უკრაინა

შალვა პაპუაშვილი: ბრიუსელი იქცა დამაბრკოლებელ ფაქტორად, მისი ფილტრით ვრცელდება საქართველოს შესახებ არასწორი ინფორმაცია, ამიტომ არის მნიშვნელოვანი ორმხრივი კომუნიკაცია

ვხედავთ, რომ ბრიუსელი იქცა დამაბრკოლებელ ფაქტორად ევროკავშირის წევრ ქვეყნებთან ურთიერთობებში და მისი ფილტრით ხდება საქართველოსთან დაკავშირებით არასწორი ინფორმაციის გავრცელება, – ამის შესახებ საქართველოს პარლამენტის თავმჯდომარე შალვა პაპუაშვილმა ქართველ ჟურნალისტებს სტამბოლში განუცხადა.პაპუაშვილის თქმით, დეზინფორმაცია, რომელსაც ბრიუსელიდან ვისმენთ საქართველოსთან დაკავშირებით, ვრცელდება ევროკავშირის წევრ ქვეყნებში.„შეხვედრები როდესაც გვქონდა ევროკავშირის წევრი ქვეყნების პარლამენტების წარმომადგენლებთან, ჩვენი მთავარი ამოცანა იყო, გვქონოდა უშუალო კომუნიკაცია ჩვენს კოლეგებთან და არა ბრიუსელის გავლით. სამწუხაროდ, ვხედავთ, რომ ბრიუსელი იქცა დამაბრკოლებელ ფაქტორად ევროკავშირის წევრ ქვეყნებთან ურთიერთობებში და მისი ფილტრით ხდება საქართველოსთან დაკავშირებით არასწორი ინფორმაციის გავრცელება. ვხედავთ, რომ დეზინფორმაცია, რომელსაც ბრიუსელიდან ვისმენთ საქართველოსთან დაკავშირებით, ვრცელდება ევროკავშირის წევრ ქვეყნებში. ამიტომ, ორმხრივ კომუნიკაციას აქვს მნიშვნელობა. ვფიქრობ, ძალიან შინაარსიანი შეხვედრები გვქონდა. არის სურვილი, რომ უშუალო შეხვედრების გზით, ჩვენი ვიზიტებით დედაქალაქებში, გვქონდეს პირდაპირი კონტაქტი ჩვენს კოლეგებთან“, – განაცხადა პაპუაშვილმა.პარლამენტის თავმჯდომარის თქმით, აზიის ქვეყნების წარმომადგენლებთან შეხვედრებზე ყველამ აღნიშნა, რა კრიზისს განიცდიან დღეს ახლო აღმოსავლეთში მიმდინარე კონფლიქტის გამო.„მათ უწევთ ენერგიის დაზოგვის მიზნით სხვადასხვა გადაწყვეტილების მიღება, ვინაიდან ნავთობის მიწოდება შეზღუდულია, მათ შორის, დისტანციური მუშაობა და ა.შ. ჩანს, როგორ ახდენს ერთ რეგიონში წარმოშობილი კონფლიქტი გავლენას სხვა რეგიონებზე. საბედნიეროდ, საქართველოს ხელისუფლების მოქმედებით ვხედავთ, რომ ეს კრიზისები ჩვენ გვერდს გვივლის. უკრაინაში მიმდინარე ომი იქნება, თუ ის კრიზისი, რასაც ახლო აღმოსავლეთში ვაკვირდებით, მაშინ, როდესაც სხვა ქვეყნებისთვის ეს არის ლამის ეკონომიკური კოლაფსის წინაპირობა, საქართველოს შემთხვევაში, ჩვენ ეკონომიკური ზრდის კარგი მაჩვენებელი გვაქვს. ეს არის ჩვენი ხელისუფლების სწორი მიდგომა.ამასთან, მნიშვნელოვანია რეგიონული თანამშრომლობაც. შეხვედრები მქონდა აზერბაიჯანისა და თურქეთის პარლამენტების თავმჯდომარეებთან, ასევე დაგეგმილი მაქვს შეხვედრა სომხეთის პარლამენტის თავმჯდომარესთან. ჩვენი რეგიონის და ოთხივე სახელმწიფოს ხელისუფლების მიერ გატარებული სწორი, ეროვნულ ინტერესებზე ორიენტირებული პოლიტიკა განაპირობებს, რომ მიუხედავად კრიზისებისა, რეგიონში არის მშვიდობა და სტაბილურობა. ეს მნიშვნელოვანია ჩვენი ხალხისთვის, ეკონომიკური ზრდისთვის. ამიტომ, ჩვენ გავაგრძელებთ რეგიონში ამ ფორმატში ინტენსიურ ურთიერთობას“, – განაცხადა შალვა პაპუაშვილმა.

