კულტურა • 1716287428

„წმინდა ელენეს ხსენების დღეს დავიბადე, მაგრამ ერთი თვე სახელი არ მერქვა“ - სოფიკო ჭიაურელი 87 წლის გახდებოდა

მსახიობებს გენიალურობას არა მხოლოდ მათი პროფესიული ნიჭი და შეუდარებლობა სძენს, არამედ პიროვნული შტრიხები და ხასიათი. სოფიკო ჭიაურელი კი, ასეთ ადამიანთა კატეგორიაში გახლდათ. ის იყო პიროვნება, რომელიც ერთიანად უყვარდა ბაზრის უბრალო გამყიდველსაც და თეატრის გულმხურვალე გულშემატკივარსაც... და როდესაც პროფესიულ ზენიტს ადამიანურიც თან ერთვის, უკვდავებაც მოდის...დღეს სოფიკო 87 წლის გახდებოდა...მეხსიერების თვალით რომ დაივლი მის როლებს, ჯერ მისი თვალებბრიალა ციცინო გახსენდება "ჩვენი ეზოდან", შემდეგ - ტასია ("რაც გინახავს, ვეღარ ნახავ"). შემდეგ უკვე მზექალა, ვარდო, ზღაპრული ფუფალა... ერთმანეთისგან ცა და დედამიწასავით განსხვავებული ქალები. ფარაჯანოვის "საიათნოვაში" - იგივე "ბროწეულის ფერში" შესრულებული როლები ხომ მისტიკაა! ლანა ღოღობერიძის "რამდენიმე ინტერვიუ პირად საკითხებზე" მთლიანად სოფიკოზე დგას.ამ თვალისმომჭრელ გალერეაში განსაკუთრებით უყვარდა ფუფალა.სოფიკო ჭიაურელი: ფუფალა ნათელი ფერია ჩემს შემოქმედებით ბიოგრაფიაში. ვფიქრობ, სხვა რომ აღარაფერი გავაკეთო, ფუფალა ხომ მაინც დარჩება-მეთქი. ქართული კინოს კი ის პერიოდი დარჩება როგორც კლასიკა.როდესაც დამიძახა და ეს როლი შემომთავაზა, გავგიჟდი ისე გამიხარდა. მოთხრობა წაკითხული მქონდა, მაგრამ ისევ გადავიკითხე და ისე მივედი სტუდიაში.გამახსენდა ქალი, რომელიც მარჯანიშვილზე მხვდებოდა ხოლმე. არანორმალური იყო, მანქანებს ხელს უქნევდა და უღიმოდა. ერთხელ მიზეზი ვიკითხე, მითხრეს, სიყვარულის გამო გაგიჟდა, შეყვარებული მოუკვდაო... ის გამახსენდა და ვიფიქრე, რომ აქედან გამომდინარე უნდა შემექმნა ფუფალას როლი. მივედი სტუდიაში, ვილაპარაკეთ, ვუთხარი ჩემი აზრი, ვაჩვენე, რაც მოვიფიქრე. თენგიზი ხომ ძალიან დამყოლი იყო, არასოდეს უთქვამს არავითარ შემთხვევაშიო. ჩავედით გარდერობში, მოვძებნეთ ტანსაცმელი, მერე ბოხჩაც, მერე გრიმი და გავედით გადაღებაზე. ფუფალა დღეს საზოგადო სახელად იქცა...სახელის ისტორია, რომელიც ერთხელ მოჰყვა, ბევრს არ გეცოდინებათ."რომ დავიბადე, ერთი თვე სახელი არ მერქვა" - ეს არის ფრაზა სოფიკო ჭიაურელის ერთ-ერთი ინტერვიუდან, სადაც ის ჰყვება, ლეგენდარულ ვერიკოსა და მიხეილს, როგორ სურდათ ქალიშვილისთვის ორი სხვადასხვა სახელის დარქმევა.სოფიკო ჭიაურელი: -  ჩემი დაბადების დღე, 21 მაისი წმინდა ელენეს ხსენების დღეა. დედას უნდოდა ჩემთვის ელენა დაერქმია, მამას კი - სოფიას დარქმევა სურდა.საბოლოოდ, როდესაც ერთი თვე შემისრულდა, მამამ ორი ფურცლის ნაგლეჯზე დაწერა ეს სახელები და ჩაყარა ქუდში. ქუდი მომიტანა და ხელი ჩამაყოფინა. მე ქუდიდან ამომიღია ფურცელი წარწერით - სოფია. და მე ძალიან ბედნიერი ვარ, რომ ეს სახელი ამოვიღე, რადგან სოფია - ეს სიბრძნეა.

პოლიტიკა • 1710765935

არავინ ეკითხება არახამიას, საქართველო ვისთან აღადგენს ფრენებს, როდის და რატომ - დავით მაღრაძე

მორალზე შეიძლება ისაუბროს ექვთიმე ათონელმა, იოანე დამასკელმა, არახამიას მორალზე საუბარი ცოტა ღიმილის მომგვრელია. არავინ ეკითხება არახამიას, საქართველო ვისთან აღადგენს ფრენებს,¬ როდის და რატომ. ესენი ჩვეულებრივი პროექტის მოქალაქეები არიან, ამათთან მორალზე როგორ შეიძლება ლაპარაკი. პროექტის მოქალაქის მორალი მხოლოდ პროექტია - აცხადებს „კვირის პალიტრასთან“ ინტერვიუში პოეტი დავით მაღრაძე.კითხვაზე - რაში სჭირდება უკრაინას ადეიშვილი? საერთოდ რატომ უღირს ეს ადამიანები თბილისის გადამტერებად ან ურთიერთობის არევად?მაღრაძე პასუხობს:„საქართველო არასოდეს უკრაინის მტერი არ გახდება, თუ რატომ, ამას უკრაინის ხელისუფლება ვერ გაიგებს... უკრაინას არც ადეიშვილი სჭირდება, არც არახამია და არც სხვა ბევრი. ეს სჭირდება პროექტს. უკრაინა არის ქვეყანა და არა პროექტი. პროექტი არის მის ხელისუფლებაში მყოფი ხალხი, ხოლო უკრაინა არის შევჩენკო, დოვჟენკო, ფარაჯანოვის "Тени забытых предков", უკრაინა არის უკრაინული ხალხური სიმღერა.... კიდევ ბევრი რამის ჩამოთვლა შეიძლება“.წყარო: 

საზოგადოება • 1710397410

საუბრები სერგო ფარაჯანოვის ხელოვნებაზე

19 მარტს თიბისი კონცეპტის მულტიფუნქციურ სივრცეში გაიმართება საუბრები ფარაჯანოვის შემოქმედებაზე და მის ხელოვნებაზე დაფუძნებულ სხვადასხვა პროექტებზე. ფრანგი მოცეკვავე და  ქორეოგრაფი მურად მერზუკი და ფრანგული თეატრალური კომპანიის Saté-âtre-ის დირექტორი, სატე ხაჩატრიანი ისაუბრებენ თუ როგორ შეიქმნა სპექტაკლი ბროწეულის ფერი, რომლის წარმოდგენაც 18 მარტს, რუსთაველის თეატრში შედგება.ხელოვანები ისაუბრებენ სერგო ფარაჯანოვის შემოქმედებაზე, თუ რამხელა გავლენა აქვს მის ხედვას დღევანდელ სამყაროში. ისაუბრებენ როგორ იქმნებოდა ქორეოგრაფიული სპექტაკლი და რა გამოცდილება მიიღეს მათ ფარაჯანოვის უკვდავი ხელოვნების ინსპირაციულ პროექტზე მუშაობისას,ქორეოგრაფიული სპექტაკლი აერთიანებს ტრადიციულ კავკასიურ ბგერებს, ხალხურ და ელექტრონული მუსიკას, რომელიც სერგო ფარაჯანოვის მხატვრულ მემკვიდრეობას ახალ პოეტურ შუქს სძენს.სერგო  ფარაჯანოვი მრავალი კინოპრემიის ლაურატი, კინორეჟისორი, სცენარისტი და მხატვარი იყო. მსოფლიო აღიარება სერგო ფარაჯანოვს ეწვია ისეთი საკულტო ფილმების შექმნის შემდეგ როგორებიცაა: „მივიწყებულ წინაპართა აჩრდილები“ (1965)  და „ბროწეულის ფერი“ (1969).დისკუსიაზე დასასწრებად გაიარეთ რეგისტრაცია ბმულზე.

