პოლიტიკა • 1777452664

შალვა პაპუაშვილი: მინდა, ვუთხრა ყველას, საქართველო არასდროს დადგება უკრაინისა და მოლდოვის გზაზე, რომელიც ტერიტორიების დათმობით, სახელმწიფოს გაუქმებით ევროკავშირში წევრობას გულისხმობს

მინდა, ვუთხრა ყველას ევროკავშირში და მათ სატელიტებს საქართველოში, რომ ევროინტეგრაციის უკრაინული და მოლდოვური გზა არ არის ქართული გზა, საქართველო არასდროს დადგება უკრაინისა და მოლდოვის გზაზე, რომელიც ტერიტორიების დათმობითა და სახელმწიფოს გაუქმებით ევროკავშირში წევრობას გულისხმობს, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.მისივე თქმით, გერმანიის კანცლერისა და მოლდოვის პრეზიდენტის განცხადებები თავის თავში გულისხმობს ევროკავშირში წევრობისთვის სუვერენიტეტის გაუქმებას ან თითქმის სრულად დათმობას.„გუშინ ვნახეთ გერმანიის კანცლერის, ფრიდრიხ მერცის განცხადება. მან თქვა, რომ უკრაინას ევროკავშირში გაწევრიანების წინსვლისთვის სავარაუდოდ დასჭირდება ტერიტორიების დათმობა. ასევე ვიხილეთ მოლდოვის პრეზიდენტის განცხადება, რომელმაც კვლავ გაიმეორა, რომ მოლდოვის სახელმწიფოს გაუქმება და რუმინეთის ნაწილად გადაქცევა არის ყველაზე ოპტიმალური გზა მოლდოვის ევროკავშირში გაწევრიანებისთვის. ერთიც და მეორე განცხადებაც თავის თავში გულისხმობს სუვერენიტეტის დათმობას, ევროკავშირში წევრობისთვის სუვერენიტეტის გაუქმებას ან თითქმის სრულად დათმობას.მერცის განცხადების შემთხვევაში იგულისხმება, რომ უკრაინას თუ უნდა წევრობა, ტერიტორიებზე საკუთარი იურისდიქცია, სუვერენიტეტი უნდა დათმოს. მოლდოვის პრეზიდენტი ამბობს, რომ მოლდოვას ევროკავშირში წევრობა თუ უნდა, არათუ სახელმწიფოს სუვერენიტეტი უნდა დათმობს, არამედ სახელმწიფო გააუქმოს. ჩვენ მაგალითად როდესაც გვიყენებენ ხოლმე უკრაინას და მოლდოვას, მინდა, ვუთხრა ყველას ევროკავშირშიც, ბრიუსელში და მათ სატელიტებს საქართველოში, რომ ევროინტეგრაციის უკრაინული და მოლდოვური გზა არ არის ქართული გზა, საქართველო არასდროს დადგება უკრაინისა და მოლდოვის გზაზე, რომელიც ტერიტორიების დათმობითა და სახელმწიფოს გაუქმებით ევროკავშირში წევრობას გულისხმობს.ზუსტად ამას ნიშნავს, რასაც გვეუბნებოდნენ, რომ ევროკავშირში წევრობა უნდა იყოს თვითმიზანი. ეს არის თვითმიზნობის შედეგი. ევროკავშირში წევრობა თუ არის თვითმიზანი, ნიშნავს, რომ უნდა გაწირო შენი ტერიტორიული სუვერენიტეტი, სახელმწიფოს სუვერენიტეტი. ამიტომაც, სწორედ ამ გაგებით, ევროკავშირის წევრობა არ არის ჩვენი თვითმიზანი, თუ ამის გამო მოგვიწევს, დავთმოთ ტერიტორიები, სუვერენიტეტი, უფლება, თავად განვსაზღვროთ ჩვენი პოლიტიკა, რასაც უკრაინასა და მოლდოვას, როგორც პირობას, უყენებენ ბრიუსელიდან და თავადაც აღიარებენ, რომ ეს პირობები არსებობს“, – განაცხადა პაპუაშვილმა.