მსოფლიო • 1776406631

უკრაინის პრემიერ-მინისტრი აცხადებს, რომ ვაშინგტონში ვიზიტის შემდეგ აშშ-ის მხარდაჭერაში კიდევ უფრო დარწმუნდა

უკრაინის პრემიერ-მინისტრი იულია სვირიდენკო აცხადებს, რომ ვაშინგტონში ვიზიტის შემდეგ აშშ-ის მხარდაჭერაში კიდევ უფრო დარწმუნდა. ამის შესახებ სვირიდენკომ „როიტერთან“ ინტერვიუში განაცხადა.სვირიდენკომ აღნიშნა, რომ აშშ-ის სახაზინო მდივანთან, სკოტ ბესენტთან შეხვედრა პოზიტიური და მეგობრული იყო.„ვფიქრობ, ბესენტი უკრაინის გვერდით დგას და უკრაინას უჭერს მხარს“, – განაცხადა სვირიდენკომ.მისი თქმით, შეხვედრის დროს განსაკუთრებით გაუსვა ხაზი, რომ რუსეთის წინააღმდეგ დაწესებული სანქციები არ უნდა შესუსტდეს, გადაიდოს ან გაუქმდეს.სვირიდენკომ აღნიშნა, რომ ამერიკელი პარტნიორები სრულად აცნობიერებენ სანქციების გამკაცრების მნიშვნელობას, რათა რუსეთი დასუსტდეს და სანქციების გვერდის ავლის გზები შეიზღუდოს.უკრაინის პრემიერ-მინისტრის თქმით, ომის დასრულება მისი ოცნებაა, თუმცა ეს უნდა მოხდეს მკაფიო უსაფრთხოების გარანტიებით, ეკონომიკური განვითარების გეგმითა და ქვეყნის აღდგენის პროგრამით.„უკრაინელ ხალხს იმ ცხოვრების უფლება აქვს, რომელსაც იმსახურებს, რადგან ისინი ასე გამორჩეულად იბრძოდნენ“, – განაცხადა სვირიდენკომ.უკრაინის პრემიერ-მინისტრმა აღნიშნა, რომ ვაშინგტონში ორდღიანი შეხვედრების შემდეგ აშშ-ის მხრიდან მხარდაჭერა იგრძნო.„ორდღიანი შეხვედრების შემდეგ ჩემი პირველი აზრი ის არის, რომ ყველაფერი შეიცვალა“, – განაცხადა სვირიდენკომ და აღნიშნა, რომ განწყობა უფრო კონსტრუქციული იყო, ვიდრე წინა შეხვედრებზე.ამასთან, „როიტერთან“ ინტერვიუში უკრაინის პრემიერ-მინისტრმა უნგრეთში ჩატარებულ საპარლამენტო არჩევნებზეც ისაუბრა.სვირიდენკომ იმედი გამოთქვა, რომ უნგრეთში ჩატარებული არჩევნების შემდეგ, სადაც ვიქტორ ორბანი ხელისუფლებიდან წავიდა, შესაძლებელი გახდება ევროკავშირის მიერ რუსეთის წინააღმდეგ სანქციების მე-20 პაკეტის მიღება, ასევე 90 მილიარდი ევროს სესხის დამტკიცება, რომელსაც ბუდაპეშტი ბლოკავდა.მისივე თქმით, ეს დადებითად აისახება უკრაინის ევროკავშირში გაწევრიანების პროცესზეც.„ყველა უკრაინელი თავს ევროკავშირის ოჯახის ნაწილად გრძნობს და ვფიქრობ, ისინი იმსახურებენ იქ ყოფნას. ახლა ჩვენთვის შესაფერისი დროა, უფრო სწრაფად ვიმოქმედოთ და ევროკავშირში ინტეგრაციის დაჩქარებული გზა მივიღოთ“, – განაცხადა უკრაინის პრემიერ-მინისტრმა.

მსოფლიო • 1776363694

იმედი მაქვს, აშშ არ შეწყვეტს უკრაინისთვის დახმარების გაწევას და ამ ომს არ მიატოვებს - ვოლოდიმირ ზელენსკი