საზოგადოება • 1710138582

თიბისის მხარდაჭერით სერგო ფარაჯანოვის საკულტო ფილმის „ბროწეულის ფერის“ ქორეოგრაფიული სპექტაკლი გაიმართება

18 მარტს რუსთაველის თეატრში უნიკალური ქორეოგრაფიულ სპექტაკლი „ბროწეულის ფერი“ გაიმართება. წარმოდგენა თიბისის, სომხეთის საელჩო საქართველოში, საფრანგეთის საელჩოსა და საქართველოს ფრანგული ინსტიტუტის მხარდაჭერით ჩატარდება.ქორეოგრაფიული სპექტაკლი აერთიანებს ჰიპ-ჰოპსა და ტრადიციულ კავკასიურ ბგერებს, ხალხურ და ელექტრონული მუსიკას, რომელიც სერგო ფარაჯანოვის მხატვრულ მემკვიდრეობას ახალ პოეტურ შუქს სძენს.სპექტაკლი ლეგენდარული კინორეჟისორის სერგო ფარაჯანოვის ასი წლის იუბილეს ეძღვნება. სპექტაკლის სამხატვრო ხელმძღვანელი ფრანგი ქორეოგრაფი მურად მერზუკია, ორიგინალური იდეის ავტორი კი სატე ხაჩატრიანი, ფრანგული თეატრალური ჯგუფის „Saté-âtre“ დირექტორი.სერგო  ფარაჯანოვი მრავალი კინოპრემიის ლაურატი, კინორეჟისორი, სცენარისტი და მხატვარი იყო. მსოფლიო აღიარება სერგო ფარაჯანოვს ეწვია ისეთი საკულტო ფილმების შექმნის შემდეგ როგორებიცაა: „მივიწყებულ წინაპართა აჩრდილები“ (1965)  და „ბროწეულის ფერი“ (1969).ბილეთების შეძენა შეგიძლიათ ბმულზე- https://biletebi.ge/rustaveli-national-theatre/brotseulis-feri-the-color-of-pomegranate 

მსოფლიო • 1709464965

ფარაჯანოვის ფილმის შთაგონებით Moth and Rabbit Perfumes სუნამოს - „ბროწეულის ფერს“ გამოუშვებს

სერგო ფარაჯანოვის ფილმის შთაგონებით გერმანული პარფიუმერული სახლი Moth and RABBIT PERFUMES ახალ სუნამოს - "ბროწეულის ფერს" გამოუშვებს. როგორც ცნობილია, სუნამოს პირველი ნოტები ბროწეული, შავი მოცხარი და ციტრუსია. "ბროწეულის ფერის"  შუა ნოტები ინტენსიური ვარდი, შავი წიწაკა და თეთრი ყვავილებია. ხოლო სუნამოს საბაზისო ნოტები თეთრი მუშკი, ყავისფერი ფისი და სანდლის ხე იქნება. როგორც ცნობილია, სუნამო "ბროწეულის ფერი" ძირითადად ზამთრის და შემოდგომის არომატებს შეიცავს.ბრენდი ახალ სუნამოს 50 მილილიტრიან ფლაკონში გამოუშვებს და მისი ფასი 139 ევრო იქნება. "ბროწეულის ფერის" სუნამოს შემქმნელი პარფიუმერი მარკ ბაქსტონია.2024 წლის 9 იანვარს სერგო ფარაჯანოვის დაბადებიდან 100 წელი გავიდა. ფარაჯანოვი გასული საუკუნის ერთ-ერთი ყველაზე გავლენიანი კინორეჟისორია, რომელიც სხვადასხვა პერიოდში უკრაინაში, სომხეთსა და საქართველოში მუშაობდა. ცხოვრების ბოლო წლები რეჟისორმა თბილისში გაატარა. მის შემოქმედებაში ბროწეულის გამოსახულებას განსაკუთრებული, სიმბოლური დატვირთვა აქვს. 1969 წელს გადაღებული "ბროწეულის ფერი" სერგო ფარაჯანოვის ერთ-ერთ მთავარ ნამუშევრად ითვლება. ასევე ნახეთ:რატომ არ უნდა დატოვოთ ცარიელი ბოთლები მაგიდაზე: ვიწრო ყელს, როგორც გამტარს, შეუძლია ავის მომასწავებელი ენერგიების შემოშვება ოთახშიროგორ ავიცილოთ თავიდან სოციალური ქსელებიდან გაკეთებული ჯადო - ტელეფონის საშუალებით შესაძლოა მიიღოთ შეტყობინებები, რომლებიც შეიცავს განადგურების მექანიზმს

საზოგადოება • 1705550280

უბნები თბილისში, სადაც დღეს შუქი გაითიშება - გადაამოწმეთ მისამართები

თბილისში დღეს შუქი ისევ მთელი დღით ჩაქრება - ინფორმაციას და ქუჩების ჩამონათვალს კომპანია "თელასი" ავრცელებს.დიდუბის რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დიღმის სასწავლო მეურნეობის და აღმაშენებლის ხეივნის (ნაწილობრივ) მოსახლეობას.ვაკის რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ) მოსახლეობას.მთაწმინდის რაიონიგადაუდებელი სამუშაოების გამო 11:00 საათიდან 15:00 საათამდე შეზღუდვა შეეხება: ასათიანის, მთაწმინდის, ბათუ კრავეიშვილის, ჩიტაძის, ჭონქაძის, ვახტანგ მოსიძის, უკლებას, არსენას, ბესიკის, ვეძინის, ინგოროყვას, კოტეტიშვილის, მესხის, ყიფიანის, ძმები ზუბალაშვილების და ფარაჯანოვის ქუჩების მოსახლეობას.სამგორის რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ვარკეთილი-3 III, IV, VI მიკრორაიონების (ნაწილობრივ), კახეთის გზატკეცილის, ამილახვარის და ნაზი შამანაურის ქუჩების მოსახლეობას. გადაუდებელი სამუშაოების გამო 12:00 საათიდან 13:00 საათამდე შეზღუდვა შეეხება: ვარკეთილი-3 I, III, IIIა, IV მიკრორაიონების (ნაწილობრივ), რაფიელ დვალის, ვიქტორ კუპრაძის, სესილია თაყაიშვილის, კოტეტიშვილის, ჯავახეთის, თრიალეთის, სადგერის, სალხინოს, ოჯალეშის, ლადო კოტეტიშვილის, რწმენის, ჩხენკელის, ვარდისუბნის, მაჭავარიანი-წერეთლის და შერვაშიძის ქუჩების მოსახლეობას. ნაძალადევის რაიონიგადაუდებელი სამუშაოების გამო 11:00 საათიდან 14:00 საათამდე შეზღუდვა შეეხება: სანზონის დასახლების (ნაწილობრივ), გურამიშვილის გამზირის, ერწოს და ქვიშხეთის ქუჩების მოსახლეობას.ასევე ნახეთ:„ხელფასის მოულოდნელი ზრდა და ფინანსური კეთილდღეობა ელით...“ - დასახელდა ზოდიაქოს ნიშნები, რომელსაც განსაკუთრებული წელი ექნება„დედამიწას კვლავ 4-ბალიანი მაგნიტური ქარიშხალი დაფარავს“ - რომელ რიცხვებშია მოსალოდნელი ეს მოვლენა და ვისზე იმოქმედებს განსაკუთრებულადVIDEO: „ამ ტანჯვას ბოლო მოეღება...“ - გოგა მანია პროგნოზირებს, რა მოხდება 2024 წელს

კულტურა • 1704821305

„საცოლე თვალწინ მოუკლეს, გოგონა გაქანებული მატარებლის ქვეშ ჩააგდეს...“ - საინტერესო ფაქტები სერგო ფარაჯანოვზე, რომელიც დღეს 100 წლის გახდებოდა