მსოფლიო • 1777445511

მოსკოვში 9 მაისის აღლუმი უკრაინაში ომის დაწყებიდან პირველად სამხედრო ტექნიკის გარეშე ჩაივლის

 რუსეთის დედაქალაქ მოსკოვში მეორე მსოფლიო ომის გამარჯვების 81-ე წლისთავისადმი მიძღვნილი აღლუმი სამხედრო ტექნიკის გარეშე გაიმართება. ინფორმაციას BBC-ის რუსულენოვანი რედაქცია ავრცელებს.როგორც გამოცემას რუსეთის თავდაცვის სამინისტროში განუცხადეს, აღლუმზე მისული ადამიანები სამხედრო ტექნიკისგან შემდგარ კოლონას და სამხედრო კურსანტებს ვერ იხილავენ. აღნიშნული გადაწყვეტილება „მიმდინარე ოპერატიული მდგომარეობის გამო“ არის მიღებული.როგორც BBC წერს, ეს იქნება პირველი შემთხვევა, როცა უკრაინაში ომის დაწყების შემდეგ 9 მაისის აღლუმზე სამხედრო ტექნიკა წარმოდგენილი არ იქნება.მიუხედავად იმისა, რომ აღლუმზე სამხედრო ტექნიკა არ იქნება, ღონისძიებაში ავიაცია მონაწილეობას მიიღებს, იუწყება გამოცემა.

მსოფლიო • 1777444916

Euronews: ევროკავშირი „მზადაა“, ისრაელის წინააღმდეგ სანქციების დაწესებისთვის რუსული გემის გამო, რომელსაც, სავარაუდოდ, მოპარული უკრაინული მარცვლეული გადაჰქონდა

 დიპლომატიური კრიზისი უკრაინასა და ისრაელს შორის წარმოიშვა მას შემდეგ, რაც ჰაიფაში რუსული გემი ჩავიდა, რომელსაც, სავარაუდოდ, მოპარული უკრაინული მარცვლეული გადაჰქონდა. ბრიუსელი აცხადებს, რომ მზადაა სანქციები დააწესოს ამ პროცესში ჩართული პირებისთვის.Euronews-ის ცნობით, მას შემდეგ, რაც ჰაიფაში მარცვლეულით დატვირთული ახალი გემი ჩავიდა, ევროკავშირმა გააფრთხილა ისრაელი, რომ მზადაა სანქციები დააწესოს იმ პირებისთვის, რომლებიც ხელს უწყობენ რუსეთის მიერ ოკუპირებულ ტერიტორიებზე მოპარული უკრაინული მარცვლეულით ვაჭრობას."ევროკავშირმა გაითვალისწინა ინფორმაცია, რომ რუსეთის ჩრდილოვანი ფლოტის გემს, რომელსაც მოპარული უკრაინული მარცვლეული გადაჰქონდა, ისრაელის ჰაიფას პორტში გადმოტვირთვის ნებართვა მიეცა, მიუხედავად უკრაინისა და ისრაელის ხელისუფლებას შორის ამ საკითხთან დაკავშირებით წინა კონტაქტებისა", - განუცხადა ევროკომისიის წარმომადგენელმა Euronews-ს.მისივე თქმით, ამ საკითხზე ევროკომისიამ ისრაელის საგარეო საქმეთა სამინისტროს მიმართა."ჩვენ ვგმობთ ყველა მოქმედებას, რომელიც ხელს უწყობს რუსეთის უკანონო საომარ ძალისხმევის დაფინანსებას და ევროკავშირის სანქციების გვერდის ავლას, და მზად ვართ საჭიროების შემთხვევაში მიზანში ამოვიღოთ ასეთი ქმედებები მესამე ქვეყნებში მყოფი პირებისა და ორგანიზაციების სანქცირების გზით," - აღნიშნა ევროკომისიის პრესსპიკერმა.