იმედი მაქვს, აშშ არ შეწყვეტს დახმარების გაწევას, ეს ჩვენთვის ძალიან მნიშვნელოვანია – ასე გამოეხმაურა უკრაინის პრეზიდენტი ვოლოდიმირ ზელენსკი აშშ-ის ვიცე-პრეზიდენტის, ჯეი დი ვენსის განცხადებას.ზელენსკიმ იმედი გამოთქვა, რომ შეერთებული შტატები გააგრძელებს უკრაინისთვის დახმარების გაწევას.„იმედი მაქვს, რომ შეერთებული შტატები არ შეწყვეტს დახმარების გაწევას. ეს ჩვენთვის ძალიან მნიშვნელოვანია. იმედი მაქვს, რომ ისინი ამ ომს არ მიატოვებენ“, – განაცხადა ზელენსკიმ.უკრაინის პრეზიდენტის თქმით, აშშ-ის მხარდაჭერა მნიშვნელოვანია არა მხოლოდ უკრაინისთვის, არამედ ვაშინგტონისთვისაც, რადგან ეს მათ საშუალებას აძლევს შეინარჩუნონკავშირი ევროპასთან.„იმედი მაქვს, რომ აშშ არ შეწყვეტს ჩვენთვის დეფიციტური სისტემების მოწოდებას. ეს ჩვენთვის საკვანძო საკითხია. იარაღის შესაძენად ვიყენებთ არა ამერიკულ, არამედ ევროპულ თანხებს, მათ შორის ნიდერლანდების მხარდაჭერას“, – აღნიშნა უკრაინის პრეზიდენტმა.მისი თქმით, იარაღის შესყიდვის პროგრამა PURL, რომელიც ევროპასთან არის დაკავშირებული, ერთიანობას აჩვენებს.„ახლო აღმოსავლეთში ესკალაციის გაძლიერების რისკების გათვალისწინებით, ასეთი საფრთხეები შეიძლება არსებობდეს. რატომ გააკეთა ვიცე-პრეზიდენტმა ასეთი კომენტარი? გთხოვთ, ეს მას ჰკითხოთ. ყოველ დღე რაღაც სიახლეა“- აღნიშნა ზელენსკიმ.ცნობისთვის, აშშ-ის ვიცე-პრეზიდენტმა, ჯეი დი ვენსმა განაცხადა, რომ აშშ-ში უკრაინისთვის იარაღის ყიდვის საქმეში აღარ არის ჩართული.„ერთ-ერთი რამ, რითაც ყველაზე მეტად ვამაყობ, არის, რომ ევროპას ვუთხარით, იარაღის ყიდვა თუ გსურთ, შეგიძლიათ, შეერთებული შტატები აღარ ყიდულობს იარაღს და აღარ აგზავნის მას უკრაინაში“, – განაცხადა ვენსმა.

მსოფლიო • 1776354120

სლოვაკეთი რუსეთის წინააღმდეგ ევროკავშირის სანქციების დაბლოკვით იმუქრება, თუ უკრაინა „დრუჟბის“ მილსადენით ნავთობის მიწოდებას არ აღადგენს

სლოვაკეთის საგარეო საქმეთა მინისტრმა, იურაი ბლანარმა განაცხადა, რომ მისი ქვეყანა მზად არის დაბლოკოს რუსეთის წინააღმდეგ ევროკავშირის სანქციების მორიგი პაკეტი, იმ შემთხვევაში, თუ უკრაინა არ აღადგენს ნავთობის მიწოდებას „დრუჟბის“ ნავთობსადენით.ამასთანავე, ბლანარმა აღნიშნა, რომ სლოვაკეთი არ შეეწინააღმდეგება უკრაინისთვის 90 მილიარდი ევროს ოდენობის კრედიტის გამოყოფას, რომელზეც დამოკიდებულია კიევის ძირითადი თავდაცვითი და ეკონომიკური საჭიროებების დაფინანსება.მიმდინარე კვირას ზელენსკი დაჰპირდა პარტნიორებს, რომ „დრუჟბა“ მუშაობას აპრილის ბოლომდე განაახლებს.უნგრეთი და სლოვაკეთი ამტკიცებდნენ, რომ უკრაინა განზრახ აჭიანურებს „დრუჟბის“ მუშაობის აღდგენას, თუმცა კიევი ამ ბრალდებებს უარყოფდა.

პოლიტიკა • 1776318365

მაკა ბოჭორიშვილი სანქციებზე: ღიად ხდებოდა საქართველოზე ნებისმიერი მეთოდით ზეწოლის განხორციელება