სერგო ფარაჯანოვი 100 წლის გახდებოდა; სომხური წარმოშობის ქართველი და საბჭოთა კინორეჟისორი... ვიკიპედიური სიმშრალე იქით იყოს და ეს გენიოსი, რომელიც ნამდვილი თბილისური ბომონდისა და ჩვენი იმ პერიოდის სუბკულტურის განუყოფელი ნაწილი გახლავთ, მთაწმინდაზე დაბადებული თბილისელია, რომელიც აქაურობით იყო გაჟღენთილი. თუმცა მას კონკრეტული ეროვნება ნამდვილად არ სჭირდებოდა. იყო მსოფლიო მოვლენა, მასშტაბური ფიგურა.ამ სიურეალისტმა თავის კინოში იჯადოქრა და მსოფლიო გააოცა.თბილისური ელიტა თავს "სერჟიკას ახლობლად" აცხადებდა. აქ ჩამოსული ვარსკვლავებიც მის ნახვას ესწრაფოდნენ. მის ცნობილ სახლში სანახაობისთვის მიდიოდნენ. თუმცა ასეთ ხმაურში მცხოვრებიც კი ახერხებდა მარტოობას.   იური მეჩითოვის წყალობით, მისი ბევრი სახასიათო ფოტო შემოგვრჩა, ნამდვილი სერგოს სახე, საიდანაც დაახლოებით მაინც ვიგებთ, რა "ოფოფებიანიც" გახლდათ..."თვითონ აწყობდა კომპოზიციებს და მეუბნებოდა, აი, ასე გადავიღოთო. სერგოს ცნობილი სურათიც კი, ნახტომში როცაა გადაღებული, ესეც კი მისი ჩანაფიქრი იყო, ეს არ არის შემთხვევითი კადრი", — ამბობს იური მეჩითოვი.მიწიერი ცხოვრებისთვის 66 წელი მიეცა, უკვდავება კი, ამ მოკლე დროში, თავად მოახერხა...სილამაზის მოტრფიალე ხელოვანის სული, მშვენივრად ჩანს მის ფილმებში. ფერების, მისეული ესთეტიკისა და ტემპორიტმის კადრები, რეალობას ახლა გწყვეტს და წარმოიდგინეთ, 40 წლის წინ, რა შეგრძნებას შობდა; იმ იდეოლოგიური მარწუხების ეპოქაში. მაგრამ მის შემოქმედებას უდროობა "სჭირს." დროში არ არის მოქცეული ისევე, როგორც ყველაფერი ჭეშმარიტი. მან შექმნა პოეტური კინო მულტიკულტურული ელემენტებით. ფარაჯანოვთან გვხვდება - ქართული ფოლკლორული მუსიკა, სომხური მინიატურა, თბილისური ყოფითი კულტურა, იქ - ფიროსმანი; გვხვდება სპარსული ხალიჩის სიჭრელე... "ვეფხისტყაოსნის" ზიჩისეული ილუსტრაციების მაგვარი ესთეტიკა... წარმოსახვებით სავსე ალბომის ფურცლები აგვიფრიალა წინ... ამიტომაც გამოარჩიეს კოლეგა ხელოვანებმა, ამიტომ ითხოვდნენ მის დახსნას საბჭოთა ციხიდან... ამ იშვიათად გენიალურობის გამო სცემდა დიდ პატივს ფედერიკო ფელინიც...და გვახსოვს დღეს ფარაჯანოვი?გვაქვს პატარა ძეგლი, "გაცოცხლებული" იურის ფოტო. შარშან, კოტე მესხის ასახვევს, სადაც რეჟისორი ცხოვრობდა, სერგო ფარაჯანოვის სახელი მიანიჭეს. ამ ქუჩაზე მდებარე მისი ცნობილი სახლიდან ნივთების სრული უმრავლესობა ახლა ერევანში, მის მუზეუმში ინახება.კინოსტუდია "ქართულ ფილმში" გადაღებული მისი ფილმების საავტორო უფლებებიც კი აღარ გვაქვს. საქართველომ ფარაჯანოვი დაკარგაო, ამბობენ და ასეც არის.  გული გვტკივა, როდესაც მას მხოლოდ სომეხ რეჟისორად მოიხსენიებენ. ამ "დაკარგვის" სათავეც საბჭოთა დროშია. ჰომოსექსუალობის ბრალდებით აჩუმებდნენ, აპატიმრებდნენ, ბლოკავდნენ, მერე, 80-იანი წლების საქართველოში, ნაციონალისტური განწყობები განსაკუთრებულად რომ გაძლიერდა, თითქოს, წარმომავლობის გამო, დისტანცირება გაუკეთეს. მერე "შუშანიკის წამებაზე" ფილმის გადაღების ნება არ დაურთავთ. ამას ძალიან უმოქმედია ციხეგამოვლილ რეჟისორზე. მოკლედ, მისი ირონიული ხუმრობა ასე პასუხობს ყველაფერ ამას: "ვარ ეთნიკურად სომეხი, დაბადებული საქართველოში, რომელიც უკრაინული ნაციონალიზმის გამო იჯდა რუსულ ციხეში."გთავაზობთ რამდენიმე საინტერესო და შესაძლოა, უცნობ ფაქტებსაც სერგო ფარაჯანოვის ცხოვრებიდან.2020 წელს რეჟისორის ცოლი, უკრაინელი ფილოლოგი – სვეტლანა შერბატიუკი გარდაიცვალა, ერთი წლის შემდეგ კი, მათი ერთადერთი ვაჟი, სურენი წავიდა მშობლებთან.მართალია, ამ განსხვავებულმა წყვილმა ერთად მხოლოდ ხუთი წელი იცხოვრა, თუმცა ცხოვრების ბოლომდე მეგობრებად დარჩნენ და სვეტლანას, სერგოს ახლობლები, ფარაჯანოვის მფარველ ანგელოზად თვლიდნენ. მას როგორც "ყოფილს", არც მოიხსენიებდნენ. ქალს საქვეყნოდ აღიარებული მაესტრო ციხეშიც კი არ მიუტოვებია და მორალურ და ფიზიკურ მხარდაჭერას უწევდა... ბოლომდე მეგობრებად დარჩნენ. ამიტომაც არ იყო სვეტლანა "ყოფილი"...რეჟისორ კოტე მირიანაშვილის დედა, გოგონა ვახვახიშვილი სერგო ფარაჯანოვის ძუძუმტე იყო, ორივეს გოგონას დედამ აწოვათ ძუძუ. სერგო კი მას ბოლომდე "დედა ნინად" მოიხსენიებდა.კოტე მირიანაშვილი "პრაიმტაიმთან" გენიოსი რეჟისორის ცხოვრების საინტერესო ეპიზოდებს იხსენებს.კოტე მირიანაშვილი: სერგომ ახლად შერთული, ოქროსთმიანი, ზღაპრული სილამაზის პატარა, 18-19 წლის გოგო ჯერ თბილისში ჩამოიყვანა მშობლებთან წარსადგენად და შემდეგ თელავში, ბებიაჩემთან, როგორც ის ეძახდა, "დედა ნინასთან" და თავის ძუძუმტესთან, გოგონა ვახვახიშვილთან…სერგოს მამას მთაწმინდაზე შემოსავლიანი სამსართულიანი სახლი ჰქონდა. ზედა სართულზე ფარაჯანოვები ცხოვრობდნენ, მეორე სართულზე – პაპაჩემი. დედაჩემი რომ გაჩნდა, ბებიას სეფსისი ჰქონდა და საავადმყოფოში მკურნალობდნენ, სერგოს დედას რძე არ ჰქონია და ამიტომ ორივეს იეზიდი მეზობლის ქალი კვებავდა, რომელიც იმავე სახლის სარდაფში ცხოვრობდა. ანუ დედაჩემს – გოგონა ვახვახიშვილსა და სერგო ფარაჯანოვს, მესამე ძუძუმტეც ჰყავდათ, იეზიდი გოგო… ნამკურნალები ბებია საავადმყოფოდან რომ გამოვიდა, დედაჩემთან ერთად, სერგოსაც კვებავდა რძით დიდი ხანი.დედამ და სერგომ მთელი ცხოვრება ერთად გაატარეს, ვიდრე 1946 წელს მოსკოვში სასწავლებლად არ წავიდა ფარაჯანოვი. ის დედას საუკეთესო მეგობარი იყო, დას ეძახდა, "მაია სესტრა გოგონა"...მოსკოვიდან თუ კიევიდან, თბილისში რომ ჩამოვიდოდა, მაშინვე მოდიოდა თელავშიც, ჩვენთან.მოკლედ, ახლად ცოლშერთულ სერგოს, სანამ ის რვა საათი მგზავრობდა მატარებლით თბილისიდან თელავამდე, დედაჩემმა ერთი ოთახი მოუწყო. კარგად იცოდა სერგოს სიყვარული ძველი ავეჯისადმი, ჩვენ ახალი ავეჯი არც არასდროს გვქონია. დაახვედრა მშვენივრად მოწყობილი ოთახი და სვენტლანამ და სერგომ რამდენიმე დღე დაჰყვეს თელავში.