ერთმანეთს სამი მანქანა შეეჯახა - რა ხდება ამ წუთებში ლილოს ბაზრობასთან, სადაც ავარია მოხდა

თბილისში, ლილოს ბაზრობასთან ავტოსაგზაო შემთხვევა მოხდა. ერთმანეთს სამი მსუბუქი ავტომობილი შეეჯახა. 

შემთხვევის ამსახველი კადრები სოციალურ ქსელში ვრცელდება.

ამ წუთებში ადგილზე მობილიზებულია სასწრაფო სამედიცინო დახმარებისა და საპატრულო პოლიციის ჯგუფი.

შემთხვევის შედეგად ერთი ადამიანი დაშავდა.

როგორც „პრაიმტაიმს“ შსს-ში განუცხადეს, მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.