უკრაინა

მარკ რუტე: ყველამ იცის, რომ პუტინი ნატოსთან ომში ვერასდროს გაიმარჯვებს

ნატოს გენერალურმა მდივანმა, მარკ რუტემ Euronews-ს განუცხადა, რომ ალიანსის ტერიტორიას დაუყოვნებლივი საფრთხე არ ემუქრება. მან ასევე დასძინა, რომ რუსეთის ბირთვულ მუქარას სერიოზულად არ აღიქვამს, რადგან მოსკოვი ნატოსთან დაპირისპირებაში ვერასდროს გაიმარჯვებს.„ჩვენ ამისთვის მოვემზადეთ, ეს დავგეგმეთ და ეს მთელ ნატოს ეხება“, - განაცხადა რუტემ ოთხშაბათს, ბრიუსელში გამართულ Euronews-ის თავდაცვისა და კოსმოსის სამიტზე.„ჩვენ ნატოს ტერიტორიის თითოეულ სანტიმეტრს დავიცავთ. ეს საფრთხე არ არსებობს, ხოლო თუ რამე მოხდება, ჩვენ მზად ვართ საპასუხო დარტყმისთვის“, - განაცხადა მან.„ჩვენ თავდაცვითი ალიანსი ვართ. შეაჩერეთ ბირთვული მუქარა. ეს სრულიად უადგილო და უსარგებლოა. და რაც მთავარია, შეაჩერეთ ომი უკრაინაში, რომელიც უკრაინის წინააღმდეგ მიმართული გაუმართლებელი აგრესიული ომია“, - განაცხადა რუტემ.„ყველამ იცის, რომ ის [რუსეთის პრეზიდენტი ვლადიმირ პუტინი] ნატოსთან ომში ვერასდროს გაიმარჯვებს. თუმცა, რა თქმა უნდა, ჩვენ უნდა ვუპასუხოთ და მკაფიოდ განვაცხადოთ, რომ ნატო თავდაცვითი ალიანსია, როგორც უკვე აღვნიშნე - შეაჩერეთ ომი უკრაინაში და შეაჩერეთ ბირთვული მუქარა“, - დასძინა მან.

მსოფლიო • 1790781774

ბულგარეთის პრემიერი ევროპას მოუწოდებს, ბირთვული თავდასხმის თავიდან ასაცილებლად რუსეთთან დიალოგი დაიწყოს

ევროკავშირი რუსეთთან დიპლომატიურ ჩართულობაზე უნდა გადავიდეს, რათა უკრაინაში ომი დასრულდეს და კატასტროფული ბირთვული თავდასხმა თავიდან იყოს აცილებული, - განაცხადა ბულგარეთის პრემიერ-მინისტრმა, რუმენ რადევმა Euronews-ის თავდაცვისა და კოსმოსურ სამიტზე სიტყვით გამოსვლისას.რადევმა ასევე გააკრიტიკა ევროპის მიერ უკრაინისთვის იარაღისა და საბრძოლო მასალის მიწოდების გაგრძელება და მას „ძალით მშვიდობის დამყარების“ წარუმატებელი სტრატეგია უწოდა.„მხოლოდ იარაღის მიწოდებასა და მხარდაჭერას თავისი ზღვარი აქვს, რადგან საბოლოო მშვიდობა დიპლომატიით დამყარდება და არა შეიარაღებით. ასე რომ, ჩვენი მოწოდებაა, მეტად მოვუსმინოთ ერთმანეთს და აღვადგინოთ კომუნიკაციის არხები“, - აღნიშნა რადევმა.„პრობლემა ის არის, რომ ბირთვული რისკის შესახებ კითხვას არავინ სვამს. არსებობს ის? შეიძლება არა, არ ვიცი, მაგრამ ეს მაინც რისკია“, - განაგრძო მან.„ყოველთვის უარესი სცენარისთვის უნდა ვიყოთ მზად. ვართ კი ამისთვის მზად? საუბრობს ვინმე რისკების შეფასებაზე? საერთოდ არსებობს ასეთი რამ? რადგან ჩვენ ვცდილობთ, უდიდეს ბირთვულ სახელმწიფოზე კონვენციური გამარჯვება მოვიპოვოთ. [...] ჩვენ ვერ დავხუჭავთ თვალს იმაზე, რომ ჩვენს კონტინენტზე ბირთვული იარაღია, ბირთვული იარაღია რუსეთის არენალშიც. ეს კი თამაშის გაანგარიშების ნაწილია“, - დასძინა ბულგარეთის პრემიერმა.