განსხვავებული წყვილი იყო, შავ-შავი სერჟიკა, სიმპათიური იყო ახალგაზრდობაში და - თეთრი სვეტლანა. გამორჩეული ქალბატონი იყო ბუნებით და წარმომავლობით. მამამისი უკრაინის ელჩი იყო კანადაში, საბჭოთა კავშირის წარმომადგენლობაში მუშაობდა. სვეტლანა კანადაში სწავლობდა. დიპლომატებს თავიანთი სკოლა ჰქონდათ და წარმოიდგინეთ, როგორი სკოლა იქნებოდა. ცოტა ხანი კრემლის სკოლაშიც სწავლობდა.მოკლედ, ეს ულამაზესი და თან ასეთი ოჯახისშვილი ვიღაც "გადარეულმა", 15 წლით უფროსმა დამწყებმა რეჟისორმა შეირთო ცოლად, რომელსაც ჯერ ერთი ფილმი ჰქონდა გადაღებული და მსოფლიოში სახელგანთქმული არ იყო.სვეტლანა რუსული ლიტერატურის სპეციალისტი, განათლებული, პოეზიის მოყვარული, კეთილშობილი და თითქოს არა ამქვეყნიური ქალი იყო. მაგრამ მოგვიანებით პრაქტიკული ჩვევებიც შეიძინა.სერგომ "ვგიკის" დასრულების შემდეგ, პრაქტიკა უკრაინულ კინოსტუდიაში გაიარა. იქვე გაანაწილეს. ძალიან უყვარდა კიევი. იქ შედგა ფარაჯანოვი, როგორც რეჟისორი თავისი უკრაინული შედევრით - „მივიწყებულ წინაპართა აჩრდილები“, იქაური მთიელების ყოფაზე გადაღებული ფილმით.ამ გენიალურ ფილმამდე ის საბჭოთა ფილმებს იღებდა. შემდეგ უკვე გაიხსნა ტალანტი და ხასიათის ფორიაქა თვისებებიც გამოავლინა. მოუსვენარი, ვერცხლის წყალი, წარმოსახვაში გადასული კაცი იყო და გამოუცდელი და ნებიერა გოგოსთვის ასეთ კაცთან ცხოვრება რთული აღმოჩნდა. 5-6 წელი იცხოვრეს ერთად. შვილს თავისი მეგობრის, სომეხი ოპერატორის სახელი დაარქვა.სვეტლანასთან გაყრის შემდეგ ფსიქიატრიულშიც იწვა სერგო. მას სვეტლანამდე საცოლე მოუკლეს თვალწინ. მოსკოვში სტუდენტობის დროს გაიცნო მუსულმანი გოგო, თუ არ ვცდები, ყირგიზი, რომელიც მოლარედ მუშაობდა.ამ გოგოს ძმებმა, ადათის დარღვევის გამო და ასე გათხოვებისთვის, საკუთარი და დასაჯეს – გაქანებული მატარებლის ქვეშ ჩააგდეს! სერგოს თვალწინ! ამ ამბავზე სერგო არასდროს ჰყვებოდა…მერე, როდესაც ამ უკრაინულმა ფილმმა ტრიუმფალური სვლა დაიწყო, რომელშიც სერგოს უზარმაზარი ადამიანური და შემოქმედებითი რესურსი ჰქონდა ჩადებული, ფარაჯანოვი ჭკუიდან სულ შეიშალა.ფარაჯანოვმა უკრაინელები გააღიზიანა – თქვენი ეროვნული კინემატოგრაფია მე შევქმენიო. უკრაინელები ცნობილი ნაციონალისტები არიან და სომეხი რომ ამას იტყვის, წარმოიდგინეთ, რა ჭკუაზე დადგებონენ. მსგავსი ნაციონალური ფილმი, როგორიც "მივიწყებულ წინაპართა აჩრდილებია", მართლა არ აქვთ უკრაინელებს.ფარაჯანოვის "მივიწყებულ წინაპართა აჩრდილები" მსოფლიო შედევრების ასეულში შევიდა და იტალიელი, ფრანგი რეჟისორები გაგიჟებულები იყვნენ სერგოზე. ინგლისის დედოფლის და იყო სერგოსთან სახლში სტუმრად.მერე ფარაჯანოვი მამათმავლობის გამო ჩასვეს ციხეში. ფაქტობრივად ითვლებოდა, რომ ეს იყო პოლიტიკური ანგარიშსწორება. ამ გენიოსს კაგებე 10-15 წლის მანძილზე ფილმის გადაღების საშუალებას არ აძლევდა. სამამულო ომის თემაზე იღებდა ერთ ფილმს და დაუხურეს.აი, ამ გენიოსს უკრაინელები თავის სტუდიაში ფილმის გადაღების საშუალებას არ აძლევდნენ. სომხებმა გაბედეს და „საიათნოვაც“ გადაიღო. მოკლედ, რთულ ფინანსურ და სულიერ მდგომარეობაში იმყოფებოდა. ბევრს “რატრატებდა”, უკრაინის ცეკას პირველ მდივანზე ანეკდოტებს ჰყვებოდა, ხუმრობდა. ამბობდა, რომ მის ცოლს ბრილიანტის ბეჭედი აჩუქა. სისულელეებს ლაპარაკობდა. ამდენად, მისი დაპატიმრება უკრაინის ცეკას პირველი მდივნის მხრიდან ერთგვარი ანგარიშსწორება იყო.ციხიდან წერილებს უგზავნიდა დედაჩემს. მთელი ღამე ვკითხულობდი წერილებს. ერთ წერილში ეწერა, გოგონა, შენი, რუზანას და სვეტლანას გამო ღირს ცხოვრება და ამ ჯოჯოხეთს გავუძლებო.სვეტლანა, სერგოს ციხეში ყოფნის დროს, უკვე მისი ცოლი აღარ იყო (მათი გაყრიდან დიდი დრო იყო გასული), მაგრამ მასთან დადიოდა ციხეში პაემანზე და იქიდან მოჰქონდა სერგოს ნამუშევრები. ციხეში შაქარი დაემართა და სვეტლანა სერგოს მეგობრებთან ერთად მის ჯანმრთელობაზე ზრუნავდა.სვეტლანას ციხიდან გამოჰქონდა სერგოს გაკეთებული კოლაჟები. ის იქ ნაგვისგან ქმნიდა შედევრებს, რომელიც ახლა ერევნის მუზეუმშია.ნაგავში ნაპოვნი რძის ბოთლის სქელი ფოლგის სახურავებს ასწორებდა და მათგან ჭედურ მედალიონებს, ჩიკანკებს აკეთებდა. ერთი ასეთი ჩიკანკა, ტონინო გუერას ფელინისთან საჩუქრად გაატანა. ფელინი სერგოს პატივს სცემდა. ფულიც შეუგროვეს და ევროპაში მისი გათავისუფლების კომიტეტიც შექმნეს. ფელინიმ გუერას უთხრა, მოდი, ამისგან ყალიბი ავიღოთ, მედალიონი ჩამოვასხათ და რიმინის კინოფესტივალზე გამარჯვებულებს ვაჩუქოთო.მოწმე ვარ, როგორ ჩამოვიდა ფოსტით დალუქული დიდი ზანდუკი, სერგოს დიდი არქივით, ნამუშევრებით სავსე. გუშინ მოვიდა და ჩემთვის ძნელია მისი გახსნაო, მითხრა სვეტლანამ. მერე, მოგვიანებით, ლუქი სერგომ გახსნა და ამოალაგა და ამოალაგა ნახატები, მედალიონები, თოჯინები, საოცარი ნაკეთობები.სერგო იყო ძალიან ცინიკური ადამიანი, ვინც უყვარდა იმასთანაც კი. ერთადერთი დედაჩემს ვერაფერს უბედავდა, ბავშვობის მეგობრები იყვნენ. დედა ეუბნებოდა, შენ გენია კი არა, დურაკი ხარო. გენია ვარ, გენია ვარ, შენ კი არ უნდა გაიძახოდე, ეგ სხვამ უნდა თქვასო.მიუხედავად იმისა, რომ ძალიან ფოტოგენური იყო, სვეტლანა არც ერთ ფილმში არ გადაუღია. ფოტოებს კი უღებდა. ხან რას ჩააცვამდა, ხან - რას და გვიგზავნიდა.ორიოდ წლის წინ, 62 წლის სურენ ფარაჯანოვი კიევში გარდაიცვალა.სურენჩიკა – ბებია-ბაბუის, შჩერბატიუკების ერთადერთი შვილიშვილი იყო, ნებიერა.სვეტლანა კი ცდილობდა თავისას, მაგრამ ბებია-ბაბუას პრინცის რანგში ჰყავდათ აყვანილი სურენჩიკა. ალბათ, ცდილობდნენ არშემდგარი ოჯახის სირთულეების კომპენსაციას.სურენჩიკა მართლაც პრინცს ჰგავდა. სერგოც "გიჟი მამა" იყო. აბოდებდა – “მოი სურენჩიკ!” ანებივრებდა.მაგრამ უკიდურესობების კაცი იყო, უცბად შეეძლო ისეთი რამ ეთქვა, რომ შოკში აგდებდა.მაინც სიყვარულში გაიზარდა სურენჩიკა.