გადაცემა „ღამის კურიერში" სტუმრობისას საქართველოს საგარეო საქმეთა მინისტრმა, მაკა ბოჭორიშვილმა ვრცლად ისაუბრა სანქციების, კონკრეტულად კი საქართველოს მოქალაქეების მიმართ ევროკავშირის ზოგიერთი ქვეყნის მხრიდან დაწესებული პერსონალური სანქციების შესახებ. მინისტრის თქმით, ეს საქართველოსა და მის მოქალაქეებზე ზეწოლისთვის გამოყენებული კიდევ ერთი ინსტრუმენტია.„აქ დიპლომატიას არანაირი სივრცე არ ჰქონდა, როდესაც ღიად ხდებოდა საქართველოზე ნებისმიერი მეთოდით ზეწოლის განხორციელება. ჩვენ იმდენი უსამართლო დამოკიდებულება ვნახეთ საქართველოსთან მიმართებით, რომ პერსონალური სანქციების გამოიყენება გასაკვირი აღარ არის. ჩვენ ვნახეთ მუქარები სავიზო რეჟიმის გაუქმებასთან დაკავშირებით და ევროკავშირის მხრიდან დიპლომატიური პასპორტების მფლობელებისთვის უვიზო მიმოსვლის შეჩერება. სხვადასხვა მეთოდი იქნა გამოყენებული იმისთვის, რომ ქართულ საზოგადოებაზე მოეხდინათ გარკვეული ზეწოლა და ესეც ერთგვარი შანტაჟის ფორმაა." - განაცხადა მაკა ბოჭორიშვილმა.მინისტრის შეფასებით, მიუღებელია, როცა სანქციების დაწესების პოლიტიკის ინსტრუმენტალიზაცია ხდება, თუმცა ამ საკითხებზე უნდა გაგრძელდეს მუშაობა. მან იმედი გამოთქვა, რომ გარკვეული ნაბიჯები იქნება გადადგმული, იმისათვის, რომ ეს უსამართლო მიდგომები შეიცვალოს საქართველოსა და საქართველოს მოქალაქეების მიმართ.საგარეო უწყების ხელმძღვანელმა ასევე ისაუბრა საქართველოს მხრიდან სანქციების რეჟიმის დაცვასა და ამ კონტექსტში საქართველოს წინააღმდეგ არსებულ ბრალდებებზე.მისი თქმით, საქართველო ატარებს ისეთ პოლიტიკას, რომ ქვეყნის ტერიტორიაზე არ არსებობს სანქციების გვერდის ავლის არც ერთი ფაქტი, თუმცა მაინც მიზანმიმართულად ხდება მცდარი ნარატივების გავრცელება საქართველოს შესახებ და ქართველი ხალხის შეცდომაში შეყვანა."ეს ყველაფერი დაიწყო უკრაინაში ომის დაწყების დღიდან, როდესაც თავად ევროკავშირს არ ჰქონდა დაწესებული არანაირი სანქცია რუსეთის მიმართ. ჩვენ განვაცხადეთ, რომ ვერ და არ დავაწესებთ სანქციებს რუსეთის მიმართ, ვინაიდან ეს გავლენას ვერ მოახდენს რუსეთზე და შესაძლოა დამღუპველი შედეგი ჰქონდეს ჩვენს ქვეყანაზე. ამავდროულად, ჩვენ გვაქვს პოლიტიკა, რომელიც უზრუნველყოფს, რომ ჩვენი ქვეყანა არ იქნება გამოყენებული სანქციების გვერდის ასავლელად. საქართველო უნაკლოდ ასრულებს ამ პოლიტიკას, მაშინ, როდესაც თავად ევროკავშირის წევრ ქვეყნებში არის გამოწვევები და ძალიან ხშირად საუბრობენ, რომ ხდება სანქციების რეჟიმის გვერდის ავლა." - განაცხადა მაკა ბოჭორიშვილმა

პოლიტიკა • 1776316940

გადაცემა "ღამის კურიერში" სტუმრობისას საქართველოს საგარეო საქმეთა მინისტრმა, მაკა ბოჭორიშვილმა ვრცლად ისაუბრა სანქციების, კონკრეტულად კი საქართველოს მოქალაქეების მიმართ ევროკავშირის ზოგიერთი ქვეყნის მხრიდან დაწესებული პერსონალური სანქციების შესახებ. მინისტრის თქმით, ეს საქართველოსა და მის მოქალაქეებზე ზეწოლისთვის გამოყენებული კიდევ ერთი ინსტრუმენტია."აქ დიპლომატიას არანაირი სივრცე არ ჰქონდა, როდესაც ღიად ხდებოდა საქართველოზე ნებისმიერი მეთოდით ზეწოლის განხორციელება. ჩვენ იმდენი უსამართლო დამოკიდებულება ვნახეთ საქართველოსთან მიმართებით, რომ პერსონალური სანქციების გამოიყენება გასაკვირი აღარ არის. ჩვენ ვნახეთ მუქარები სავიზო რეჟიმის გაუქმებასთან დაკავშირებით და ევროკავშირის მხრიდან დიპლომატიური პასპორტების მფლობელებისთვის უვიზო მომოსვლის შეჩერება. სხვადასხვა მეთოდი იქნა გამოყენებული იმისთვის, რომ ქართულ საზოგადოებაზე მოეხდინათ გარკვეული ზეწოლა და ესეც ერთგვარი შანტაჟის ფორმაა." - განაცხადა მაკა ბოჭორიშვილმა.მინისტრის განცხადებით, მიუღებელია, როცა სანქციების დაწესების პოლიტიკის ინსტრუმენტალიზაცია ხდება, თუმცა ამ საკითხებზე უნდა გაგრძელდეს მუშაობა. მან იმედი გამოთქვა, რომ გარკვეული ნაბიჯები იქნება გადადგმული, იმისათვის, რომ ეს უსამართლო მიდგომები შეიცვალოს საქართველოსა და საქართველოს მოქალაქეების მიმართ.საგარეო უწყების ხელმძღვანელმა ასევე ისაუბრა საქართველოს მხრიდან სანქციების რეჟიმის დაცვასა და ამ კონტექსტში საქართველოს წინააღმდეგ არსებულ ბრალდებებზე.მისი თქმით, საქართველო ატარებს ისეთ პოლიტიკას, რომ ქვეყნის ტერიტორიაზე არ არსებობს სანქციების გვერდის ავლის არც ერთი ფაქტი, თუმცა მაინც მიზანმიმართულად ხდება მცდარი ნარატივების გავრცელება საქართველოს შესახებ და ქართველი ხალხის შეცდომაში შეყვანა. "ეს ყველაფერი დაიწყო უკრაინაში ომის დაწყების დღიდან, როდესაც თავად ევროკავშირს არ ჰქონდა დაწესებული არანაირი სანქცია რუსეთის მიმართ. ჩვენ განვაცხადეთ, რომ ვერ და არ დავაწესებთ სანქციებს რუსეთის მიმართ, ვინაიდან ეს გავლენას ვერ მოახდენს რუსეთზე და შესაძლოა დამღუპველი შედეგი ჰქონდეს ჩვენს ქვეყანაზე. ამავდროულად, ჩვენ გვაქვს პოლიტიკა, რომელიც უზრუნველყოფს, რომ ჩვენი ქვეყანა არ იქნება გამოყენებული სანქციების გვერდის ასავლელად. საქართველო უნაკლოდ ასრულებს ამ პოლიტიკას, მაშინ, როდესაც თავად ევროკავშირის წევრ ქვეყნებში არის გამოწვევები და ძალიან ხშირად საუბრობენ, რომ ხდება სანქციების რეჟიმის გვერდის ავლა." - განაცხადა მაკა ბოჭორიშვილმა.