მსოფლიო • 1790710204

ევროპამ ახლა უნდა განსაზღვროს, როგორი იქნება მომავალში მისი ურთიერთობა რუსეთთან, რისთვისაც მოლაპარაკებებია საჭირო - იოჰან ვადეპული

გერმანიის საგარეო საქმეთა მინისტრი იოჰან ვადეპული მიიჩნევს, რომ უკრაინაში ომის დასრულებაზე მოლაპარაკებები შესაძლოა, უახლოეს მომავალში დაიწყოს.ვადეპულის განცხადებით, სავსებით შესაძლებელია, რომ მომავალში ევროპამ „რუსეთთან კარგი ურთიერთობების დამყარება შეძლოს“.„ჩვენ არ გვაქვს პრეტენზია თავად რუსეთის ან რუსი ხალხის მიმართ. ჩვენ სერიოზული პრობლემა გვაქვს რუსეთის ამჟამინდელ რეჟიმთან, რომელმაც ეს უკანონო აგრესიული ომი წამოიწყო და აგრძელებს“, – აღნიშნა ვადეპულმა.მისი თქმით, „ახლა და, სავარაუდოდ, უახლოეს მომავალში, ევროპული უსაფრთხოება რუსეთთან ერთად კი არა, რუსეთის წინააღმდეგ უნდა შენდებოდეს“.ამასთან, როგორც ვადეპულმა აღნიშნა, ევროპამ ახლა უნდა განსაზღვროს, როგორი იქნება მომავალში მისი ურთიერთობა რუსეთთან, რისთვისაც მოლაპარაკებების მაგიდასთან დაჯდომაა საჭირო.„ახლა არსებობს ნიშნები იმისა, რომ ასეთი მოლაპარაკებები შესაძლოა, მალე დაიწყოს“, – აღნიშნა გერმანიის საგარეო საქმეთა მინისტრმა.ამასთან, ვადეპულმა მოუწოდა ევროპელებს, „არ დაუშვან, რომ აშშ-მა უკრაინაში ომის დასრულებაზე მოლაპარაკებების წარმოებაზე მონოპოლია შეინარჩუნოს“.„ჩვენ ამ მოლაპარაკებებში მონაწილეობა უნდა მივიღოთ. ომი ხომ ევროპის ტერიტორიაზე მიმდინარეობს“, – განაცხადა ვადეპულმა.ამასთან, გერმანიის საგარეო საქმეთა მინისტრმა აღნიშნა, რომ ომის დასრულების შესახებ „ნებისმიერი შეთანხმება“, პირველ რიგში, უკრაინამ უნდა დაამტკიცოს.

მსოფლიო • 1790695740

The Atlantic: ტრამპმა შესაძლოა რუსეთს სანქციების ნაწილი უკრაინაში ომის დასრულებამდე მოუხსნას