მსოფლიო • 1777443420

Reuters: კიევმა საერთაშორისო სავალუტო ფონდის დაფინანსების შესანარჩუნებლად საზღვარგარეთიდან ამანათებზე გადასახადი უნდა გაზარდოს

 კიევმა საერთაშორისო სავალუტო ფონდიდან დაფინანსების შესანარჩუნებლად საზღვარგარეთიდან ამანათებზე გადასახადი უნდა გაზარდოს. ინფორმაციას Reuters-ი ავრცელებს.სააგენტო აღნიშნავს, რომ სავალუტო ფონდის 8.1 მილიარდი დოლარის ოდენობის პროგრამა ივნისში უნდა გადაიხედოს. ფონდი უკრაინის საგადასახადო ბაზის გაფართოებას დაჟინებით მოითხოვს. პარლამენტს ამ კანონპროექტისთვის ჯერ მხარი არ დაუჭერია, რადგან მას კანონმდებლებს შორის საკმარისი მხარდაჭერა არ აქვს.„ამანათები ახლა ერთ-ერთ მთავარ პრობლემად იქცა. ამ კანონის მიღების გარეშე, გადახედვა შესაძლოა საერთოდ არ ჩატარდეს, რაც სერიოზულ უარყოფით შედეგებს გამოიწვევს“,- იუწყება სააგენტო წყაროზე დაყრდნობით.სტატიის ავტორის ცნობით, ცვლილებების ამოქმედება მინიმუმ 2027 წლამდე გადაიდო. უკრაინის ხელისუფლება პარლამენტში წინააღმდეგობის გამო ფონდის დარწმუნებას ცდილობს ალტერნატიული ზომების მიღებაში. თუ სავალუტო ფონდის პროგრამა ჩაიშლება, უკრაინა ევროკომისიისგან დაფინანსებას ვერ მიიღებს, აღნიშნავს სააგენტო.

მსოფლიო • 1777443152

Bloomberg: ევროკავშირი უკრაინისთვის 90 მილიარდი ევროს კრედიტის გადასაცემად პირობების გამკაცრებას გეგმავს

 ევროკავშირი აპირებს გაამკაცროს პირობები უკრაინისთვის 90 მილიარდი ევროს ოდენობის კრედიტის გამოსაყოფად. ინფორმაციას Bloomberg-ი ავრცელებს.სააგენტოს ცნობით, ევროკავშირი ფულის გადაცემის წინაპირობად არაპოპულარული რეფორმების გატარებას აყენებს. კერძოდ, ბრიუსელს სურს, რომ უკრაინამ ბიზნესისთვის საგადასახადო რეფორმები გაატაროს, სანამ ფულს მიიღებს.როგორც გამოცემა წერს, გადახდების ნაწილი დამოკიდებული იქნება ბიზნესისთვის არაპოპულარული საგადასახადო ცვლილებების დანერგვაზე, კერძოდ, 20%-იანი დამატებითი ღირებულების გადასახადის შემოღებაზე იმ კომპანიებისთვის, რომლებიც მუშაობენ შეღავათიანი სისტემით და მათი წლიური შემოსავალი 4 მილიონ გრივნაზე მეტია.გეგმას ევროკომისია უკვე განიხილავს. ჯერ საუბარია მხოლოდ 8,4 მილიარდი ევროს ოდენობის მაკროფინანსურ დახმარებაზე, რომელიც კიევმა მიმდინარე წელს უნდა მიიღოს, რათა რუსულ აგრესიას გაუმკლავდეს.როგორც სააგენტოს რამდენიმე ანონიმურმა წყარომ განუცხადა, კიევი თავის მეორე უმსხვილეს დონორს, საერთაშორისო სავალუტო ფონდს სთხოვს გადადოს ანალოგიური მოთხოვნების შემოღება, რათა 8 მილიარდი დოლარის ოდენობის კრედიტი დროულად მიიღოს.

