სამართალი • 1760809700

4 ოქტომბრის მოვლენების ფარგლებში დაკავებულ პირებს: გიორგი ტალახაძეს, იური ლომიძეს, დავით გიუნაშვილს და თემურ ქურციკიძეს აღკვეთის ღონისძიების სახით პატიმრობა, მარიამ მეყანწიშვილს 10 000 ლარის ოდენობით საპატიმრო გირაო შეეფარდათ

თბილისის საქალაქო სასამართლომ 4 ოქტომბრის მოვლენების ფარგლებში დაკავებულ პირებს: გიორგი ტალახაძეს, იური ლომიძეს, დავით გიუნაშვილს და თემურ ქურციკიძეს აღკვეთის ღონისძიების სახით პატიმრობა, ხოლო მარიამ მეყანწიშვილს 10 000 ლარის ოდენობით საპატიმრო გირაო შეუფარდა.მარიამ მეყანწიშვილს გადახდის ვადად 30 დღე განესაზღვრა. ის გირაოს გადახდის შემთხვევაში გათავისუფლდება.ცნობისთვის, იური ლომიძეს, გიორგი ტალახაძეს და დავით გიუნაშვილს ბრალდება საქართველოს სისხლის სამართლის კოდექსის 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინათ, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.თემურ ქურციკიძეს, ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის "ა" ქვეპუნქტით (სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად) და 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინა, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.მარიამ მეყანწიშვილს ბრალდება საქართველოს სისხლის სამართლის კოდექსის 226-ე მუხლით (ჯგუფური მოქმედების ორგანიზება) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.

სამართალი • 1760799682

თბილისის საქალაქო სასამართლოში 4 ოქტომბრის აქციის ფარგლებში დაკავებული ხუთი პირის სასამართლო პროცესი მიმდინარეობს

თბილისის საქალაქო სასამართლოში 4 ოქტომბრის აქციის ფარგლებში დაკავებული ხუთი პირის: გიორგი ტალახაძის, იური ლომიძის, მარიამ მეყანწიშვილის, დავით გიუნაშვილის და თემურ ქურციკიძის სასამართლო პროცესი მიმდინარეობს. დღევანდელ სხდომაზე მოსამართლე ლელა კალიჩენკო დაკავებულთათვის აღკვეთის ღონისძიების შეფარდებაზე იმსჯელებს.ბრალდების მხარე ყველა დაკავებულის მიმართ, გარდა მარიამ მეყანწიშვილისა, აღკვეთის ღონისძიების სახით პატიმრობას ითხოვს. მეყანწიშვილის შემთხვევაში კი პროკურატურა გირაოს გამოყენების შუამდგომლობით მიმართავს სასამართლოს.შეგახსენებთ, 4 ოქტომბრის აქციის ფარგლებში პოლიციამ გუშინ კიდევ 16 პირი დააკავა, სულ დაკავებულია 62 ადამიანი.აქციის ფარგლებში დაკავებულ თემურ ქურციკიძეს ბრალი, საქართველოს სისხლის სამართლის კოდექსის 19-222-ე მუხლის მე-2 ნაწილის ,,ა“ ქვეპუნქტით (სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად) და 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინა, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.გიორგი ტალახაძეს, იური ლომიძეს, დავით გიუნაშვილს, მარიამ მეყანწიშვილს ბრალდება საქართველოს სისხლის სამართლის კოდექსის 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინათ, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.

სამართალი • 1760772900

პროკურატურამ სტრატეგიული და განსაკუთრებული მნიშვნელობის მქონე ობიექტის ჯგუფურად ხელში ჩაგდების მცდელობის, ჯგუფური ძალადობის ორგანიზების და მასში მონაწილეობის ფაქტებზე ბრალდება კიდევ 16 პირს წარუდგინა