აშშ-ის პრეზიდენტის, დონალდ ტრამპის წარმომადგენელმა აღმოსავლეთ ევროპაში, ჯონ კოულმა თეთრი სახლის ლიდერს ახალი დიპლომატიური ინიციატივით მიმართა. გეგმა ვაშინგტონსა და მოსკოვს შორის არსებული ჩიხური სიტუაციიდან გამოსვლას ითვალისწინებს - კერძოდ, რუსეთისთვის სანქციების ნაწილობრივ მოხსნას კრემლის პოლიტპატიმრების გათავისუფლების სანაცვლოდ. ამის შესახებ გამოცემა The Atlantic-ის ჟურნალისტი, საიმონ შუსტერი იტყობინება.ავტორის ინფორმაციით, ინიციატივა ჯერ ადრეულ ეტაპზეა, თუმცა მან შესაძლოა ტრამპს კრემლთან კომუნიკაციის დამყარების ახალი არხი გაუხსნას. ეს მიმართულება უკრაინის ომის მიღმა არსებულ საკითხებს ეხება, რომლის შეჩერებასაც ვაშინგტონი ამ ეტაპზე ვერ ახერხებს. გარდა ამისა, სტრატეგიამ შესაძლოა ხელი შეუწყოს აშშ-ისთვის ხელსაყრელი კონტრაქტების დადებას რუსული ნავთობპროდუქტების მიწოდებაზე, ხოლო პოლიტპატიმრების გათავისუფლებამ ტრამპს ნობელის მშვიდობის პრემიის მიღების არგუმენტები გაუძლიეროს.შუსტერი აღნიშნავს, რომ ამ მიდგომამ შესაძლოა უკრაინელების გარდა ევროპელებისა და ამერიკელების ნაწილის უკმაყოფილებაც გამოიწვიოს, რადგან მსგავსი გარიგება რუსეთს საშუალებას მისცემს, მეტი ფინანსური რესურსი მიმართოს უკრაინაში ტერორისკენ.აღნიშნული სტრატეგია კოულმა მანამდე ბელარუსში გამოსცადა, სადაც ასობით პოლიტპატიმრის გათავისუფლებას მიაღწია, სანაცვლოდ კი აშშ-მა ალექსანდრე ლუკაშენკოს რეჟიმს სანქციები შეუმსუბუქა. ახლა კოულმა, ტრამპის თანხმობით, იგივე მიდგომის გამოყენება ვლადიმირ პუტინთანაც გადაწყვიტა. კოულის აზრით, ეს ვარიანტი სამშვიდობო მოლაპარაკებების პროცესსაც წაადგება.„ეს ყველაფერი მშვიდობის დამყარებას უწყობს ხელს. რაც მეტია ურთიერთქმედება და კომპრომისი - იქნება ეს ეკონომიკურ სფეროში, პატიმრების საკითხში თუ სხვაგან - ნაბიჯ-ნაბიჯ მივდივართ მშვიდობამდე. ეს თავისებური მისიაა“, - განუცხადა კოულმა შუსტერს.უკრაინული მხარე შექმნილ სიტუაციას სრულიად განსხვავებულად აფასებს. უკრაინის პრეზიდენტმა, ვოლოდიმირ ზელენსკიმ შუსტერთან საუბარში აღნიშნა, რომ ყველაფერს გააკეთებს, რათა ომის დასრულებამდე რუსეთისთვის სანქციების მოხსნის ნებისმიერი მცდელობა დაბლოკოს, თუმცა იქვე აღიარა, რომ ეს მარტივი არ იქნება.უკრაინელი მომლაპარაკებლებისთვის ცნობილია ტრამპის გეგმების შესახებ, გამოიყენოს სამშვიდობო პროცესი ბიზნესგარიგებების წასახალისებლად. თუმცა, წყაროების ცნობით, ტრამპის წარმომადგენლები ამ ეტაპზე ვერ ხედავენ რუსეთთან ბიზნესის კეთების შესაძლებლობას უკრაინაში ცეცხლის ნაწილობრივ შეწყვეტამდე მაინც. კოულის გეგმა კი სწორედ ამ დაბრკოლების გვერდის ავლის გზად მოიაზრება.ავტორის ცნობით, კოულს ეს იდეა რუს დისიდენტ დმიტრი მურატოვთან შეხვედრისას გაუჩნდა, რომელმაც მიხეილ გორბაჩოვისა და რონალდ რეიგანის თანამშრომლობის პრეცედენტი გაიხსენა. იმ პერიოდში ვაშინგტონი მოსკოვს პატიმართა სიებს გადასცემდა, რასაც საბჭოთა მხარე ეთანხმებოდა, ამან კი ქვეყნებს შორის დაძაბულობა შეამცირა.ამჟამად აშშ კვლავ კონცენტრირებულია ომის დასრულების მცდელობაზე. ამ თვეში აბუ-დაბიში დაგეგმილია სამმხრივი შეხვედრა ენერგეტიკულ სექტორში ცეცხლის შეწყვეტის განსახილველად, ასევე არსებობს ეგვიპტის ინიციატივა შავ ზღვაში სატვირთო გემებზე თავდასხმების შეჩერებაზე. თუმცა, კიევში ამ შეხვედრების ეფექტიანობის გაზაფხულამდე არავის სჯერა.ბელარუსის ოპოზიციის ლიდერმა, სვეტლანა ტიხანოვსკაიამ შუსტერთან საუბარში აღნიშნა, რომ სანქციების შემსუბუქების სანაცვლოდ პატიმრების ვაჭრობა რეჟიმებს მხოლოდ წაახალისებს, რომ უფრო მეტი ადამიანი დააკავონ.„ადამიანებით ვაჭრობა მათ არაფერი უჯდებათ. მათ ყოველთვის შეუძლიათ მეტი ადამიანის დაპატიმრება, მაშინ როდესაც დასავლეთი სანქციების გაუქმებითა და გარიგებებით ამ რეჟიმებზე გავლენას კარგავს“, - ხაზგასმით აღნიშნა ტიხანოვსკაიამ.