სერგოს და სვეტლანას მეგობრებიც თავზე ევლებოდნენ.წავიდნენ სვეტლანა და სურენი და დამთავრდა სერგოს ოჯახის ისტორია.სერგოს ამქვეყნიური სიხარული და ამავე დროს ტკივილი იყო სურენჩიკა, რომელიც გიჟურად უყვარდა.***იტალიელი კინოვარსკვლავი, მარჩელო მასტროიანი თბილისს, 1988 წლის მარტში სტუმრობდა. მასაც, ისევე როგორც ყველა ჩამოსულს, ფარაჯანოვთან სტუმრობა მოუთხოვია. "მასტროიანი ვინღაა? დანამანეთ თავი, ავად ვარ!" - უთქვამს სერგოს ირაკლი კვირიკაძისთვის, რომელსაც მარჩელოს მასპინძლობა დაევალა.იმ დაუვიწყარ საღამოს ირაკლი კვირიკაძემ თბილისში სტუმრად მყოფი მარჩელო მასტროიანი სერგო ფარაჯანოვის სახლში წაიყვანა. მათ თან ახლდათ თარჯიმანი, რადგან დიდმა იტალიელმა მსახიობმა რუსული ენა ცუდად, ქართული კი, საერთოდ არ იცოდა.როცა ფარაჯანოვის სახლს მიუახლოვდნენ, სტუმრები გააოცა ჩაბნელებულმა ფანჯრებმა და აბსოლუტურმა სიბნელემ, ერთი შეხედვით ჩანდა, რომ სახლში ცოცხალი სულიერი არავინ არ იყო.ირაკლიმ კარგად იცოდა სერგოს სიურპრიზებისა და ოინების ამბავი, ამიტომ კარს ხელი ნელა ჰკრა... ის გაიღო. სამეულმა გულის ფანცქალით გადააბიჯა ზღურბლს და ყოყმანით შედგა ფეხი სიბნელეში ჩაძირულ სიცარიელეში. და ამ დროს ოთახი უცებ გაჩახჩახდა შუქით.მასპინძელი – სერგო ფარაჯანოვი მოუთმენლად ელოდებოდა ძვირფას სტუმარს და უზარმაზარი მდიდრული მაგიდა გაეწყო, რომლის გარშემო ოცდაათამდე სტუმარი (მასპინძლის მეგობრები) შეკრებილიყო. აქ იყო მსახიობი და მომღერალი, მხატვარი და გოგირდის აბანოს მექისე, არქიტექტორი და ოპერის სუფლიორი, კინოსტუდია "ქართული ფილმის" პარტორგანიზაციის მდივანი და ბრილიანტების ვაჭარი, ექიმი და პარიკმახერი...ამ ჯადოსნურ საღამოს იუმორით, ოხუნჯობებითა და მჭევრმეტყველებით ცნობილმა ფარაჯანოვმა თავის თავს გადაამეტა: სახლის კედლები ლამის დაინგრა მხიარული სიცილისაგან. სულ მალე თარჯიმანიც კი აღარ იყო საჭირო – ნიჭი და სიყვარული ხომ ყველა ენაზე გასაგებია.სტუმრები დილის ოთხ საათზე დაიშალნენ. ფარაჯანოვმა თავად იკისრა იტალიელი სტუმრის გაცილება. მარჩელო, სერგო და თარჯიმანი კოტე მესხის ქუჩაზე დაეშვნენ. ერთ-ერთი თბილისური ძველი სახლის დაბალ აივანთან ფარაჯანოვი შეჩერდა. სერგომ იცოდა, რომ ამ სახლში დიდი იტალიელი მსახიობის თაყვანისმცემელი ქალი ცხოვრობდა.შოუ გრძელდებოდა. ირაკლი კვირიკაძე შემდგომში სიამოვნებით იხსენებდა დიალოგს, რომელიც ორ გენიოსს შორის გაიმართა:– მარჩელო, აქ შენი სიყვარული ცხოვრობს. ის მთელი ცხოვრება მხოლოდ შენ - მარჩელო მასტროიანს გელოდებოდა, – ეშმაკური ღიმილით მიმართა სერგომ იტალიელს.– ჩემი სიყვარული? – გაოცდა მასტროიანი.– დიახ, მას შუშანა ჰქვია და 74 წლისაა. ის ქალწულად დარჩა შენს მოლოდინში.მარჩელომ შიშით შეხედა სერგოს:– 74 წლის?– ჰო, 74-ის. ის ისევ შენ გელოდება. მთელი ცხოვრება გელოდება და შენც მოხვედი.ფარაჯანოვი უცებ დატრიალდა, სახლის ეზოში პატარა კიბე იპოვა, აივანს მიადგა და ზედ აძვრა. მარჩელო დაჰიპნოზებულივით მიჰყვა მას უკან. მამაკაცები პატარა საძინებელში აღმოჩნდნენ.მთვარის შუქით განათებულ ოთახში მათ დაინახეს საწოლი, რომელზედაც ფუმფულა სხეულიან შუშანას ეძინა. მისი ბინის კედლებზე შპალერის ნაცვლად იტალიელი მსახიობის პორტრეტები იყო გაკრული. მამაკაცები საწოლს მიუახლოვდნენ, სერგო ქალისკენ დაიხარა და უჩურჩულა:– შუშანა, გაიღვიძე, შენი ოცნება მოვიდა. გაახილე თვალები, პატარავ!ბებერმა, ორასკილოიანმა ქალმა თვალები გაახილა, იცნო ოხუნჯი მეზობელი და უხეშად ჰკითხა:– ახლა რაღა ჯანდაბა გინდა?– შუშანა, შენ ვისზე ოცნებობდი მთელი ცხოვრება? მასტროიანი გიყვარს, არა?– მასტროიანი? დიახ, მიყვარს, მერე შენ რა?– აი მოგიყვანე, შენი იყოს, - გაბადრული სახით უთხრა სერგომ გაოცებულ ქალს, ყოველგვარი ცერემონიების გარეშე ქეჩოში წაავლო ხელი მარჩელოს და ცხვირი ქალის ფუმფულა მკერდში ჩააყოფინა.შუშანა დაეჭვდა:– ეს მართლა ნამდვილი მასტროიანია?მარჩელომ ქალს გაუღიმა. მას მოსწონდა ეს თამაში, თუმცა თავს უხერხულად გრძნობდა... მაინც მოახერხა და შუშანას რუსულად უთხრა:– Шушанна, я лублу тебе!შუშანამ შეხედა მამაკაცს და უცებ გააცნობიერა, რომ მის წინ ნამდვილი მარჩელო მასტროიანი იდგა – მამაკაცი, რომელზედაც მთელი ცხოვრება ოცნებობდა.ცრემლმორეულმა ქალმა მარჩელოს ხელები მოხვია და გულში ჩაიკრა გულაჩუყებული იტალიელი კინოვარსკვლავი.ფარაჯანოვი საძინებლიდან გამოიპარა, კარები ჩუმად დაკეტა, აივანზე დადგა და შუა საუკუნეების გამომცხადებელივით ხმამაღლა დაიყვირა:– შუშანა კაზარიანი უბიწოებას კარგავს. მე გაჩვენებთ მის ზეწარს...საყოველთაო ხარხარში სერგომ ვერც კი შეძლო წინადადების დასრულება. ხმაურზე მეზობლებს გაღვიძებოდათ და სულ მალე მთელი სოლოლაკის უბანი ფეხზე დადგა. ვიწრო ქუჩაზე ნელ-ნელა იკრიბებოდა ხალხი: ზოგს ღვინის ბოთლი ეჭირა ხელში, ზოგს პური და მწვანილი, ზოგსაც ის საჭმელი, რაც კი სახლში მოეპოვებოდათ. სახელდახელოდ გაიშალა სუფრა და ქეიფიც გაგრძელდა.მიმქრალი მთვარის შუქზე მარჩელო უსმენდა ქართულ მრავალხმიან სიმღერებს, ენობრივი ბარიერის მიუხედავად ცურავდა სახალხო სიყვარულის მორევში და თავს უბედნიერეს ადამიანად გრძნობდა.ის ყვიროდა: "ეშმაკსაც წაუღია ყველა ოსკარი. ვითხოვ პოლიტიკურ თავშესაფარს, საცხოვრებლად თბილისში ვრჩები"...ასევე დაგაინტერესებთ:"მამაჩემის მსგავსად, მოშურნე და მტერი, ფაქტობრივად, არ ჰყავს. ცუდი თვისება რა აქვსო, რომ მკითხოთ, დავფიქრდები და ვერ ვიტყვი" - უფროსი და ზურა ბერიკაშვილზე"ტკივილებს ებრძოდა ვაჟკაცურად, კონცერტებზე მაინც გამოდიოდა... ენით აუწერელი მეგობრობა იცოდა..." - კაკული გურიელაშვილს გია გოგორიშვილი იხსენებს"თურმე, დიაბეტით დაავადებულებს, გულის ტკივილის შეგრძნება არ ჰქონიათ. დაიწყო ხროტინი და გული გაუჩერდა... ახლა ჩვენი საშიშროება ტვინია" - მანანა ბერიკაშვილი ძმის ჯანმრთელობის მდგომარეობაზე გვიყვება