საქართველოს პროკურატურამ სტრატეგიული და განსაკუთრებული მნიშვნელობის მქონე ობიექტის ჯგუფურად ხელში ჩაგდების მცდელობის, ჯგუფური ძალადობის ორგანიზების და მასში მონაწილეობის ფაქტებზე ბრალდება კიდევ 16 პირს, მათ შორის, ერთ პირს დაუსწრებლად წარუდგინა."შინაგან საქმეთა სამინისტროში, 4 ოქტომბრის მოვლენებთან დაკავშირებით მიმდინარე გამოძიების ფარგლებში დადგინდა, რომ იური ლომიძემ, გიორგი ტალახაძემ, დავით გიუნაშვილმა, თემურ ქურციკიძემ, გენადი კელიხაშვილმა, დათო ღურწკაიამ, რამაზ ჯორბენაძემ, ჯანდრი თირქიამ, გია თოლორაიამ, გური ჟვანიამ, კახაბერ კვაჭანტირაძემ, სიმონ მახარაძემ, ავთანდილ თოფჩიშვილმა, მიხეილ თოლორაიამ სხვა პირებთან ერთად, ჯგუფური ძალადობის უკვე დაკავებული ორგანიზატორების მოწოდებების შესაბამისად, სტრატეგიული ობიექტის ხელში ჩაგდების მიზნით, იერიში მიიტანეს და ფიზიკური ზემოქმედებით დააზიანეს საქართველოს პრეზიდენტის ადმინისტრაციული შენობის დამცავი ღობე და ეზოში შეიჭრნენ. შენობის ხელში ჩაგდებისა და ეზოში მობილიზებული სამართალდამცავების წინააღმდეგობის დაძლევის მიზნით, ბრალდებულების ნაწილი, ასევე ფიზიკურ შეურაცხყოფას აყენებდა და სხვადასხვა საგნებს ესროდა სამართალდამცავებს, რომლებიც ათონელის ქუჩის გავლით მიემართებოდნენ პრეზიდენტის ადმინისტრაციის შენობისკენ. მათ მიმართ გამოხატავდნენ აგრესიას, ისროდნენ რკინის კონსტრუქციებსა და სხვადასხვა საგნებს, აყენებდნენ ფიზიკურ და სიტყვიერ შეურაცხყოფას, რითაც საფრთხეს უქმნიდნენ მათ სიცოცხლესა და ჯანმრთელობას.ასევე, საქართველოს პოლიტიკური სისტემის და მისი შემადგენელი კონსტიტუციური ორგანოების ნორმალური ფუნქციონირების დაზიანების მიზნით, ხელისუფლებისადმი უარყოფითად განწყობილმა პირთა წრემ, მათ შორის საქართველოს შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს ყოფილმა უფროსმა - ირაკლი შაიშმელაშვილმა, 4 ოქტომბერს, თბილისში, თავისუფლების მოედანზე, დაგეგმილ აქციაზე, ხელისუფლების მიმართ აგრესიულად განწყობილი მოქალაქეების მობილიზების, მათი თავშეყრის და ძალადობრივ მოქმედებებში ჩართვის მიზნით, მუნიციპალიტეტის ორგანოთა არჩევნებამდე რამდენიმე დღით ადრე, საქართველოს კონსტიტუციური წყობილების ძალადობით შეცვლის და სახელმწიფო ხელისუფლების დამხობის შესახებ საჯარო მოწოდებები გააკეთა. ბრალდებული შაიშმელაშვილი, ასევე ცდილობდა შინაგან საქმეთა სამინისტროს თანამშრომლების დემორალიზებას და მოუწოდებდა მათ არ შეესრულებინათ სამსახურებრივი მოვალეობა და ხელი არ შეეშალათ ძალადობრივ მოქმედებებში მონაწილე პირებისათვის, რათა ამ გზით მიეღწია იმ მიზნებისათვის, რაც მიმართული იყო საქართველოს კონსტიტუციური წყობილების ძალადობით შეცვლისა და სახელმწიფო ხელისუფლების დამხობისკენ.ამავდროულად, აღნიშნული სისხლის სამართლის საქმის ფარგლებში, დაკავებულმა კიდევ ერთმა პირმა - მარიამ მეყანწიშვილმა ხელისუფლების წარმომადგენლის კანონიერი მოთხოვნის აშკარა დაუმორჩილებლობის მიზნით, 4 ოქტომბერს, ათონელის ქუჩაზე ყოფნისას, მოახდინა ჯგუფური მოქმედების ორგანიზება, მოქალაქეებს მოუწოდა, რომ შემდგომი მოქმედებების კოორდინირების, პოლიციის თანამშრომლების დაუმორჩილებლობისა და მათზე ძალადობის მიზნით შეკრებილიყვნენ რუსთაველის გამზირი N21-ში მდებარე ოფისში. აღნიშნულის შემდეგ, ათონელის ქუჩაზე და რუსთაველის გამზირზე გაგრძელდა ძალადობრივი ქმედებები, რა დროსაც მასში მონაწილე პირები, მიზანმიმართულად არბევდნენ, აზიანებდნენ და ცეცხლის წაკიდებით ანადგურებდნენ მიმდებარე ტერიტორიაზე განლაგებულ მუნიციპალურ და კერძო პირთა კუთვნილ ქონებას, არ ემორჩილებოდნენ პოლიციის თანამშრომელთა კანონიერ მოთხოვნებს და უხეშად არღვევდნენ საზოგადოებრივ წესრიგს.სამართალდამცველებმა ბრალდებულები მოსამართლის განჩინების საფუძველზე 17 ოქტომბერს დააკავეს.ირაკლი შაიშმელაშვილს ბრალდება დაუსწრებლად საქართველოს სისხლის სამართლის კოდექსის 317-ე მუხლით (საქვეყნოდ მოწოდება საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.მარიამ მეყანწიშვილს ბრალდება საქართველოს სისხლის სამართლის კოდექსის 226-ე მუხლით (ჯგუფური მოქმედების ორგანიზება) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.იური ლომიძეს, გიორგი ტალახაძეს, დავით გიუნაშვილს, გია თოლორაიას, გური ჟვანიას, კახაბერ კვაჭანტირაძეს, სიმონ მახარაძეს, ავთანდილ თოფჩიშვილს, მიხეილ თოლორაიას ბრალდება საქართველოს სისხლის სამართლის კოდექსის 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინათ, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.თემურ ქურციკიძეს, გენადი კელიხაშვილს, დათო ღურწკაიას, რამაზ ჯორბენაძეს, ჯანდრი თირქიას ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის ,,ა“ ქვეპუნქტით (სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად) და 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინა, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.პროკურატურა 15 ბრალდებულის მიმართ აღკვეთის ღონისძიების სახით პატიმრობის გამოყენების შუამდგომლობით, სასამართლოს კანონით დადგენილ ვადაში მიმართავს, რაც შეეხება ბრალდებულ მარიამ მეყანწიშვილს სხვადასხვა გარემოებების გათვალისწინებით პროკურატურა აღკვეთის ღონისძიების სახით სასამართლოს გირაოს გამოყენების შუამდგომლობით მიმართავს.ამავე საქმეზე მიმდინარე გამოძიების ფარგლებში ბრალდებულია კიდევ 48 პირი, რომლებსაც ბრალდება სტრატეგიული და განსაკუთრებული მნიშვნელობის მქონე ობიექტის ხელში ჩაგდების მცდელობის და ჯგუფურ ძალადობაში მონაწილეობის ფაქტებზე წარედგინათ," - ნათქვამია უწყების მიერ გავრცელებულ ინფორმაციაში.