მსოფლიო • 1776272966

გერმანიის თავდაცვის მინისტრი: უკრაინა მომდევნო ოთხი წლის განმავლობაში Patriot-ის კომპლექსებისთვის ასეულობით რაკეტის მიღებას შეძლებს

უკრაინა მომდევნო ოთხი წლის განმავლობაში Patriot-ის კომპლექსებისთვის ასეულობით რაკეტის მიღებას შეძლებს. როგორც UNIAN-ის კორესპონდენტი იტყობინება, ამის შესახებ გერმანიის თავდაცვის მინისტრმა, ბორის პისტორიუსმა უკრაინის თავდაცვის საკითხებზე საკონტაქტო ჯგუფის სხდომის დასრულების შემდეგ გამართულ პრესკონფერენციაზე განაცხადა.გერმანიის თავდაცვის უწყების ხელმძღვანელმა აღნიშნა, რომ უკრაინის საჰაერო თავდაცვის გაძლიერება გერმანიისთვის მთავარ პრიორიტეტად რჩება, რადგან საქმე ეხება სიცოცხლის ყოველდღიურ გადარჩენას.„ამგვარად, საჰაერო თავდაცვა იმ დახმარების პაკეტის საკვანძო კომპონენტია, რომელიც ჩვენ გუშინ შევათანხმეთ. მასში შევიდა Patriot-ის სისტემების ასეულობით მართვადი რაკეტა, რომელთა მიწოდებაც მომდევნო ოთხი წლის განმავლობაში ეტაპობრივად განხორციელდება. გარდა ამისა, ჩვენ უკრაინას გადავცემთ დამატებით გამშვებ დანადგარებს Iris-T-ის საჰაერო თავდაცვის სისტემებისთვის“, - ხაზგასმით აღნიშნა პისტორიუსმა.

მსოფლიო • 1776271156

მარკ რუტე: უკრაინაში გამარჯვება ახლა შორეული ოცნებაა პუტინისთვის

NATO-ს გენერალური მდივნის, მარკ რუტეს თქმით, მიუხედავად არაერთი გამოწვევისა, უკრაინა არ უნდა დარჩეს უყურადღებოდ.ამის შესახებ მარკ რუტემ ბერლინში, უკრაინის თავდაცვის საკითხებზე მომუშავე საკონტაქტო ჯგუფის რიგით 34-ე შეხვედრაზე განაცხადა.„რუსეთის აგრესიულ ომში შესვენება არ არის. რუსეთი აგრძელებს სასტიკ თავდასხმებს დღისით და ღამით. უკრაინის შეიარაღებული ძალები აგრძელებენ რუსეთის შეკავებას, უკრაინელი ხალხი დღესაც აგრძელებს წინააღმდეგობას და ეს ძალიან მნიშვნელოვანია“, – განაცხადა NATO-ს გენერალურმა მდივანმა.თავის გამოსვლაში მან ხაზი გაუსვა უკრაინის მხარდაჭერას, რომელიც გრძელდება NATO-ს PURL-ის მექანიზმის ფარგლებში და ასევე ყურადღება გაამახვილა ალიანსის წევრი ქვეყნების მიერ უკრაინისთვის გაწეულ დახმარებაზე, მათ შორის რაკეტებისა და დრონების მიწოდებაზე გერმანიის, ნიდერლანდებისა და დიდი ბრიტანეთის მიერ.„უკრაინა ფანტასტიკურ სამუშაოს ასრულებს. რუსეთი ბრძოლის ველზე სირთულეებს აწყდება. გამარჯვება პუტინისთვის ახლა შორეული ოცნებაა და ჩვენ ასევე ვნახეთ მედიაში, რომ პუტინი აცნობიერებს რუსეთის ეკონომიკის ცუდ მდგომარეობას“, – განაცხადა NATO-ს გენერალურმა მდივანმა.