სპორტი • 1790677244

„მოგება გვჭირდება“ - უნგრეთის ნაკრების მთავარი მწვრთნელის კომენტარი საქართველოსთან მატჩამდე

უნგრეთის ნაკრებისა და „ლაიფციგის“ მთავარმა მწვრთნელმა, ვილი ორბანმა ჩრდ. ირლანდიასთან ფრედ დასრულებული მატჩი (0:0) შეაფასა და მომდევნო მეტოქეზე, საქართველოს ნაკრებზეც ისაუბრა.„ბელფასტში თამაში ყოველთვის რთულია, მაგრამ გამარჯვების გოლთან ახლოს ვიყავით. დაცვაში კონცენტრირებულად ვიმოქმედეთ, თუმცა წინ სიმწვავე დაგვაკლდა. მომავალზე უნდა ვიფიქროთ. მხოლოდ ერთი ქულა გვაქვს, რაც აუცილებლად უნდა შევცვალოთ - საქართველოსთან მოგება გვჭირდება“, - განაცხადა მწვრთნელმა.ცნობისთვის, უნგრეთი-საქართველოს მატჩი 2 ოქტომბერს ბუდაპეშტში, „პუშკაშ არენაზე“ გაიმართება და თბილისის დროით 22:45 საათზე დაიწყება. ამავე დღეს უკრაინა ჩრდ. ირლანდიას შეხვდება.

მსოფლიო • 1790673834

რომის პაპმა რუსეთსა და უკრაინას მოუწოდა, მოლაპარაკებების მაგიდასთან დასხდნენ და ომის დასრულების გზები განიხილონ

რომის პაპმა ლეომ რუსეთსა და უკრაინას მოუწოდა, მოლაპარაკებების მაგიდასთან დასხდნენ და ომის დასრულების გზები განიხილონ. აღნიშნული განცხადება პონტიფიკოსმა მას შემდეგ გააკეთა, რაც ევროპელ ლიდერებს მშვიდობის მისაღწევად დათმობებზე წასვლისკენ მოუწოდა.პაპმა ასევე გააკრიტიკა მსოფლიო ლიდერები, რომლებიც, მისი თქმით, „ბირთვულ იარაღსა და სულ უფრო დამანგრეველ ომებზე მსჯელობას იწყებენ“.„ეკლესიას აკისრია პასუხისმგებლობა, ხელი შეუწყოს ამ ღირებულებების დამკვიდრებას და მუდმივად მოუწოდოს ლიდერებს - როგორც რუსეთისა და უკრაინის, ისე სხვა ქვეყნების - შეიკრიბონ, დასხდნენ მოლაპარაკებების მაგიდასთან და დაიწყონ დიალოგი“, - განაცხადა რომის პაპმა.მისი თქმით, ლიდერებმა უნდა „იპოვონ პრობლემების გადაჭრის გზები იმ ომების გაგრძელების გარეშე, რომლებმაც უკვე ყოველგვარი აზრი დაკარგეს“.„საუბარი არ არის პოლიტიკაზე ან მის არარსებობაზე. საუბარია იმაზე, რომ უნდა ისმოდეს ხმა, რომელიც იცავს ადამიანის ღირსებას, სიცოცხლის ფასს და იმის შესაძლებლობას, რომ მეტი სახსრები დაიხარჯოს ჯანდაცვასა და განათლებაზე და ნაკლები - შეიარაღებაზე“, - გაუსვა ხაზი პონტიფიკოსმა.ორშაბათს, საფრანგეთის ქალაქ მეცში გამოსვლისას, პაპმა განაცხადა, რომ ევროპა მზად უნდა იყოს გარკვეულ დათმობებზე წასასვლელად მშვიდობის მისაღწევად.„ჩვენ გვჭირდება, გამოვიჩინოთ სიმამაცე მოლაპარაკებებში და მზად ვიყოთ უარი ვთქვათ გარკვეულ პოზიციებზე მშვიდობის უმაღლესი სიკეთისთვის“, - აღნიშნა მან.პონტიფიკოსმა კიდევ ერთხელ დააფიქსირა უარყოფითი პოზიცია ევროპის სამხედრო ბიუჯეტების ზრდასთან დაკავშირებით, რომლებმაც გასულ წელს ცივი ომის დასრულების შემდეგ რეკორდულ ნიშნულს მიაღწია.