სამართალი • 1760704222

სამართალდამცველების მხრიდან რაიმე სახის ძალადობას ან იძულებას ადგილი არ ჰქონია... ჩხრეკისას ამოიღეს მისი კუთვნილი ქურთუკი - 4 ოქტომბრის მოვლენებზე დაკავებული აქტივისტის, მარიამ მეყანწიშვილის ადვოკატი

"სამართალდამცველების მხრიდან რაიმე სახის ძალადობას ან იძულებას ადგილი არ ჰქონია, ყველაფერი მშვიდ ვითარებაში ჩატარდა," - ამის შესახებ ჟურნალისტებს 4 ოქტომბრის მოვლენებზე დაკავებული აქტივისტის, მარიამ მეყანწიშვილის ადვოკატმა, ანა ბერიამ განუცხადა.მისივე თქმით, სამართალდამცველებმა ჩხრეკის დროს ის ქურთუკი ამოიღეს, რომელიც დაკავებულს 4 ოქტომბერს ეცვა."პირველ რიგში, დაიწყეს ჩხრეკით - ამოიღეს მისი კუთვნილი ქურთუკი, რომელიც თავად, თავისი ნებით წარუდგინა სამართალდამცავი ორგანოს წარმომადგენლებს. ეს ქურთუკი მას, როგორც თავად განმარტავს, 4 ოქტომბერს ეცვა. ველოდებით უშუალოდ მტკიცებულებებს, რომ ვიცოდეთ, რა პასუხი შეიძლება გავცეთ ამ მტკიცებულებებს," - აცხადებს ანა ბერია.შეგახსენებთ, რომ არსებული ინფორმაციით, სამართალდამცველებმა, 4 ოქტომბერს განვითარებულ მოვლენებთან დაკავშირებით, კიდევ რამდენიმე აქტივისტი დააკავეს. დაკავებულებს შორის არიან, მარიამ მეყანწიშვილი, სიმონ მახარაძე, დავით ღურწკაია და გიორგი ტალახაძე. კონკრეტულად რას ედავებიან დაკავებულებს, ჯერჯერობით, უცნობია.