პოლიტიკა • 1776261561

შალვა პაპუაშვილი: ოპოზიციას თავი კინოში ჰგონია, ახლა მორიგ სერიას უყურებს და ამ სერიაში საკითხი ეხება უნგრეთს, სადაც ოპოზიციამ გაიმარჯვა. წინა სერიაში ვენესუელაში მოხდა გარე ჩარევით პრეზიდენტის გაყვანა ქვეყნის მიღმა

ოპოზიციას აქვს მთავარი პრობლემა - ისინი სხვისი ცხოვრებით ცხოვრობენ. შეხედავენ ვენესუელას და ვენესუელელები ხდებიან, შეხედავენ უნგრეთს და უნგრელები ხდებიან, შეხედავენ უკრაინას - უკრაინელები ხდებიან და ა.შ. ისინი მოწყვეტილი არიან თავის ქვეყანას, თავის ამომრჩეველს და არიან ჯგუფი, რომელიც სხვისი ცხოვრებით ცხოვრობს, - განაცხადა საქართველოს პარლამენტის თავმჯდომარემ შალვა პაპუაშვილმა თურქეთში, ქართველ ჟურნალისტებთან.მისი თქმით, ოპოზიცია ყველაფერს უყურებს, როგორც კინოს და თავს თვლის ამ კინოს მონაწილედ.„ოპოზიციას თავი კინოში ჰგონია, ყველაფერს უყურებენ, როგორც კინოს და თავს თვლიან ამ კინოს მონაწილეებად. ეს არის გარკვეული სახის აშლილობა, რომელიც მათ სჭირთ. ისინი ხდებიან თანამონაწილენი სხვაგან მიმდინარე პროცესებისა და წყდებიან რეალობას. ამდენი წელია ვერ მიხვდნენ, რომ ეს არ არის ის გზა, რომლითაც ამომრჩევლის გულს იგებენ.ოპოზიცია ახლა მორიგ სერიას უყურებს და ამ სერიაში საკითხი ეხება უნგრეთს, სადაც საპარლამენტო არჩევნების გზით ოპოზიციამ გაიმარჯვა. წინა სერიაში ვენესუელაში მოხდა გარე ჩარევით პრეზიდენტის გაყვანა ქვეყნის მიღმა და მაშინ იმ სცენარის მომხრეები იყვნენ. მათ საკუთარი დღის წესრიგი, პოლიტიკა, აზრი არ გააჩნიათ, ისინი არიან სხვაზე დამოკიდებული და სხვას აყოლილი ჯგუფი“, - აღნიშნა შალვა პაპუაშვილმა

მსოფლიო • 1776259617

ფრიდრიხ მერცი: გერმანიაში თავშესაფრის მაძიებელი უკრაინის მოქალაქე ახალგაზრდა მამაკაცების რიცხვის შემცირებაზე კიევთან ერთად ვიმუშავებთ, გადამწყვეტია, რომ მათ საკუთარი ქვეყანა დაიცვან

გერმანიაში თავშესაფრის მაძიებელი უკრაინის მოქალაქე ახალგაზრდა მამაკაცების რიცხვის შემცირებაზე კიევთან ერთად ვიმუშავებთ, – ამის შესახებ გერმანიის კანცლერმა, ფრიდრიხ მერცმა ბერლინში, უკრაინის პრეზიდენტთან ერთად გამართულ ბრიფინგზე განაცხადა.მისი თქმით, უკრაინის ინტერესებშია, რომ ახალგაზრდა უკრაინელი მამაკაცები სამშობლოში რჩებოდნენ.„მჭიდრო კოორდინაცია გვექნება, როდესაც საქმე ეხება უკრაინის მოქალაქეებს, რომლებმაც გერმანიას შეაფარეს თავი. მათთვის სახლში დაბრუნების პროცესს გავაიოლებთ. უკრაინასთან ვიმუშავებთ იმ ახალგაზრდა მამაკაცების რიცხვის შემცირებაზე, რომლებიც გერმანიას აფარებენ თავს. გადამწყვეტია, რომ ამ მამაკაცებმა საკუთარი ქვეყანა დაიცვან“, – განაცხადა მერცმა.ცნობისთვის, გერმანიაში უკრაინის მოქალაქეებს ლტოლვილის სტატუსს ანიჭებენ, რაც მათ საშუალებას აძლევს, მიიღონ შეღავათები, რომლებითაც თავშესაფრის მაძიებელი პირები სარგებლობენ. მათ ასევე აქვთ მუშაობის უფლება.

