ეროვნული ნაკრების ავტობუსმა მსვლელობა დაიწყო - ფეხბურთელებს თავისუფლების მოედნისკენ გულშემატკივრები მიაცილებენ

ეროვნული ნაკრების ავტობუსმა მსვლელობა დაიწყო. ჭავჭავაძე - მელიქიშვილი - რუსთაველის გამზირი - თავისუფლების მოედანი - ასეთია საფეხბურთო გმირების ავტობუსის მარშრუტი. ფეხბურთელებს გულშემატკივრები მიაცილებენ, ისმის გამამხნევებელი შეძახილები.

თავისუფლების მოედანზე ფეხბურთელებს ასობით გულშემატკივარი ელოდება.

ეროვნული ნაკრების წევრები, ქომაგებთან ერთად, ეროვნულ ჰიმნს შეასრულებენ.