პოლიტიკა • 1760298862

შალვა პაპუაშვილი ესტონეთის საგარეო საქმეთა მინისტრზე: საქართველოში ხელისუფლება რომ ვერ დაამხო, თავის ქვეყანაში არასასურველ პირად გამოაცხადა სამგზის ოლიმპიური ჩემპიონი, რომელსაც უფრო მეტი ოქრო აქვს მოპოვებული, ვიდრე მისი ქვეყნის ოლიმპიურ გუნდს ბოლო 20 წლის

"ეს ადამიანი, საქართველოში, ქვეყნის პარლამენტის წინ, ევროკავშირის დროშით შეიარაღებული ხელისუფლებას ამხობდა,”- ამის შესახებ საქართველოს პარლამენტის თავმჯდომარე შალვა პაპუაშვილი წერს.როგორც ის აღნიშნავს, ესტონეთის საგარეო საქმეთა მინისტრმა, მას შემდეგ, რაც საქართველოში ხელისუფლება ვერ დაამხო, თავის ქვეყანაში არასასურველ პირად გამოაცხადა, ლაშა ტალახაძე სამგზის ოლიმპიური ჩემპიონი, რომელსაც უფრო მეტი ოქრო აქვს მოპოვებული ვიდრე მისი ქვეყნის ოლიმპიურ გუნდს ბოლო 20 წლის განმავლობაში."7 შეამჩნიეს... შვიდი... თან შეამჩნიეს... და ეს ადამიანი, საქართველოში, ქვეყნის პარლამენტის წინ, ევროკავშირის დროშით შეიარაღებული ხელისუფლებას ამხობდა და რომ ვერ დაამხო, თავის ქვეყანაში არასასურველ პირად გამოაცხადა სამგზის ოლიმპიური ჩემპიონი, რომელსაც უფრო მეტი ოქრო აქვს მოპოვებული ვიდრე მისი ქვეყნის ოლიმპიურ გუნდს ბოლო 20 წლის განმავლობაში.რომ ვიცოდეთ მაინც, ვინ მართავს თანამედროვე ევროპას," - წერს პაპუაშვილი.

სპორტი • 1759436412

„ნარკოზი რომ შეუშვეს, ვენა, სავარაუდოდ, გასკდა...“ - გიორგი ჭინჭარაული ტალახაძის „კლინიკურ სიკვდილს“ იხსენებს

ევროპის შვიდგზის, ოლიმპიური თამაშების ორგზის და მსოფლიოს ექვსგზის ჩემპიონმა, ლაშა ტალახაძემ რამდენიმე წლის წინ „კლინიკური სიკვდილი“ განიცადა, მაშინ, როცა ძგიდის ოპერაციას იკეთებდა.ძალოსანთა ნაკრების ექიმი გიორგი ჭინჭარაული გადაცემაში „მეფესავით პოტკასტი“ ტალახაძეზე საუბრობს და მის ცხოვრებაში ერთ-ერთ რთულ მომენტს იხსენებს.ვრცლად ↓ @mefesavitpodcast 👑 კლინიკური სიკვდილი 😮 #მეფესავითპოდკასტი #კრისტალსპორტი #ფორიუ #გიორგიჭინჭარაული #ლაშატალახაძე ♬ Very Sad - Enchan

პოლიტიკა • 1758738439

ბორჯომის მერობის კანდიდატი მამუკა გელაშვილი- გპირდებით, მომდევნო 4 წლის განმავლობაში არა ერთ მასშტაბურ პროექტს განვახორციელებთ, რათა ჩვენი ქალაქი უფრო მეტი ტურისტის საყვარელ ადგილად ვაქციოთ. ასევე, დაგეგმილი გვაქვს სოციალური პროგრამის დამატება, რომელიც ხელს შეუწყობს მოსახლეობის ცხოვრების პირობების გაუმჯობესებას

“ქართული ოცნების” ბორჯომის მერობის კანდიდატი მამუკა გელაშვილი ბორჯომის უბნებში მოქალაქეებთან შეხვედრებს აგრძელებს.ამჯერად, პარტია „ქართული ოცნების“ ბორჯომის შტაბის ხელმძღვანელთან, გიორგი ფერაძესთან, საკრებულოს თავმჯდომარე დავით ზაალიშვილთან, გინესის რეკორდსმენთან, გიორგი ტალახაძესთან და ოლიმპიური თამაშების პრიზიორთან, რევაზ ლაშხთან ერთად, შეხვედრა ვაშლოვანის, ე.წ ჩარხისწყლის და არდაგანის დასახლებაში გამართა.მერობის კანდიდატმა ადგილობრივებს, ქალაქის N1 (1,2,3 საარჩევნო უბანი) ოლქის მაჟორიტარობის კანდიდატი, მერაბ იობაშვილი წარუდგინა. „ქართული ოცნების“ ხელისუფლებაში მოსვლის შემდეგ, ბორჯომში არა ერთი ინფრასტრუქტურული პროექტი განხორციელდა. ამ ეტაპზე ბორჯომში მიმდინარეობს ცენტრალური პარკის რეაბილიტაცია, პროექტი ითვალისწინებს როგორც ისტორიული შენობების რეაბილიტაციას, ასევე ახალი რეკრეაციული სივრცეების და თანამედროვე სტანდარტების შესაბამისი ატრაქციონების მოწყობას, ქალაქის იერსახის მოწესრიგების მიზნით ბოლო წლებში 15-მდე მრავალბინიანი საცხოვრებელი სახლის ფასადის რეაბილიტაცია განხორციელდა, ამ მიმართულებით მომავალშიც დაგეგმილია სამუშაოები”- აცხადებს გელაშვილი.მერობის კანდიდატი პირობას დებს, რომ მომდევნო 4 წლის განმავლობაში მოსახლეობის ინტერესების გათვალისწინებით, არაერთ მასშტაბურ პროექტს განახორციელებს, რათა ქალაქი უფრო მეტი ტურისტის საყვარელ ადგილად აქციოს. ასევე, დაგეგმილი აქვთ სოციალური პროგრამის დამატება, რომელიც ხელს შეუწყობს მოსახლეობის ცხოვრების პირობების გაუმჯობესებას.