მსოფლიო • 1777440359

"მჯერა, რომ ჩვენი ორი ერის არსი სულის კეთილშობილებაა და მოვალეობა, ხელი შევუწყოთ თანაგრძნობას, მშვიდობას, გავაღრმაოთ ურთიერთგაგება და დავაფასოთ ყველა ადამიანი" - ჩარლზ III-ის ვიზიტი აშშ-ში გრძელდება

 დიდი ბრიტანეთის მეფის, ჩარლზ მესამის ოთხდღიანი ვიზიტი ამერიკის შეერთებულ შტატებში გრძელდება. ვიზიტის ფარგლებში ჩარლზი კონგრესის ორივე პალატის ერთობლივი სხდომის წინაშე სიტყვით გამოვიდა და ხაზი გაუსვა ორი სახელმწიფოს შორის ურთიერთობის მნიშვნელობას."მჯერა, რომ ჩვენი ორი ერის არსი სულის კეთილშობილებაა და მოვალეობა, ხელი შევუწყოთ თანაგრძნობას, მშვიდობას, გავაღრმაოთ ურთიერთგაგება და დავაფასოთ ყველა ადამიანი, - ნებისმიერი სარწმუნოების ადამიანი თუ არცერთი რწმენის მიმდევარი", – განაცხადა მონარქმა.ასევე, მან კონგრესის წინაშე ისაუბრა უკრაინაში მიმდინარე ომთან დაკავშირებით და უკრაინელ ხალხს მხარდაჭერა გამოუცხადა.საღამოს, აშშ-ის პრეზიდენტმა, დონალდ ტრამპმა სტუმრებს თეთრ სახლში ვახშამზე უმასპინძლა.

მსოფლიო • 1777436192

მეფე ჩარლზი: უკრაინას ჩვენი ურყევი მხარდაჭერა სჭირდება

 აშშ-ის კონგრესის წინაშე სიტყვით გამოსვლისას, დიდი ბრიტანეთის მეფე ჩარლზ III-მ ხაზი გაუსვა უკრაინის „გადამწყვეტი მხარდაჭერის“ აუცილებლობას გლობალური არასტაბილურობის ფონზე.მისი თქმით, მსოფლიო დიდი გაურკვევლობის პერიოდს გადის - ევროპიდან ახლო აღმოსავლეთამდე.მონარქი მიიჩნევს, რომ ეს საერთაშორისო თანამეგობრობის წინაშე სერიოზულ გამოწვევებს ქმნის და პირდაპირ გავლენას ახდენს სხვადასხვა ქვეყნის მოქალაქეთა ცხოვრებაზე.„დღეს ეს ურყევი ნებისყოფაა საჭირო უკრაინისა და მისი უმამაცესი ხალხის დასაცავად. ეს აუცილებელია ჭეშმარიტად სამართლიანი და ხანგრძლივი მშვიდობის უზრუნველსაყოფად“, - განაცხადა მან.

მსოფლიო • 1777436107

Financial Times: უკრაინაში აშშ-ის ელჩი პრეზიდენტ ტრამპთან არსებული უთანხმოების გამო თანამდებობას დატოვებს