პოლიტიკა • 1776255589

მაჭავარიანი: რეზოლუციებში რომ წერდნენ სააკაშვილს აწამებენო, ეგ ხომ არა „ოცნების“ არამედ საქართველოს შეურაცხყოფაა, იმავენაირადაა „მოსკოვის მექანიზმზეც” რომ გამოუშვეს ვითომ ექსპერტი, რომელმაც ორ დღეში შეისწავლა საქართველოს ისტორია

მე მაქვს შემდეგი კითხვა: როგორ უნდა მოიქცეს თავმოყვარე ერის თავმოყვარე ხელისუფლება, რომელიც ოთხი წლის განმავლობაში აწყდება უამრავ დეზინფორმაციას, ტყუილს, ორმაგ სტანდარტს, - განაცხადა ფრაქცია „ქართული ოცნების”თავმჯდომარის პირველმა მოადგილემ, ლევან მაჭავარიანმა პარლამენტის სხდომაზე, სადაც საგარეო საქმეთა მინისტრს ინტერპელაციის წესით უსმენენ.როგორც მან აღნიშნა, ევროკავშირმა თავად შეაჩერა ინტეგრაციის პროცესი რაც ევროკავშირის ელჩის მიერ ხელმოწერილი წერილითაც დასტურდება.მაჭავარიანის თქმით, ყველა ნაბიჯი ევრობიუროკრატიის მხრიდან ერთი მიზნით იყო გადადგმული, რაც ქართულ საზოგადოებაში მღელვარების გამოწვევას და “ენჯეოების” ჩართულობით რევოლუციური სცენარის განხორციელებას გულისხმობდა.„ამასთანავე, გვადანაშაულებენ, თითქოს, ევროინტეგრაციის პროცესი ჩვენ შევაჩერეთ, როდესაც პაველ ჰერჩინსკის ხელმოწერით წერილი არსებობს, სადაც ხაზგასმულია, რომ 2024 წელს მათ შეაჩერეს ევროინტეგრაციის პროცესი და საბაბად მოიყვანეს ორი კანონი: ერთი - გამჭვირვალობის ქართული კანონი, რომლითაც შავი გზებით ფულის შემოტანის პრევენცია მოვახდინეთ მდიდარი ენჯეოებისთვის, ვინც არიან პირდაპირ ევრობიუროკრატების მმართველობის ქვეშ და მეორე - ანტი-ლგბტ პროპაგანდის კანონი, რომელსაც ბატონი გახარიას პარტიამ მხარი არ დაუჭირა და ლგბტ პროპაგანდის გვერდში დადგა. ეს ორი კანონი აქვთ საბაბად მოყვანილი და ამის შემდეგ, ვხედავთ უამრავ დეზინფორმაციას, უამრავ ბრალდებას - პროქსი ქვეყნად უნდოდათ ჩვენი გამოყენება უკრაინასავით, სანქციების დაწესება მოგვთხოვეს რუსეთისთვის, თავიანთი მდიდარი ენჯეოების ხელით მებრძოლების გაგზავნა მთავრობის ოფიციალური თანხმობით, ჩვენი შეიარაღების გადაცემა უკრაინისთვის; კანდიდატის სტატუსის საკითხი, რომელიც შემოიტანეს და დაგვჩაგრეს, მოლდოვას და უკრაინას მიანიჭეს, იმიტომ რომ, ძალიან მარტივია და ფილოსოფია არ სჭირდება - მღელვარება გამოეწვიათ ჩვენს საზოგადოებაში და თავისი მდიდარი ენჯეოების ხელით მორიგი რევოლუციური სცენარი დაედგათ. ვინც მაგას ვერ ხვდება, იმას უბრალოდ, საღი აზრი არ გააჩნია - არ აქვს მნიშვნელობა, რა პოლიტიკური გემოვნების უნდა იყოს. რეზოლუციები, რომელიც თქვენც [გახარიას პარტიას] უნდა გაწუხებდეთ - რეზოლუციებში რომ გვიწერდნენ, რომ სააკაშვილს ვკლავდით, ვაწამებდით, უნდა გამოვუშვათ, პოლიტიკური დევნილია, თურმე, სალომე ზურაბიშვილი დღესაც რომ საქართველოს პრეზიდენტია, ეგ ხომ “ქართული ოცნების” შეურაცხყოფა არ არის, ეგ ხომ საქართველოს შეურაცხყოფაა, იგივენაირად, რაღაც “მოსკოვის მექანიზმზე” რომ გამოუშვეს ვითომ ვიღაც ექსპერტი დაწერილი ტექსტით, რომელმაც ორ დღეში შეისწავლა საქართველოს ისტორია, ეგ თქვენც ხომ უნდა გაწუხებდეთ? რუსეთს და ბელორუსს რომ აუმუშავებ დედამიწის ზურგზე მარტო მაგ მექანიზმს და მერე საქართველოს, ეგ ხომ ყველაზე ნათელი მაგალითია, რომ სვა ინტერესია ჩვენს ქვეყანასთან მიმართებით, ეგ არ გაწუხებთ, ანუ, ეროვნული თავმოყვარეობა არ გაგაჩნიათ? ან არჩევნებში ჩარევა როგორი იყო, მათ შორის, თქვენი პარტიის სასარგებლოდ? - თავიდან ბოლომდე ბრიუსელიდან ჩაგიტარეს აქ წინასაარჩევნო კამპანია. ან არჩევნების გაყალბება რომ დაგვაბრალეს, ხომ კარგად გახსოვთ? ეუთო-ოდირს დაეყრდნობა ჩვენი შეფასება არჩევნებთან დაკავშირებითო და კორუმპირებულ ორგანიზაციას უწოდებდნენ ეუთო-ოდირს, იმიტომ, რომ დაწერა ეუთო-ოდირმა, რომ იყო კონკურენტული, საქართველოს ჰყავს არჩეული ხელისუფლება, ცესკო-მ მოახდინა ადმინისტრირება მაღალ დონეზე და ყველა საარჩევნო სუბიექტს ჰქონდა საშუალება, რომ ეწარმოებინა მშვიდ გარემოში თავისი საარჩევნო კამპანია. ელჩების დემარში - 27-ვე ქვეყნის ელჩმა დემარში მოგვიწყო, სააკაშვილს კლავთ და აწამებთო, სანქციებს თავს არიდებთო, ყველანაირი მტკიცებულებების გარეშე. ჩინეთთან ნუ პარტნიორობთო და ჩამწკრივდნენ ერთმანეთის მიყოლებითაც პეკინთან ალაგებენ ურთიერთობას, შუა კორიდორზე საუბრობენ და საქართველოს არ ახსენებენ. ქალბატონო მინისტრო, მე შეკითხვა მაქვს, თავმოყვარე ერის, თავმოყვარე ხელისუფლების პასუხი ამ ყველაფერზე როგორი უნდა იყოს“, - განაცხადა ლევან მაჭავარიანმა.