პოლიტიკა • 1755713400

ლევან ივანაშვილი: საჩხერის ყველა კუთხეს, ყველა სოფელს ზედმიწევნით ვიცნობ, ვიცი ყველა პრობლემა - ბევრი მათგანი გადავწყვიტეთ და ბევრი პროექტი განვახორციელეთ, ვფიქრობ, კიდევ ბევრ კარგ საქმეს გავაკეთებთ ჩვენი საჩხერისათვის

მეორე ვადით საჩხერის მუნიციპალიტეტის მერობა არის დიდი ნდობაც და რა თქმა უნდა, დიდი პასუხისმგებლობაც. ამას ემატება ისიც, რომ მერობამდე საკრებულოს თავმჯდომარე ვიყავი და კიდევ უფრო ადრე, საკრებულოს ერთ-ერთი კომისიის თავმჯდომარე. ეს მაძლევს საშუალებას ვთქვა, რომ საჩხერეს ვიცნობ ზედმიწევნით, ყველა კუთხეს, ყველა სოფელს, ვიცი ყველა პრობლემა - ბევრი მათგანი გადავწყვიტეთ და ბევრი პროექტი განვახორციელეთ ჩემს გუნდთან, საკრებულოსთან, ჩვენი მაჟორიტარი დეპუტატის, ბატონი პაატას [კვიჟინაძე] მხარდაჭერით, - განაცხადა საჩხერის მუნიციპალიტეტის მერობის კანდიდატმა „ქართული ოცნებიდან“, ლევან ივანაშვილმა.მოქმედი მერის თქმით, ნათელია განსხვავება რამდენიმე წლის წინანდელ და ახლანდელ საჩხერეს შორის. მისი თქმით, გუნდთან ერთად შეძლო, რომ ყველა სოფელში ცენტრალური გზა მოწესრიგებულია, ხოლო მუნიციპალიტეტის 90 პროცენტში უწყვეტი წყალმომარაგებაა. მომდევნო ოთხი წლის განმავლობაში, სხვა პროექტებთან ერთად, ივანაშვილი აპირებს, სწორედ დარჩენილი სოფლები უზრუნველყოს 24-საათიანი წყალმომარაგებით და შიდა საუბნო გზების დაგებაზე აქტიურად იზრუნოს.„თვალნათლივ ვნახავთ განსხვავებას, თუ რა იყო საჩხერე რამდენიმე წლის წინ და რა არის დღეს, მაგალითად, თავისუფლების ქუჩა სრულად იქნა რეაბილიტირებული. თამამად შემიძლია ვთქვა, რომ ბევრი პრობლემა გადავწყვიტეთ, მათ შორის, საგზაო ინფრასტრუქტურა. ამ ოთხი წლის განმავლობაში, ჩვენ შევძელით, რომ ყველა სოფელში ცენტრალური გზა მოასფალტებული ან მობეტონებულია და უკვე საუბნო გზებზე გადავედით. ასევე, შემიძლია ვთქვა, რომ საჩხერის მუნიციპალიტეტის 90% წყალმომარაგებით უზრუნველყოფილია და გვრჩება 10%, რომელსაც ვპირდებით, რომ მომავალ წლებში სრულად უზრუნველვყოფთ წყლით. ასე რომ, არ იქნება საკითხი, რომელიც უცხო იქნება ჩემთვის და ჩემი გუნდისთვის და ვფიქრობ, ჩვენ, ყველანი ერთად, კიდევ ბევრ კარგ საქმეს გავაკეთებთ ჩვენი საჩხერისათვის. ამა თუ იმ სოფელში, ბევრი გზა დავაგეთ, მაგრამ, თუ უშუალოდ მოქალაქესთან სახლამდე არ არის მისული, ეს მაინც პრობლემაა მისთვის, ასე რომ ეს ოთხი წელი იქნება სწორედ საუბნო გზებზე აქტიური მუშაობა და ასევე, როგორც ვთქვი, ის 10% სოფლებისა, რომლებიც დარჩენილია, უნდა უზრუნველვყოთ 24-საათიანი წყალმომარაგებით“, - აღნიშნა ივანაშვილმა.მან ასევე ისაუბრა საჩხერის თანამედროვე სტანდარტების სპორტის სასახლეზე, რომლის მშენებლობა მალე დასრულდება.„საჩხერეში ვიცით, რომ სპორტი ყოველთვის აქტუალური იყო, ამ პატარა მუნიციპალიტეტს ორი ოლიმპიური ჩემპიონი ჰყავს და მათ შორის, ერთი სამგზის ოლიმპიური ჩემპიონია. ვგულისხმობ ჩვენს საამაყო ლაშა ტალახაძეს და არ შეიძლებოდა, რომ საჩხერეში სპორტის სასახლე არ გვქონოდა. დღეს დასრულების ფაზაშია თანამედროვე სტანდარტების სპორტის სასახლე, რომელიც მოიცავს ერთ დიდ და ერთ პატარა სპორტულ მოედანს, იქნება ჭიდაობის სექცია, კალათბურთი, თითქმის ყველა სპორტის სახეობა“, - განაცხადა ლევან ივანაშვილმა.