 უკრაინაში ამერიკის შეერთებული შტატების საქმეთა დროებითი რწმუნებული, ჯული დევისი თანამდებობის დატოვებას გეგმავს. როგორც Financial Times-ი იუწყება, ამის მიზეზი დონალდ ტრამპთან არსებული უთანხმოება და ადმინისტრაციის მხრიდან უკრაინის მხარდაჭერის შესუსტება გახდა.როგორც გამოცემა წყაროებზე დაყრდნობით წერს, ჯული დევისი გეგმავს, უახლოეს კვირებში დატოვოს კიევი და თითქმის 30-წლიანი სამსახურის შემდეგ დიპლომატიური კარიერა დაასრულოს.დევისი საქმეთა დროებითი რწმუნებულის პოსტს 2025 წლის მაისიდან იკავებს. მან საკუთარი წასვლის შესახებ სახელმწიფო დეპარტამენტს უკვე აცნობა.დიპლომატი იმედგაცრუებული იყო საკუთარი როლით და ადმინისტრაციის არაერთი გადაწყვეტილებით, მათ შორის საკადრო დანიშვნებით, რომელთა შესახებაც ინფორმაციას მედიიდან იგებდა.აღსანიშნავია, რომ უკრაინაში აშშ-ის წინა ელჩი, ბრიჯიტ ბრინკი ასევე მსგავსი მიზეზების გამო გადადგა. მან თანამდებობა უკრაინაში სამწლიანი მუშაობის შემდეგ დატოვა - ბრინკს აღნიშნული პოსტი 2022 წლიდან ეჭირა.

მსოფლიო • 1777411905

უკრაინამ რუსეთის სამოქალაქო ინფრასტრუქტურაზე თავდასხმები გააძლიერა - ვლადიმერ პუტინი

რუსეთის პრეზიდენტი ვლადიმერ პუტინი აცხადებს, რომ უკრაინამ რუსეთის სამოქალაქო ინფრასტრუქტურაზე თავდასხმები გააძლიერა.მედიის ცნობით, პუტინმა აღნიშნული განცხადება მას შემდეგ გააკეთა, რაც ცნობილი გახდა, რომ უკრაინამ რუსეთის ქალაქ ტუაფსეში, ნავთობგადამამუშავებელ ქარხანაზე დრონებით იერიში მიიტანა.მისივე თქმით, ადგილობრივი გუბერნატორი შემთხვევის ადგილას იმყოფებოდა და მოახსენა, რომ ამ დროისთვის სერიოზული საფრთხეები არ არსებობს.„სამოქალაქო ინფრასტრუქტურაზე დრონების თავდასხმები სულ უფრო ხშირი ხდება. უახლესი მაგალითია ტუაფსეში ენერგეტიკულ ობიექტებზე თავდასხმები, რამაც შესაძლოა, სერიოზული გარემოსდაცვითი შედეგები გამოიწვიოს. თუმცა გუბერნატორმა განაცხადა, რომ ის ადგილზე იმყოფება და, როგორც ჩანს, სერიოზული საფრთხეები არ არსებობს. ხალხი ადგილზე უმკლავდება მათ წინაშე არსებულ გამოწვევებს“, – განაცხადა პუტინმა.

მსოფლიო • 1777403321

ზელენსკიმ იარაღის ექსპორტის დაწყება გამოაცხადა

უკრაინის პრეზიდენტმა, ვოლოდიმირ ზელენსკიმ უკრაინული იარაღის ექსპორტის გახსნა დააანონსა. მისი თქმით, ეს იქნება „რეალური“ პროცესი, რადგან ყველა დეტალი სახელმწიფო ინსტიტუტების დონეზე უკვე შეთანხმებულია.„დღეს ჩვენი ექსპერტიზა უსაფრთხოების სფეროში და თანამედროვე ომში გამოცდილი იარაღი საინტერესოა ყველა იმ პარტნიორისთვის, რომელსაც სურს საკუთარი სახელმწიფოებრიობისა და მოქალაქეების სიცოცხლის დაცვის რეალური დონის უზრუნველყოფა“, - განაცხადა ზელენსკიმ.მან ასევე დასძინა, რომ უკრაინამ პარტნიორებს, რომლებიც კიევს ეხმარებიან, თანამშრომლობის განსაკუთრებული ფორმატი შესთავაზა.პრეზიდენტის განმარტებით, საუბარია სპეციალურ შეთანხმებებზე უკრაინული დრონების, რაკეტების, ჭურვებისა და სხვა სახის იარაღის, საბრძოლო ტექნიკისა და პროგრამული უზრუნველყოფის წარმოებასა და მიწოდებაზე, ასევე პარტნიორების თავდაცვის სისტემებთან მათ ინტეგრაციაზე.

