მაკრონი უკრაინის სამშვიდობო მოლაპარაკებებზე: ჩვენ ბევრი კარტი გვაქვს ხელში

ევროპას „ხელში ბევრი კარტი აქვს“, როდესაც საქმე ეხება რუსეთის მიერ უკრაინაში ომის დასრულების მოლაპარაკებებს, - განაცხადა საფრანგეთის პრეზიდენტმა, ემანუელ მაკრონმა დიდი ბრიტანეთის, გერმანიისა და უკრაინის ლიდერებთან შეხვედრის დროს.

„ჩვენ ყველანი ვუჭერთ მხარს უკრაინას. და ყველანი ვუჭერთ მხარს მშვიდობას და სამშვიდობო მოლაპარაკებებს მდგრადი მშვიდობის მისაღწევად“, - თქვა მაკრონმა.

მისი თქმით, ევროპის სასარგებლოდ არსებულ კარტებს შორის იყო ევროპისა და აშშ-ის სანქციების გავლენა რუსეთის ეკონომიკაზე.