პოლიტიკა • 1748958464

ვიქტორ სანიკიძე აზერბაიჯანის რესპუბლიკის მილი მეჯლისის კომიტეტების თავმჯდომარეებს შეხვდა

საქართველოს პარლამენტის სპორტის კომიტეტის თავმჯდომარე ვიქტორ სანიკიძე აზერბაიჯანის რესპუბლიკის მილი მეჯლისის დელეგაციას შეხვდა.აზერბაიჯანის საკანონმდებლო ორგანოს დელეგაცია, რომლის შემადგენლობაში თავდაცვის, უშიშროებისა და კორუფციასთან ბრძოლის კომიტეტის თავმჯდომარე, აზერბაიჯანი-საქართველოს საპარლამენტო მეგობრობის ჯგუფის ხელმძღვანელი არზუ ნაგიევი, ახალგაზრდობისა და სპორტის კომიტეტის თავმჯდომარე შაჰინ ისმაილოვი და მეცნიერებისა და განათლების კომიტეტის თავმჯდომარე ანარ ისკანდაროვი შედიან, ორდღიანი სამუშაო ვიზიტით საქართველოში იმყოფებიან.შეხვედრაზე ვიქტორ სანიკიძემ აზერბაიჯანელ კოლეგებს საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა.„შეხვედრაზე როგორც საქართველოს, ასევე აზერბაიჯანის მხარემ ორმხრივი ურთიერთობების გაგრძელების თაობაზე მზადყოფნა გამოთქვა. აზერბაიჯანელ კოლეგებთან საუბრისას სპორტთან დაკავშირებულ საკითხებს შევეხეთ, სადაც აღინიშნა, რომ ორივე მხარეს, სპორტის ხელშეწყობასა და განვითარებასთან მიმართებაში დიდი მიზნები გააჩნია. ორმხრივ ურთიერთობებზე საუბრისას, ქართველი და აზერბაიჯანელი სპორტსმენების ერთობლივი მომზადებისა და ვარჯიშების გამართვის შესაძლებლობები განვიხილეთ“, - განაცხადა სპორტის კომიტეტის თავმჯდომარემ ვიქტორ სანიკიძემ.აზერბაიჯანის რესპუბლიკის მილი მეჯლისის დელეგაციასთან შეხვედრას საქართველოს პარლამენტის სპორტის კომიტეტის წევრები: ვარლამ ლიპარტელიანი, ზურაბ რურუა, ლაშა ტალახაძე და ვლადიმერ ხინჩაგაშვილი დაესწრნენ.