პოლიტიკა • 1790672836

გიორგი შარაშიძე: არავის უკვირს, რომ „ოცნების“ არადემოკრატიული ქმედებების და არაკანონიერი ნაბიჯების გამო, საქართველო აღარ არის ევროკავშირში გაწევრიანების დღის წესრიგში

სამწუხაროდ, „ოცნების“ არადემოკრატიული ქმედებების და არაკანონიერი ნაბიჯების გამო, არავის უკვირს, რომ საქართველო აღარ არის ევროკავშირში გაწევრიანების დღის წესრიგში, – ამის შესახებ პარტიის „გახარია საქართველოსთვის“ წევრმა, დეპუტატმა გიორგი შარაშიძემ განაცხადა.მისი თქმით, ქვეყნის ღია იზოლაცია ხდება.„სამწუხაროდ, „ოცნების“ არადემოკრატიული ქმედებების და არაკანონიერი ნაბიჯების გამო, არავის აღარ უკვირს, რომ საქართველო აღარ არის გაწევრიანების დღის წესრიგში. ამას „პოლიტიკო“ დაწერს თუ სხვა რომელიმე გამოცემა, ფაქტია, ქვეყნის ღია იზოლაცია ხდება. ქვეყანაში განსხვავებული აზრის ჩახშობა ხდება, სადაც კონსტიტუციით გათვალისწინებული პლურალიზმი და სიტყვის თავისუფლება იზღუდება. ფაქტიურად, დიქტატურისკენ გადადგმულ ნაბიჯებს ვხედავთ. როგორ შეიძლება, ხელისუფლებას ვინმე დაელაპარაკოს ევროკავშირში გაწევრიანების თაობაზე, რომელიც კონსტიტუციის ძირითად მუხლებს, სიტყვის და აზრის გამოთქმის თავისუფლებას უარყოფს. ეს სამწუხარო რეალობაა“, – განაცხადა გიორგი შარაშიძემ.გამოცემა „პოლიტიკომ“ ევროკავშირში წყაროზე დაყრდნობით გამოაქვეყნდა სტატია იმის შესახებ, რომ ევროკავშირი ამზადებს წინადადებებს, რომლის მიხედვით, ბლოკში გაწევრიანებასთან ყველაზე ახლოს მყოფი ოთხი ქვეყანა – მონტენეგრო, უკრაინა, მოლდოვა და ალბანეთი ევროკავშირში გაწევრიანების მკაფიო, ეტაპობრივ გეგმას მიიღებენ.

პოლიტიკა • 1790670795

მაკა ბოჭორიშვილი: ვიმყოფებით კანადაში და ეს შესაძლებლობა არ უნდა გაგვეშვა ხელიდან. ხშირად არ არის ორმხრივი ვიზიტების გაცვლა ჩვენს ქვეყნებს შორის. ჩვენ ვართ ევროკავშირთან ასოცირებული ქვეყანა. კანადის და ევროკავშირის ურთიერთობები არის ჩვენი ყურადღების საგანი, როგორ განვითარდება ეს პარტნიორობა

