ალასკაზე პოლარული ღამეები დაიწყო - მოსახლეობა მზეს 2 თვით დაემშვიდობა

ამერიკის უკიდურესი ჩრდილოეთით მდებარე ქალაქში პოლარული ღამეები დაიწყო, რაც იმას ნიშნავს, რომ მოსახლეობა მზეს, დაახლოებით, ორი თვით დაემშვიდობა.

Weather Channel-ის ცნობით, პოლარული ღამე 65 დღით გაგრძელდება.  პატარა ქალაქ უტქიაგვიკში - იანვრის ბოლოს გათენდება. ბოლო მონაცემებით, ქალაქს სულ რაღაც 5 000 მცხოვრებლები ჰყავს. პოლარული ღამის პერიოდში უტქიაგვიკში ჰაერის საშუალო ტემპერატურა -20 გრადუსია. მოსახლეობას გადაადგილება უჭირს და ზოგჯერ საჭირო საკვებითა და პროდუქტით მომარაგებაც რთულდება. 

უტქიაგვიკი არქტიკული წრის ჩრდილოეთით მდებარეობს. დედამიწის ღერძის დახრის გამო, ქალაქი ზამთრის პერიოდში ყოველწლიურად ბნელდება, თუმცა დღის გარკვეულ მონაკვეთებში ბინდის მსგავსი ხილვადობა მაინც შეინიშნება.