შოუბიზნესი • 1701190268

„ამერიკაში საცხოვრებლად დარჩენა გინდაო, რომ მკითხეს, არა-მეთქი... და როდესაც ჩემი გეგმები გავაცანი, მახსოვს, როგორი პატივისცემით შემომხედეს...“ - მარიამ ქარქაშაძე, მსახიობი და რეჟისორი დიდი გეგმებით

მარიამ ქარქაშაძე იმ ხელოვანთა რიცხვს მიეკუთვნება, რომელიც თვით განვითრებისა და პროფესიული ზრდისთვის, მსხვერპლის გაღებასაც არ ერიდება. ეს მსხვერპლი საკუთარი შვილიც შეიძლება იყოს, რომელიც ძალიან შორს წასულ დედას ემეგობრება და იცის, რომ ეს განშორება, მარიამმა მისი კეთილი მომავლისთვის გაბედა... მერე რა, რომ დათა ჯერ მხოლოდ 10 წლისაა. მან იცის, რომ დედამ ჯერ ამერიკაში ისწავლა, მერე ფილმი გადაიღო. ახლა მას იღებენ...მოკლედ, მსახიობი და რეჟისორი მარიამ ქარქაშაძე, ამერიკიდან დაბრუნდა და ახალი პროექტებისთვის ემზადება.ნიუ-იორკის კინო აკადემიის სტუდენტი კი ხუთი წლის წინ გახდა. არჩევანი ლოს-ანჯელესის ფილიალზე გააკეთა.ბოლო ორი წელი კი, ლოს-ანჯელესში, ჯერ საკუთარი საავტორო ფილმის პოსტფროდაქშენით იყო დაკავებული, შემდეგ კი, რამდენიმე თვე, ამ ფილმის საფესტივალო მოგზაურობაში გაატარა.„ის კაბა“ – The Dress – ასე ჰქვია ფილმს, რომელიც კინო აკადემიის დასრულების შემდეგ გადაიღო.სურათის რეჟისორი, სცენარის ავტორი და პროდიუსერი მარიამია. მთავარ როლსაც თავად ასრულებს.მანამდე კი იყო თეატრალური უნივერსიტეტი. სამსახიობო ფაკულტეტი დაასრულა და მის სამსახიობო ბალანსზე სატელევიზიო სერიალებში განსახიერებული როლები და თავისუფალი თეატრის სპექტაკლები აღმოჩნდა...თავისუფალი თეატრის ერთ-ერთ ყველაზე პოპულარულ სპექტაკლში - "მერე რა რომ სველია სველი იასამანი" თითქმის 10 წელი თამაშობდა. ასევე მთავარ როლს ასრულებდა  სპექტაკლში - "ყვავილები ელჯერნონისთვის". მარიამი მონაწილეობდა სატელევიზიო სერიალებში - "ცოლები და ქმრები", „ჩცდ", რომელიც წლების მანძილზე ყველაზე პოპულარული სატელევიზიო პროდუქტია საქართველოში.არტისტი „პრაიმტაიმს“ თავის თავზე უყვება.მარიამ ქარქაშაძე: როცა სტუდენტი ხარ, შვილის წაყვანა ასე შორს  შეუძლებელია. ფიზიკურად არაფრის დრო არ გაქვს.ჩემმა შვილმა ძალიან იხალისა, რომ ვუთხარი, მეც სწავლას ვიწყებ-მეთქი. როგორ სწავლობო, სულ მეკითხებოდა.როგორც ჩანს, ჩემზე ისე იმოქმედა შვილთან განშორების ფაქტორმა, რომ ჩემი ფილმის სცენარს ეს გრძნობა გასდევს ქვეტექსტად.როდესაც რაღაცას წერ ან იღებ, და მით უფრო, საავტორო კინოს, ის მაინც საკუთარ გამოცდილებას ეხმიანება.ჩემი ფილმის გმირიც თავს დამნაშავედ გრძნობს. როცა შვილი გყავს, მარტო აღარასოდეს ხარ, მაგრამ ზღვა პასუხისმგებლობის და დანაშაულის გრძნობა დაგყვება სულ. გაქვს შიში, რაიმე არასწორად არ გააკეთო, ცუდი მშობელი არ იყო, რამე არ შეგეშალოს... რაც არ უნდა დავარწმუნო თავი, რომ სამყაროს შესაცვლელად, თუ გამოცდილების მისაღებად ანდა, განვითარებისთვის წავედი ამერიკაში, შვილის მიმართ თავს მაინც დამნაშავედ ვგრძნობ. მას არაფერი დაუშავებია, უბრალოდ უნებურად ისეთ გარემოში აღმოჩნდა, სადაც დედა მსხვერპლს იღებს.დათა ჭკვიანი არსებაა, გულისხმიერი. ჩვენ მეგობრები ვართ.დედა 23 წლის ასაკში გავხდი. თითქოს პატარა ვიყავი, მაგრამ  თან არც ვიყავი. რაღაცნაირად ყველა ადამიანი გრძნობს შეუძლია თუ არა შვილის გაზრდა, რისი მიცემა შეუძლია ემოციურად და ინტელექტუალურად. მჯეროდა, რომ საკმარისი გამოცდილება და რესურსი მქონდა.  თან უკვე ორი უნივერსიტეტი მქონდა დამთავრებული და მეგონა, რომ ზრდა და სწავლა დავასრულე.- ანუ როგორც მივხვდი, მარტო შვილის გაზრდას არ შეუშინებიხართ?- არა, როგორ არა. თან იცი, რომ სწორია და თან ძალიან გეშინია. მაგაზე მეტად, ალბათ, არაფერს შევუშინებივარ ცხოვრებაში. მაგრამ რაღაცნაირი წინათგრძნობა მქონდა, თითქოს ვიცოდი, ვინ უნდა ყოფილიყო დათა; და... ზუსტად ის არის. თან ოჯახიც სულ მხარს მიჭერდა. გამიმართლა ადამიანებში...ზოგადად ადამიანებს ბევრი თავს მოხვეული შიში გვაქვს; მგონია, რომ ჩვენთან, უფრო მეტად ქალებს. რა ვიცი, თუ ვინმე დამიჯერებთ: ტყუილად გეშინიათ, არავის მისცეთ უფლება თქვენს გადაწყვეტილებებში ჩაერიონ!დათამ უშიშარი გამხადა. უფრო სწორედ მამაცი. როცა რაღაცის გეშინია და მაინც აკეთებ, ალბათ, ეგ არის მხოლოდ სიმამაცე. ვისწავლე, რომ ყველა შიში ან ყველა სირთულე შემოსაზღვრულია დროში და სივრცეში. მაგას რომ მივხვდი, ყველაფერი შესაძლებელი გახდა.- მარიამ, ახლა შეყვარებული ხართ?- უი რთული კითხვაა... მგონია რომ მაგ ზმნას დრო არ აქვს. ანუ ვიღაც თუ გიყვარს, სულ გიყვარს. ან თუ "აღარ გიყვარს" ე.ი. არც გიყვარდა. თუ ვიღაც მომავალში უნდა "შეგიყვარდეს" ე.ი. ახლაც გიყვარს.ცოტა ნოლანის დროის ფილოსოფიას ჰგავს, მაგრამ ეგრეა. :))- კარგი... ამერიკამ რა მოგცათ?- ამერიკამ ბევრი საინტერესო რამ მომცა. პირველ რიგში, საკუთარი თავი დავინახე სხვა კუთხიდან. დავინახე ადამიანების შრომის კულტურა. საშუალო ფენას სულ უწევს ბრძოლა გადარჩენისთვის; იქ ვერ იქნები ზარმაცი, რადგან უბრალოდ, ვერ გადარჩება. და თან იციან შრომის დაფასება.ამერიკა ბევრ შესაძლებლობას გაძლევს. მართალია, ფილმი საქართველოში გადავიღე, მაგრამ პოსტფროდაქშენი ფილმს იქ გაუკეთდა.პრემიერა ნიუ-იორკში შედგა, შემდეგ მოიარა სხვადასხვა შტატის ფესტივალები.როგორც პროდიუსერმა, იქ მივიღე გამოცდილება. საკუთარი ფილმის საფესტივალო ცხოვრება თავად დავგეგმე.ამერიკაში ბევრი პატარა კინოფესტივალია, რომელიც დამოუკიდებელი კინოსთვის სასიცოცხლოდ მნიშვნელოვანია. იქ, ინტიმურ გარემოში, ლოკალურ ფესტივალებზე, თითო კვირის განმავლობაში, იკრიბებიან პატარა კინოს დიდი რეჟისორები თუ სხვადასხვა „კინოშნიკები“, და საღამოობით არის საინტერესო შეხვედრები, განხილვები, იბადება ახალ-ახალი იდეები, იძენ მეგობრებს, აგროვებ კონტაქტებს... სადაც შეიძლება ცნობილ ადამიანებსაც შეხვდე.- ახლა რაზე მუშაობთ?- ორ პროექტზე ვარ დამტკიცებული. რისი თქმაც ახლა შემიძლია, ეს არის ჟან კრისტოფ პიტოფის ფილმი, რომელსაც მეთერმთეტე საუკუნის პერიოდის ხევსურებისა და ვიკინგების ბრძოლაზე იღებს. სცენარის ავტორი არმაზ ხორნაულია, პროდიუსერი კი, ამერიკაში მოღვაწე ქართველი პროდიუსერი საბა კიკოლა გახლავთ. მეორე პროექტის სცენარი -  სი ჯეი კოქსს ეკუთვნის და სიუჟეტურად საქართველოში ვითარდება.  ასე რომ, წინ დიდი ამბები გველოდება.ჩემი გეგმის, თუ უფრო ოცნების ნაწილს გაგიმხელთ: ყოველთვის მინდოდა ქართული და ამერიკული კულტურის თანხვედრა და ერთმანეთისთვის გაცნობა, დაკავშირება... ქართულის იქ - ამერიკაში ჩატანა და ამერიკულის აქ, ჩვენთან წამოღება. მინდა კავშირების გამყარება. ამერიკაში შეძენილი მეგობრებისთვის ქართული კინოშემოქმედების გაცნობა, კონტაქტების გაცვლა, ქართულ-ამერიკული პროექტების დაგეგმვა. საქართველოს კარგი კინო კულტურა გააჩნია და მინდა ის გავაცნო ყველას... ჩემდა გასაკვირად, ხანდახან, აბსოლუტურად უცნაურ ადგილებში, მხვდებიან ადამიანები, რომლებმაც იციან ელდარ შენგელაია, სერგო ფარაჯანოვი ან ქართული კულტურის ისეთი ნაწილები, რომლებიც დედამიწის მეორე მხარეს სულ მენატრება. ასეთ მომენტებში ისეთი აღფრთოვანებული ვარ ხოლმე..."ამერიკაში საცხოვრებლად დარჩენა გინდა? ხომ ამისთვის ჩამოხვედი"- ო, იქ მკითხეს. არა-მეთქი! მე მინდა ქართულ-ამერიკული პროექტები გავაკეთო, გავაღრმავო კავშირები ქართველ და ამერიკელ კინოხელოვანებს შორის, საერთო იდეების მქონე ადამიანები ერთმანეთს დავაკავშირო-მეთქი. და მახსოვს, როგორი პატივისცემით შემომხედეს და შემდეგ უკვე დაინტერესდნენ: როგორია შენი ქვეყანა, ასე რომ გიყვარსო? აი, ამის შემდეგ გაუჩნდათ პატივისცემა როგორც ჩემს, ასევე ჩვენი ქვეყნის მიმართ. არც ერთ ქვეყანაში პატივს არ სცემენ ადამიანს, ვისაც საკუთარი ქვეყანა და საკუთარი კულტურა არ უყვარს. ლოგიკურია, შენი თუ არ გიყვარს, სხვას ვერ შეიყვარებ.ასევე დაგაინტერესებთ:„მაწვნის ნიღაბს გასწავლით“ - კირა ანდრონიკაშვილი სილამაზის საიდუმლოებებს გვიმხელს"ჩემი შვილების მამა მოძალადე არ არიის!!!“ – რას წერს „კაბუს“ ყოფილი მეუღლე„ყოვლისშემძლე რომ ვიყო, ყველა ბავშვი იქნებოდა ჯანმრთელი და უდარდელი…“ - ნანა სტამბოლიშვილი პირადსა და კარიერაზე

