლევს.

- გეგმა, რომელიც ჯერ ვერ განვახორციელე...

- მინდა, ადამიანებს ვუყვარდე... 

- პირველი სიყვარულის ისტორია...

- ჩემი მეზობელი მიყვარდა, ბახა, ასაკით ჩემზე დიდი იყო. მაშინ ყიფშიძეზე ვცხოვრობდი. სადარბაზოში ვუწერდი, რომ მიყვარდა და ასოები მეშლებოდა. ამაზე ეცინებოდა...

- ვერასდროს ვიქნებოდი...

- ვერასდროს ვიქნებოდი ბოროტი და აგრესიული... 

- მეშინია...

- საყვარელი ადამიანების დაკარგვის... 

- რჩევას ვიღებ...

- რჩევას მშობლისგან და მეგობრებისგან ვიღებ...

- მოხუცი ვიქნები...

- ალბათ, ყველაზე მზრუნველი. ჩემი თავი ესპანეთში წარმომიდგენია...