რას წერს გიორგი მიქაუტაძე ჩეხეთთან მატჩის შემდეგ სოციალურ ქსელში

ეროვნული ნაკრების ფეხბურთელი გიორგი მიქაუტაძე ჩეხეთთან თამაშის შემდეგ სოციალურ ქსელში პოსტს აქვეყნებს.

„ეს არ არის შედეგი, რომელსაც ველოდით, თუმცა 2025-ში ყველაფერს გავაკეთებთ, რათა ერთად გვქონდეს დიდებული წელი“, - წერს გიორგი მიქაუტაძე სოციალურ ქსელში.

მიმდინარე წლის ერთა ლიგის ბოლო ტურში საქართველო ჩეხეთს ესტუმრა და 1:2 დამარცხდა. ჯვაროსნებმა ერთა ლიგიდან მსოფლიო ჩემპიონატზე გასვლის შანსი დაკარგეს.

ცნობისთვის, ვილი სანიოლის გუნდი, B დივიზიონში დასარჩენად პლეი-ოფში C დივიზიონში მეორე ადგილზე გასული გუნდებიდან ერთ-ერთს შეხვდება - მატჩები 2025 წლის 20 და 23 მარტს გაიმართება. საქართველოს ნაკრების სავარაუდო მეტოქეები კოსოვო, ბულგარეთი, სომხეთი და სლოვაკეთი არიან.