საზოგადოება • 1700687742

„ბედმა გამიღიმა, დავიწყე „დონ ჟუანიდან“ და დავასრულე „მეფე ლირით - ზურა ყიფშიძე პირადზე

მარჯანიშვილის თეატრსა და განვლილი ცხოვრებიდან მნიშვნელოვან ეპიზოდებზე, მსახიობი ზურა ყიფშიძე გადაცემაში „დილა მშვიდობისა საქართველო“ გულახდილად საუბრობს.ბედმა გამიღიმა, დავიწყე თითქმის „დონ ჟუანიდან“ და დავასრულე „მეფე ლირით“, მსახიობისთვის გადასარევი პალიტრაა, მთავარია გამოვიდეს და მაყურებელს მოსწონდეს“, – ამბობს ზურა ყიფშიძე.მან გაიხსენა მიხეილ თუმანიშვილთან, სერგო ფარაჯანოვთან და გიორგი შენგელაიასთან თანამშრომლობის ეპიზოდებიც:„ფარაჯანოვისგან ვისწავლე ის, რომ უნდა იყო შენ – შენ. არავის უნდა მიჰბაძო, შენი ხელწერა, შენი სურვილები გაქვს, შენებურად ხატავ და ბოლომდე შენებურად უნდა ხატო“, – აღნიშნავს ზურა ყიფშიძე.ასევე ნახეთ:სალომე ბარათაშვილი სალომე უშხვანის ძმას მიმართავს: „ჩემთან ბრძოლაში დროს ნუ დაკარგავთ!“VIDEO: ვის უძღვნის ზურა ყიფშიძე ვარსკვლავს, რომელსაც მარჯანიშვილის თეატრთან უხსნიან