სპორტი • 1747758161

გიორგი მამარდაშვილს საქართველოს 2024 წლის საუკეთესო სპორტსმენის ჯილდო გადაეცა

სპორტულ ჟურნალისტთა ასოციაციის გამოკითხვის შედეგად გიორგი მამარდაშვილი 2024 წლის საუკეთესო მამაკაც სპორტსმენად დასახელდა.საქართველოს ნაკრების მეკარე „ვალენსიის“ შემადგენლობაში „მესტალიაზე“ გამართული ბოლო საშინაო შეხვედრის შემდეგ საქართველოს სპორტულ ჟურნალისტთა ასოციაციის პრეზიდენტმა, გიგა გვენცაძემ და ვიცე-პრეზიდენტმა ბიძინა ბარათაშვილმა დააჯილდოვეს. ვიზიტი სპორტის სამინისტროს მხარდაჭერით განხორციელდა.სპორტულ ჟურნალისტთა ასოციაციის წევრების გამოკითხვით, რომელშიც 75 ჟურნალისტი მონაწილეობდა, გიორგი მამარდაშვილმა 107 ქულა დააგროვა, 88 ქულით მეორე შედეგი ლაშა ბექაურს ჰქონდა, მესამე ადგილი კი 69 ქულით ლაშა ტალახაძემ დაიკავა, რომელიც საქართველოს წლის საუკეთესო სპორტსმენად ექვსჯერ გახლდათ დასახელებული.სპორტულ ჟურნალისტთა ასოციაციის გამოკითხვა 1964 წლიდან ტარდება და დღემდე მასში ფეხბურთელთაგან მხოლოდ სლავა მეტრეველმა (1964 წელი), მურთაზ ხურცილავამ (1967), რამაზ შენგელიამ (1981) და ხვიჩა კვარაცხელიამ (2023) გაიმარჯვეს.გიორგი მამარდაშვილი (საქართველოს 2024 წლის საუკეთესო მამაკაცი სპორტსმენი): „მინდა, მადლობა გადავუხადო სპორტულ ჟურნალისტებს. ჩემთვის ეს ჯილდო ძალიან საპატიოა, მით უმეტეს, როცა ოლიმპიურ წელს გავხდი გამარჯვებული. დასაფასებელია ეს ყველაფერი და დიდი მადლობა მათ“.გიგა გვენცაძე (საქართველოს სპორტულ ჟურნალისტთა ასოციაციის პრეზიდენტი): „შარშანდელი, ოლიმპიური წელი განსაკუთრებულად წარმატებული იყო ქართული სპორტისთვის. ასეთი სერიოზული კონკურენციის პირობებში, როდესაც ოლიმპიური, მსოფლიო და ევროპის ჩემპიონები, საბედნიეროდ, მრავლად გვყავდა, გამარჯვება ალბათ განსაკუთრებით მისალოცია. მინდა, წარმატებები ვუსურვო გიორგის, რომელიც ქართული ფეხბურთის დიდი იმედია“.1TVSPORT 

პოლიტიკა • 1747647821

ლევან ნიკოლეიშვილი: სასაკლაო არავის უნდა მოუწყო, არც ცოცხალ ლეგენდას და არც ჩვეულებრივ მოქალაქეს. ამას ან ვერ ან არ გაიგებენ ისინი, ვინც დღესაც უცხო ქვეყნის კარნახით დარბიან ქუჩებში და სააკაშვილის რეჟიმზე ხმას არ იღებენ

როცა ცოცხალი ლეგენდა გყავს ნონა გაფრინდაშვილის სახით, რომელსაც სხვა ქვეყანაში სიცოცხლეშივე ძეგლს დაუდგამდნენ, რასაც არ უნდა აპროტესტებდეს სასაკლაოს არ უნდა უწყობდე. თუმცა რა გასაკვირია, როცა ასევე ცოცხალ ლეგენდა ლაშა ტალახაძეს, ქუჩაში რომ ვიღაც გასალანძღად აეკიდება, ან მცირე წლოვან ბავშვებთან კაფეში მყოფ დეპუტატ მარიამ ლაშხს შეუვარდებიან ან სულაც რუსთველს გადაკეტავენ ხოლმე, რომ თითქოს „რუსულ პოლიტიკას“ ეწინააღმდეგებიან, მერე რუსული ფულით დაფინანსებულ ლიაკა ხოშტარიას კი თვალებში შესციცინებენ - წერს „ერთიანი ნეიტრალური საქართველოს“ წევრი ლევან ნიკოლეიშვილი სოციალურ ქსელში.როგორც ნიკოლეიშვილმა აღნიშნა, სასაკლაო არავის არ უნდა მოუწყო, არც ცოცხალ ლეგენდას და არც ჩვეულებრივ მოქალაქეს. მაგრამ რად გინდა, ამას ან ვერ გააგებინებ ან არ გაიგებენ ისინი, ვინც დღესაც უცხო ქვეყნის დროშებითა და კარნახით დარბიან ქუჩებში, ხოლო სააკაშვილის რეჟიმის დანაშაულებზე ხმას არ იღებენ.„როცა ცოცხალი ლეგენდა გყავს ნონა გაფრინდაშვილის სახით, რომელსაც სხვა ქვეყანაში სიცოცხლეშივე ძეგლს დაუდგამდნენ, რასაც არ უნდა აპროტესტებდეს სასაკლაოს არ უნდა უწყობდე. თუმცა რა გასაკვირია, როცა ასევე ცოცხალ ლეგენდა ლაშა ტალახაძეს, ქუჩაში რომ ვიღაც გასალანძღად აეკიდება, ან მცირე წლოვან ბავშვებთან კაფეში მყოფ დეპუტატ მარიამ ლაშხს შეუვარდებიან ან სულაც რუსთველს გადაკეტავენ ხოლმე, რომ თითქოს „რუსულ პოლიტიკას“ ეწინააღმდეგებიან, მერე რუსული ფულით დაფინანსებულ ლიაკა ხოშტარიას კი თვალებში შესციცინებენ...სასაკლაო არავის არ უნდა მოუწყო არც ცოცხალ ლეგენდას და არც ჩვეულებრივ მოქალაქეებს, მაგრამ რად გინდა ამას ან ვერ გააგებინებ ან არ გაიგებენ ის ადამიანები, რომლებიც დღესაც უცხო ქვეყნის დროშებით და კარნახით დარბიან ქუჩებში, ხოლო სააკაშვილის რეჟიმის დანაშაულზე ხმას არ იღებენ, რადგანაც ისევ იმ დანაშაულების ჩამდენების გვერდით არიან, მათ მხარს უჭერენ და კიდევ კარგი დღეს ამის საშუალება არ აქვთ, თორემ 2011 წლის 26 მაისის „სასაკლაოს მოგვანატრებდნე“, - წერს ნიკოლეიშვილი.

