„კვარაცხელიას წაქცევისთვის პენალტი უნდა დანიშნულიყო“ - ყოფილი იტალიელი მსაჯი

ყოფილმა იტალიელმა მსაჯმა გრაციანო ჩეზარიმ, რომელიც ამჟამად საფეხბურთო ექსპერტად მუშაობს, Mediaset Infinity-ს ეთერში განაცხადა, რომ ჩემპიონთა ლიგაზე „ლივერპულთან“ მატჩისას „ნაპოლის“ ნახევარმცველი ხვიჩა კვარაცხელია საჯარიმოში წესების დარღვევით შეაჩერეს და გერმანელ არბიტრ ტობიას შტილერს პენალტი უნდა დაენიშნა.

„ეს არ იყო კონტაქტი მხრით მხარზე, კონატე მას ზურგზე შეეხო და თერთმეტმეტრიანის დანიშვნა მართებდა. "კვარა" სწრაფად მიიწევდა წინ და ასე მისი შეჩერება არ შეიძლებოდა. ეს ეპიზოდი მეტ ყურადღებას იმსახურებდა და VAR-ი უნდა ჩარეულიყო“. - განაცხადა გრაციანო ჩეზარიმ.