საზოგადოება • 1700541211

თბილისის ნაწილს ელექტროენერგია შეეზღუდება - სია

21 ნოემბერს თბილისის ნაწილს ელექტროენერგია შეეზღუდება. კომპანია თელასი ამის მიზეზად სხვადასხვა სამუშაოებს ასახელებს.მთაწმინდის რაიონიქსელში გადართვების გამო 00:00 საათიდან 03:00 საათამდე შეზღუდვა შეეხება: ინგოროყვას, ჩიტაძის, ჭონქაძის, ჩაიკოვსკის, ვეძინის, ბათუ კრავეიშვილის, კოტეტიშვილის, დიმიტრი ყიფიანის, სერგო ფარაჯანოვის, ბესიკის, პაოლო იაშვილის, ბერიძის, არსენას, მესხის და ძმები ზუბალაშვილების ქუჩების მოსახლეობას.გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ინგოროყვას, ჩიტაძის, ჭონქაძის, ჩაიკოვსკის, ვეძინის, ბათუ კრავეიშვილის, კოტეტიშვილის, დიმიტრი ყიფიანის, სერგო ფარაჯანოვის, ბესიკის, პაოლო იაშვილის, ბერიძის, არსენას, მესხის და ძმები ზუბალაშვილების ქუჩების მოსახლეობას.საბურთალოს რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დიდი დიღმის IV მიკრორაიონის (ნაწილობრივ), მეფე არჩილის და დემეტრე თავდადებულის ქუჩების მოსახლეობას. ჩუღურეთის რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დავით აღმაშენებლის გამზირის (ნაწილობრივ), მაზნიაშვილის, სუნდუკიანის, კუკური ჭოხონელიძის და თამაზ გამყრელიძის ქუჩების მოსახლეობას. ვაკის რაიონიგადაუდებელი სამუშაოების გამო 11:00 საათიდან 17:00 საათამდე შეზღუდვა შეეხება: წყნეთის გზატკეცილის, ჭაბუა ამირეჯიბის გზატკეცილის, ჭავჭავაძის გამზირის (ნაწილობრივ), წყნეთის, ყიფშიძის, გაბაშვილის და ლეოპოლდ ბილფელდის ქუჩების მოსახლეობას. 

დედაქალაქი • 1700503050

ამ ქუჩებზე შუქი მთელი დღით ჩაქრება - გადაამოწმეთ თქვენი მისამართი

სხვადასხვა სამუშაოების ჩატარების გამო, 21 ნოემბერს ელექტრომომარაგება დროებით შეიზღუდება, - ინფორმაციას ,,თელასი" ავრცელებს.კომპანიის ცნობით, შეზღუდვა შეეხება შემდეგ რაიონებს:მთაწმინდის რაიონიქსელში გადართვების გამო 00:00 საათიდან 03:00 საათამდე შეზღუდვა შეეხება: ინგოროყვას, ჩიტაძის, ჭონქაძის, ჩაიკოვსკის, ვეძინის, ბათუ კრავეიშვილის, კოტეტიშვილის, დიმიტრი ყიფიანის, სერგო ფარაჯანოვის, ბესიკის, პაოლო იაშვილის, ბერიძის, არსენას, მესხის და ძმები ზუბალაშვილების ქუჩების მოსახლეობას. გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ინგოროყვას, ჩიტაძის, ჭონქაძის, ჩაიკოვსკის, ვეძინის, ბათუ კრავეიშვილის, კოტეტიშვილის, დიმიტრი ყიფიანის, სერგო ფარაჯანოვის, ბესიკის, პაოლო იაშვილის, ბერიძის, არსენას, მესხის და ძმები ზუბალაშვილების ქუჩების მოსახლეობას.საბურთალოს რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დიდი დიღმის IV მიკრორაიონის (ნაწილობრივ), მეფე არჩილის და დემეტრე თავდადებულის ქუჩების მოსახლეობას. ჩუღურეთის რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დავით აღმაშენებლის გამზირის (ნაწილობრივ), მაზნიაშვილის, სუნდუკიანის, კუკური ჭოხონელიძის და თამაზ გამყრელიძის ქუჩების მოსახლეობას. ვაკის რაიონიგადაუდებელი სამუშაოების გამო 11:00 საათიდან 17:00 საათამდე შეზღუდვა შეეხება: წყნეთის გზატკეცილის, ჭაბუა ამირეჯიბის გზატკეცილის, ჭავჭავაძის გამზირის (ნაწილობრივ), წყნეთის, ყიფშიძის, გაბაშვილის და ლეოპოლდ ბილფელდის ქუჩების მოსახლეობას. კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.ასევე ნახეთ:„რომანტიკული, სიყვარულით სავსე კავშირია...“ - ზოდიაქოს რომელი ნიშნები შეეფერებიან ერთმანეთს„ბევრს ჩაახედებს ეს ინტერვიუ სარკეში, როგორც ემიგრანტებს, ისე მათ ოჯახის წევრებს…“ - ერთი ქალის სევდიანი ამბავიდაზარალებულს, დედის თვალწინ, გულმკერდის არეში მიაყენა დაზიანებები - დაკავებულს ბრალდება წარედგინა

დედაქალაქი • 1684781280

გაფრთხილება! შუქი 8 საათით გაითიშება - ქუჩების ჩამონათვალი

სხვადასხვა სამუშაოების ჩატარების გამო 23 მაისს ელექტრომომარაგება დროებით შეიზღუდება, - ამის შესახებ ინფორმაციას ,,თელასი" ავრცელებს.კომპანიის ცნობით, შეზღუდვა შეეხება შემდეგ რაიონებს:საბურთალოს რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: აღმაშენებლის ხეივნის (ნაწილობრივ), ვეფხისტყაოსნის, დავარის, ასმათის, მეფე მირიანის და ავთანდილის ქუჩების მოსახლეობას. გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: ვაშლიჯვრის დასახლების და თოფურიძის ქუჩის მოსახლეობას. გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ვაჟა-ფშაველას III კვარტლის, ნუცუბიძის, მარგიანის, ბუდაპეშტის, ბერიტაშვილის და ზემო ვეძისის ქუჩების მოსახლეობას. ისნის რაიონიგადაუდებელი სამუშაოების გამო 11:00 საათიდან 16:00 საათამდე შეზღუდვა შეეხება: ვაზისუბნის დასახლების, ვაზისუბნის IV მიკრორაიონის, შანდორ პეტეფის, დავითაიას და ალუბლების ქუჩების მოსახლეობას. ვაკის რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ბარნოვის, ჯანაშვილის, ნაფარეულის, ქუთათელაძის, შროშის, ქობულეთის, კეკელიძის, შატბერაშვილის და მცხეთის ქუჩების მოსახლეობას.მთაწმინდის რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: კოტეტიშვილის, არსენას, ყიფიანის, ბესიკის, ფარაჯანოვის, ინგოროყვას, ზუბალაშვილების, მესხის და ჩიტაძის ქუჩების მოსახლეობას.გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: სოფელი ბეთანიის და კოჯრის მოსახლეობას.გადაუდებელი სამუშაოების გამო 11:00 საათიდან 16:00 საათამდე შეზღუდვა შეეხება: მაყაშვილის და კაკაბაძის ქუჩების მოსახლეობას.დიდუბის რაიონიქსელში გადართვების გამო 00:00 საათიდან 03:00 საათამდე შეზღუდვა შეეხება: მეტრო დიდუბის მიმდებარე ტერიტორიის, მტკვრის მარცხენა სანაპიროს (ნაწილობრივ), მტკვრის მარჯვენა სანაპიროს (ნაწილობრივ), სანაპირო კოსმონავტების, დიდუბის დასახლების, აკაკი წერეთლის გამზირის (ნაწილობრივ), ტრანსპორტის, პროლეტარის, სამტრედიის, რაფიელ აგლაძის, გუდაუთის, მირცხულავას, ვანის, ელიავას, ცემის, დავით ბაქრაძის, სტანისლავსკის, სპირიდონ კედიას, არჩილ ქურდიანის, გიორგი კვინიტაძის, უზნაძის, მიხეილ წინამძღვრიშვილის, ბაღის, წყალტუბოს და ნადირა ხოშარაულის ქუჩების მოსახლეობას. გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: აკაკი წერეთლის გამზირის (ნაწილობრივ), აგლაძის და სტანისლავსკის ქუჩების მოსახლეობას.გლდანის რაიონიქსელში გადართვების გამო 00:00 საათიდან 03:00 საათამდე შეზღუდვა შეეხება: მუხიანის I, II  მიკრორაიონების, გობრონიძის, გაბაშვილის, ხევძმარის, შენგელიას, ბრონშტეინის და ახმეტელის ქუჩების მოსახლეობას.გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: მუხიანის I, II მიკრორაიონების, გობრონიძის და გაბაშვილის ქუჩების მოსახლეობას.სამგორის რაიონიქსელში გადართვების გამო 00:00 საათიდან 03:00 საათამდე შეზღუდვა შეეხება: სადგური ლილოს, ლილოს დასახლების, საქნავთობის დასახლების, ჭირნახულის, იუმაშევის და ორახელაშვილის ქუჩების მოსახლეობას.კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.