ვიმყოფებით კანადაში და ეს შესაძლებლობა არ უნდა გაგვეშვა ხელიდან. ხშირად არ არის ორმხრივი ვიზიტების გაცვლა ჩვენს ქვეყნებს შორის, შესაბამისად, კარგი შესაძლებლობა იყო შეხვედრა საგარეო საქმეთა მინისტრთან, ვისაუბრეთ ჩვენს ქვეყნებს შორის ურთიერთობებზე, საერთო გამოწვევებზე, ხედვებზე, - განუცხადა ქართველ ჟურნალისტებს ვიცე-პრემიერმა, საგარეო საქმეთა მინისტრმა მაკა ბოჭორიშვილმა კანადაში.ვიცე-პრემიერმა კანადაში ვიზიტი და ორმხრივი შეხვედრები შეაჯამა.„ჩვენთვის მნიშვნელოვანია, რომ მიღწეული იყოს მშვიდობა, რომელიც უნდა ეფუძნებოდეს საერთაშორისო წესებსა და სამართალს. ეს არის ის გზავნილი, რომელსაც საქართველო მუდმივად აჟღერებს არა მხოლოდ უკრაინასთან მიმართებაში. ჩვენი ქვეყნის შემთხვევაშიც, როდესაც ვსაუბრობთ ოკუპაციაზე, საქართველოს პოზიცია მუდმივად უნდა იყოს გაჟღერებული, რომ ერთადერთ გზას, რასაც ვხედავთ, ეს არის მშვიდობიანი გზით კონფლიქტის მოგვარება.ვიმყოფებით კანადაში და ეს შესაძლებლობა არ უნდა გაგვეშვა ხელიდან. ხშირად არ არის ორმხრივი ვიზიტების გაცვლა ჩვენს ქვეყნებს შორის, შესაბამისად, კარგი შესაძლებლობა იყო შეხვედრა საგარეო საქმეთა მინისტრთან, ვისაუბრეთ ჩვენს ქვეყნებს შორის ურთიერთობებზე, საერთო გამოწვევებზე, ხედვებზე, როგორ ვხედავთ გლობალურ ვითარებას და სად შეიძლება ვითანამშრომლოთ. ვისაუბრეთ ევროკავშირზეც. საქართველოსთვის ევროკავშირი იცით რა მნიშვნელოვანი პარტნიორიც არის. ჩვენ ვართ ევროკავშირთან ასოცირებული ქვეყანა. კანადის და ევროკავშირის ურთიერთობები არის ჩვენი ყურადღების საგანი, როგორ განვითარდება ეს პარტნიორობა“, - აღნიშნა ბოჭორიშვილმა.28-29 სექტემბერს, საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი, კანადის საგარეო საქმეთა მინისტრის მიწვევით, მონაწილეობას იღებს უკრაინელი ბავშვების, დაკავებული მშვიდობიანი მოსახლეობისა და სამხედრო ტყვეების დაბრუნებისადმი მიძღვნილ მეორე საერთაშორისო კონფერენციაში. ღონისძიების ფარგლებში ასევე დაგეგმილია საგარეო საქმეთა მინისტრის ორმხრივი შეხვედრები.

პოლიტიკა • 1790670001

მაკა ბოჭორიშვილი კანადაში ვიზიტზე: ეს ჩვენთვის იყო შესაძლებლობა, კიდევ ერთხელ გაგვეჟღერებინა, თუ რას აკეთებს საქართველო იმისთვის, რომ მხარი დაუჭიროს საერთაშორისო წესრიგს, უკრაინას, უკრაინელ ხალხს და რა ძალისხმევას აკეთებს იმისთვის, რომ უკრაინელი ბავშვებისთვის გარკვეული ნაბიჯები გადადგას

ეს ჩვენთვის იყო შესაძლებლობა, კიდევ ერთხელ გაგვეჟღერებინა, თუ რას აკეთებს საქართველო იმისთვის, რომ მხარი დაუჭიროს საერთაშორისო წესრიგს, უკრაინას, უკრაინელ ხალხს და რა ძალისხმევას აკეთებს საქართველო იმისთვის, რომ უკრაინელი ბავშვებისთვის გარკვეული ნაბიჯები გადადგას, - განუცხადა ქართველ ჟურნალისტებს ვიცე-პრემიერმა, საგარეო საქმეთა მინისტრმა მაკა ბოჭორიშვილმა კანადაში.ვიცე-პრემიერმა კანადაში ვიზიტი შეაჯამა.„მნიშვნელოვანია, რომ კანადა არის ის ქვეყანა, რომელსაც ერთგვარად ხელმძღვანელობა აქვს აღებული იმ კოალიციის, რომელიც ფოკუსირდება უკრაინის კონფლიქტთან დაკავშირებით ჰუმანიტარულ საკითხებზე ნორვეგიასთან ერთად. მსგავსი მინისტერიალი უკვე მეორედ იმართება. საქართველო იყო მიწვეული ამ ღონისძიებაზე კანადის საგარეო საქმეთა მინისტრის მიერ და ეს ჩვენთვის იყო შესაძლებლობა, კიდევ ერთხელ გაგვეჟღერებინა, თუ რას აკეთებს საქართველო იმისთვის, რომ მხარი დაუჭიროს საერთაშორისო წესრიგს, უკრაინას, უკრაინელ ხალხს და რა ძალისხმევას აკეთებს საქართველო იმისთვის, რომ უკრაინელი ბავშვებისთვის გარკვეული ნაბიჯები გადადგას.სამწუხაროდ, ბოლო წლებში ისეთი კამპანიები იმართებოდა საქართველოსთან მიმართებით, რომ საქართველოს ეს ძალისხმევა ძირითადად, შეუმჩნეველი რჩებოდა, ან არავინ აკეთებდა ამაზე აქცენტს, უნდა ითქვას, რომ საქართველო არავის ჩამორჩება უკრაინასთან მიმართებაში ჰუმანიტარულ მხარდაჭერაში. არაერთხელ ვუმასპინძლეთ უკრაინელ ბავშვებს. ასობით უკრაინელი ბავშვი ისვენებს ზაფხულობით საქართველოში საზაფხულო ბანაკებში. ამას რამდენიმე ქვეყანა აკეთებს უკრაინისთვის და მათ შორისაა საქართველო. ჰუმანიტარული წესით საქართველოს არაერთხელ გაუწევია დახმარება უკრაინისთვის“, - აღნიშნა ბოჭორიშვილმა.28-29 სექტემბერს, საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი, კანადის საგარეო საქმეთა მინისტრის მიწვევით, მონაწილეობას იღებს უკრაინელი ბავშვების, დაკავებული მშვიდობიანი მოსახლეობისა და სამხედრო ტყვეების დაბრუნებისადმი მიძღვნილ მეორე საერთაშორისო კონფერენციაში. ღონისძიების ფარგლებში ასევე დაგეგმილია საგარეო საქმეთა მინისტრის ორმხრივი შეხვედრები.