მსოფლიო • 1776248175

გემები ჰორმუზის საზღვრის გადაკვეთისას თავის არიდების ტაქტიკას იყენებენ - „ნიუ იორკ თაიმსი“

გემები ჰორმუზის საზღვრის გადაკვეთისას თავის არიდების ტაქტიკას იყენებენ, – ამის შესახებ აღნიშნულია „ნიუ იორკ თაიმსის“ სტატიაში.სტატიის თანახმად, საზღვაო დაზვერვის ექსპერტები ირანის პორტებში შემავალი და გამავალი გემების წინააღმდეგ აშშ-ის საზღვაო ბლოკადის შემდეგ ჰორმუზის სრუტისა და მის გარშემო არსებულ წყლებში „ჩრდილოვანი“ აქტივობის ახალ ნიმუშს ამჩნევენ, რაც იმაზე მიუთითებს, რომ ომის წინა კვირებთან შედარებით, როგორც ჩანს, უფრო მეტი გემი იყენებს ტაქტიკას აღმოჩენის თავიდან ასაცილებლად.გავრცელებული ცნობით, გემები „ზომბებს“ ან შემთხვევით იდენტიფიკაციას“ იყენებენ.მასალის თანახმად, თებერვლის ბოლოს ირანზე ამერიკა-ისრაელის თავდასხმიდან რამდენიმე კვირაში ირანის ექსპორტი შეუფერხებლად მიმდინარეობდა და „თითქმის არ იყო საჭირო რადარიდან გასვლა“, თუმცა ბოლო 24 საათის განმავლობაში, როგორც ჩანს, უფრო მეტი გემი მანიპულირებს გლობალურ სისტემაზე, რომელიც გემების აქტივობისა და მოძრაობის თვალყურის დევნებისთვის არის განკუთვნილი.საერთაშორისო საზღვაო სამართლის თანახმად, დიდი კომერციული გემების უმეტესობამ უნდა იმოგზაუროს ტრანსპონდერით, რომელიც ავტომატურად გადასცემს გემის სახელს, ადგილმდებარეობას, მარშრუტს და სხვა საიდენტიფიკაციო ინფორმაციას. ეს მოიცავს ცხრანიშნა ნომერს ქვეყნის კოდთან ერთად, რომელიც გემის ციფრული თითის ანაბეჭდის ფუნქციას ასრულებს. ზოგიერთი ექსპერტის განცხადებით, ახლო აღმოსავლეთის წყლებში მყოფი გემები, რომლებიც ამჟამად თავიანთი ადგილმდებარეობის დამალვას ცდილობენ ან სხვაგვარად აყალბებენ ინფორმაციას, იმ მეთოდებს იყენებენ, რომლებიც რუსეთის „ჩრდილოვანი ფლოტის“ გემებმა დახვეწეს და 2022 წელს უკრაინაში შეჭრასთან დაკავშირებულ სანქციებს არიდებენ თავს.