დედაქალაქი • 1745591509

გაზმომარაგება ავარიულად 4 800 აბონენტს შეუწყდა - „თბილისი ენერჯის“ განცხადება

სამგორის რაიონში გაზსადენის დაზიანების გამო გაზმომარაგება, ავარიულად 4800 აბონენტს შეუწყდა. ამის შესახებ განცხადებას „თბილისი ენერჯი“ ავრცელებს.„თბილისი ენერჯი“ აბონენტებს მოუწოდებს, ყურადღება გამოიჩინონ და გაზის ონკანები ღია მდგომარეობაში არ დატოვონ.„გაცნობებთ, რომ შპს „ბიემს - ის“ მიერ „თბილისი ენერჯის“ კუთვნილი გაზსადენის დაზიანების გამო, დღეს 25 აპრილს 15:20 საათიდან გაზმომარაგება ავარიულად შეუწყდა:გარდაბნის გზ. 6 (ემირ ბურჯანაძის ქ. 6ა), 24ა, ქინძმარაულის ქ. 6ა-ში, ქინძმარაულის შეს. 30-ის მიმდებარედ შპს „ქართული სახლის“, ქინძმარაულის შეს-ში მდებარე საცხოვრებელი კორპ. 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 25, 26, 30, 32-ის, ქინძმარაულის შეს. 4გ-ში (5ა-ს მიმდებარედ) შპს „კოდის“ საცხოვრებელი კორპუსის, ოცხელის ქ. 4, 8, 24, 25, 25ა, 30, 32, 34, ნაკადულის ქ. 2ა, 2, 3, 4, I შეს. 6, 8, 8ა, 2ა-1, 2ა-2, 2ა-3-ში მდებარე საცხოვრებელი კორპუსის მოსახლეობას, ქინძმარაულის, მარელისის ქ. 3 (ახლ. ბაბუციძის), ნაკადულის, მარელისის, ოცხელის, ლითონკონსტრუქციების VI დასახლების (წმ. ბარბარეს დასახლება), გარდაბნის გზ-ისა და 31-ე ქარხნის მიმდებარედ (მარია პერინის ქუჩა) მცხოვრებ მოსახლეობას.აგრეთვე გაზის მიწოდება შეუწყდა აღნიშნულ ტერიტორიაზე არსებულ კომერციულ ობიექტებს, მათ შორისაა – შპს „ოთო“ (ფ/პ ნათია ჯანიაშვილი (შპს “თავთავი”), შპს „კამელინი“( შპს “ორბელი 91“) აბ: მარელისის ქ. 5-ში მდებარე საბავშვო ბაგა-ბაღი (სკოლა “დავითიანი”) ნაკადულის ქუჩაზე - ი/მ დავით ხაბაზაშვილი (აბ: სკოლა # 82 გარდაბნის გზ-ზე - # 78 საჯარო სკოლა (აბ: ქინძმარაულის II შეს-ში – 126 ბაგა-ბაღი), ი/მ ნ. ტალახაძე აბ, საჯარო სკოლა და სხვა.გაზმომარაგების აღდგენა დაიწყება: დღეს 25 აპრილს 18:00 საათიდან და დასრულდება 22:00 საათისთვის„თბილისი ენერჯი“ ბოდიშს გიხდით აბონენტებს შექმნილი დისკომფორტისთვის.გთხოვთ ყურადღებით იყოთ და არ დატოვოთ გაზის ონკანები ღია მდგომარეობაში“, - ნათქვამია ინფორმაციაში.