ომი უკრაინაში • 1790662080

რუსეთმა უკრაინაზე ხომალდსაწინააღმდეგო და ბალისტიკურ რაკეტებით იერიში მიიტანა

29 სექტემბრის ღამეს, რუსეთმა უკრაინაზე იერიშები ხომალდსაწინააღმდეგო და ბალისტიკურ რაკეტებით, ასევე დრონებით მიიტანა.უკრაინის საჰაერო ძალების ინფორმაციით, რუსულმა ძალებმა თავდასხმისას „ცირკონი“, „ონიქსი“, „ისკანდერ-M“ და „S-400“ გამოიყენეს. ამასთან, უწყების ცნობით, უკრაინულმა ძალებმა 152 დრონიდან 109 საჰაერო საშუალება ჩამოაგდო.მედია უკრაინის საჰაერო თავდაცვაზე დაყრდნობით წერს, რომ თავდასხმები 28 სექტემბრის საღამოს 18:00 საათიდან დაიწყო. უკრაინის მიმართ იერიშები რუსეთის ქალაქებიდან, ორიოლიდან, მილეროვოდან და კურსკიდან მიიტანეს. ამასთან, თავდასხმები მიიტანეს დროებით ოკუპირებული დონეცკიდან და დროებით ოკუპირებული ყირიმიდან.როგორც ცნობილია, რუსულმა ძალებმა სამიზნედ 24 ადგილი ამოიღეს, 16 ლოკაციაზე კი ნამსხვრევები ჩამოვარდა. ბალისტიკური რაკეტების საფრთხის გამო კიევსა და უკრაინის რამდენიმე ოლქში საჰაერო თავდასხმის შესახებ გაფრთხილებები გამოცხადდა. იერიშების შედეგად კიევში საცხოვრებელ და არასაცხოვრებელ შენობებში ხანძარი გაჩნდა.

პოლიტიკა • 1790655661

საგარეო საქმეთა მინისტრი მაკა ბოჭორიშვილი ტორონტოში, მეორე საერთაშორისო კონფერენციაში მონაწილეობს

საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი ტორონტოში, მეორე საერთაშორისო კონფერენციაში მონაწილეობს, რომელიც უკრაინელი ბავშვების, დაკავებული მშვიდობიანი მოსახლეობისა და სამხედრო ტყვეების დაბრუნებას ეძღვნება. ღონისძიებაზე საუბარი შეეხო მშვიდობისა და სტაბილურობის მნიშვნელობას.კონფერენციაზე საქართველოს საგარეო საქმეთა მინისტრი კანადელი კოლეგის მიწვევით იმყოფება.„მაკა ბოჭორიშვილმა სიტყვით მიმართა დამსწრე საზოგადოებას. მან ისაუბრა იმ მძიმე ჰუმანიტარულ შედეგებზე, რომელიც თან სდევს უკრაინაში მიმდინარე ომს. მან ასევე ყურადღება გაამახვილა იმაზე, რომ ეს პრობლემები არც საქართველოსთვის არის უცხო, რადგან ჩვენთვისაც ძალიან კარგად არის ცნობილი ოკუპაცია და ამით გამოწვეული უმძიმესი შედეგები. მინისტრმა თავის გამოსვლაში ასევე ყურადღება გაამახვილა იმაზე, თუ რაოდენ მნიშვნელოვანია საერთაშორისო ძალისხმევა უკრაინის მხარდასაჭერად და კიდევ ერთხელ გაუსვა ხაზი საქართველოს მხრიდან უკრაინის სუვერენიტეტის, ტერიტორიული მთლიანობისა და დამოუკიდებლობის მხარდაჭერას“, - განაცხადა კანადაში საქართველოს ელჩმა, სალომე ქურასბედიანმა.

მსოფლიო • 1790622780

„დღეს დაცვაში კარგად გამოვიყურებოდით, მაგრამ თამაშის დასახვეწად დრო გვჭირდება“ - რამაზ სვანაძე

ერთა ლიგის გათამაშების მეორე ტურში უკრაინასთან ფრედ დასრულებული (0:0) მატჩის შემდეგ საქართველოს ეროვნული ნაკრების მთავარმა მწვრთნელმა რამაზ სვანაძემ შეხვედრა შეაფასა.„პირველი ტაიმი ხარისხობრივად კარგი იყო. ჩვენი დაცვა იშვიათი გამონაკლისების გარდა, იდეალურად თამაშობდა. მთელი მატჩი ისე ჩავატარეთ, რომ საკუთარ კართან რეალური მომენტი არ შევაქმნევინეთ.იყო დაღლილობაც. პირველი მატჩის წაგების შემდეგ პოზიტივი გვჭირდებოდა. მეორე ტაიმში მოედნის ცენტრიდან ბევრი შეტევა წამოვიდა და ეს სიგნალი იყო. ამიტომ რისკს მოვერიდეთ. ჩვენთვის მთავარია პოზიტიური დინამიკა. ვფიქრობ, უკრაინასთნ ფრე ნორმალური შედეგია და ვეცდებით, ქულები მომდევნო თამაშებში მოვიპოვოთ.გუნდი ბოლო 25 წუთი საკმაოდ დაიღალა და ამიტომ გაკეთდა ეს ცვლილებები. უფრო კონტრშეტების იმედზე ვიყავით. ზივზივაძეს შევიყვანდი იმ შემთხვევაში, ბურთი უფრო ხშირად რომ გვქონოდა. მაგრამ ბოლოს აქცენტის გაკეთება კონტრშეტევაზე მოგვიხდა.უნდა შეიცვალოს სისტემა და უნდა შევუტიოთ არა სპონტანურად, არამედ სისტემურად. ამ კუთხით სამომავლოდ, გაუმჯობესებას ვგეგმავთ. დიახ, ჩაკვეტაძის და კიტეიშვილის გასვლის შემდეგ შეტევაში გაგვიჭირდა. მაგრამ არიან სხვა მოთამაშეები, რომლებსაც ამ რგოლის დაბალანსება შეუძლიათ.პრესინგით დღეს ძალიან ბევრი ბურთი დავიბრუნეთ. მაგრამ ეს სწორად უნდა დავგეგმოთ. ვთვლი, რომ დღეს დაცვაში კარგად გამოვიყურებოდით. მაგრამ პრესინგის და მაღალი ბლოკის დასახვეწად დრო გვჭირდება.როდესაც გუნდი მაყურებელს აძლევს სწორ ემოციას, სანაცვლოდაც ანალოგიურს იღებს. ყველაფერი გაკეთდა იმისთვის, რომ ისე გვეთამაშა, სანაცვლოდ ის ქომაგობა მიგვეღო, რაც დღეს სტადიონზე ვნახეთ. მინდა მადლობა გადავუხადო ყველა გულშემატკივარს, როგორც სტადიონზე, ასევე მათ, ვინც ტელევიზორის ეკრანთან გვქომაგობდა“.საქართველოს ნაკრები ერთა ლიგაზე შემდეგ შეხვედრასაც გასვლაზე გამართავს. რამაზ სვანაძის გაწვრთნილები 2 ოქტომბერს ბუდაპეშტის „პუშკაშ არენაზე“ უნგრეთს ესტუმრება.1TVSPORT