მსოფლიო • 1777396884

მადიარმა განაცხადა, რომ ივნისის დასაწყისში ზელენსკისთან შეხვედრა სურს, რათა ხელი შეუწყოს დასავლეთ უკრაინაში მცხოვრები ეთნიკური უნგრელების მდგომარეობის გაუმჯობესებას

უნგრეთის მომავალმა პრემიერ-მინისტრმა, პეტერ მადიარმა განაცხადა, რომ ივნისის დასაწყისში ვოლოდიმირ ზელენსკისთან შეხვედრა სურს, რათა ხელი შეუწყოს დასავლეთ უკრაინაში მცხოვრები ეთნიკური უნგრელების „მდგომარეობის გაუმჯობესებას“.„შეხვედრის მიზანია ზაკარპატიის ოლქში უნგრელების მდგომარეობის გაუმჯობესება და მათი მხარდაჭერა, რათა შეძლონ საკუთარ სამშობლოში დარჩენა“, - განაცხადა მადიარმა სოციალურ ქსელში.შეხვედრა, რომელიც, სავარაუდოდ, მადიარის მიერ თანამდებობის დაკავების შემდეგ გაიმართება, ზელენსკისა და უნგრეთის ახალ ლიდერს შორის პირველი მოლაპარაკება იქნება.

მსოფლიო • 1777377538

ალექსანდრ სტუბი: შევინარჩუნოთ სიმშვიდე, ვიყოთ თავშეკავებული, მე ვერ ვხედავ, რომ რუსეთს ჰქონდეს სტიმული, ნატო-ს მე-5 მუხლი გამოსცადოს

ფინეთის პრეზიდენტი ალექსანდრ სტუბი პოლონეთის პრემიერ-მინისტრის, დონალდ ტუსკის მიერ გაკეთებულ განცხადებას ეხმაურება, რომლის მიხედვითაც, ნატო-ს ზოგიერთ ქვეყანაზე ევროპაში რუსეთის მხრიდან თავდასხმა შესაძლოა, რამდენიმე თვეში მოხდეს.„ჩვენ ხვადასხვა სცენარზე ვმუშაობთ, მაგრამ მე ვუბრუნდები მთავარ გზავნილს – შევინარჩუნოთ სიმშვიდე, ვიყოთ გაწონასწორებული და თავშეკავებული. მე ვერ ვხედავ, რუსეთს ჰქონდეს სტიმული, ნატო-ს მე-5 მუხლი პრაქტიკაში გამოსცადოს“, – განაცხადა ფინეთის პრეზიდენტმა.როგორც ალექსანდრ სტუბმა აღნიშნა, რუსეთი გააგრძელებს ნატო-ს ჰიბრიდული მეთოდებით გამოცდას.„აღმოსავლეთ ფლანგს თუ გადავხედავთ, ჩრდილო-აღმოსავლეთიდან დაწყებული, სკანდინავიით, ნორვეგიით, ფინეთით, ბალტიის ქვეყნებით, პოლონეთით უკრაინამდე – არ ვფიქრობ, იქ რაიმე სახის გამოცდა მოხდეს“, – განაცხადა ფინეთის პრეზიდენტმა.ამასთან, მისივე თქმით, ევროპულმა ქვეყნებმა მაგალითი „ფინური მენტალიტეტიდან“ უნდა აიღონ.„ზედმეტ ყურადღებას ნუ გაამახვილებთ იმაზე, რაც შეიძლება, მოხდეს. მოემზადეთ უარესისთვის, რომ ის აირიდოთ“, – აღნიშნა სტუბმა.გარდა ამისა, მან აღნიშნა, რომ ამერიკელები ეუბნებიან ევროპას, საკუთარ თავდაცვაზე მეტი პასუხისმგებლობა აიღონ.