პოლიტიკა • 1765280207

ირაკლი კობახიძე: 150 კაცის გამოსვლა არ არის ქართველი ხალხის პროტესტი, საზოგადოებას პროტესტი აქვს სწორედ იმის მიმართ, რომ 150 ადამიანი ცდილობს, იძალადოს ოთხ მილიონ ადამიანზე

ქართველ ხალხსა და ქართულ საზოგადოებას პროტესტი აქვს სწორედ იმის მიმართ, რომ 150 ადამიანი ცდილობს, იძალადოს 4 მლნ ადამიანზე, – ამის შესახებ პრემიერ-მინისტრმა ჟურნალისტებს განუცხადა.კითხვაზე, რომელიც 4 ოქტომბრის აქციას შეეხებოდა, მთავრობის მეთაურმა აღნიშნა, რომ კონკრეტულმა ადამიანებმა მონაწილეობა მიიღეს დამხობის აქციაში და მხოლოდ მაშინ გაემიჯნენ დამხობის ორგანიზატორებს, როდესაც ეს გეგმა ჩავარდა.„ეს იყო დამხობის ღია მცდელობა, პირდაპირ ასე ერქვა 4 ოქტომბერს ჩატარებულ აქციას. დამხობის აქციაში მონაწილეობა მიიღეს სამი  პოლიტიკური პარტიის წარმომადგენლებმა, ექს-პრეზიდენტმა სალომე ზურაბიშვილმა და ა.შ. ადამიანებმა პირდაპირ მიიღეს მონაწილეობა დამხობის აქციაში და მხოლოდ მაშინ გაემიჯნენ დამხობის ორგანიზატორებს, როდესაც დამხობა ჩავარდა. საზოგადოებამ დაინახა ყველაფერი, აქედან გამომდინარე, რა თქმა უნდა, საზოგადოების ნდობა ამ ადამიანებს არ აქვთ. 150 კაცის გამოსვლა არ არის პროტესტი, ეს არ არის ქართველი ხალხისა და საზოგადოების პროტესტი. ქართველ ხალხსა და ქართულ საზოგადოებას პროტესტი აქვს, სწორედ, იმის მიმართ, რომ 150 ადამიანი ცდილობს, იძალადოს 4 მლნ ადამიანზე, ამის მიმართ აქვს პროტესტი ქართველ ხალხს,“ – განაცხადა პრემიერმა.

პოლიტიკა • 1763580270

VIDEO: "არასოდეს გამომიცხადებია სალომე ზურაბიშვილი ლეგიტიმურად..." - მურმან დუმბაძე

მე არასოდეს არ გამომიცხადებია სალომე ზურაბიშვილი ლეგიტიმურად, 2018 წლის ოქტომბერში სალომე ზურაბიშვილმა არჩევნები წააგო..." - განაცხადა  ,,ემსახურე საქართველოს“ ლიდერმა, მურმან დუმბაძემ "ვახო ხუზმიაშვილის თავისუფალ სივრცეში".ვრცლად 👇 

პოლიტიკა • 1762803584

VIDEO: სალომე ზურაბიშვილმა თუ იცის, რომ 4 ოქტომბერი რუსული სცენარი იყო, სუსში უნდა წავიდეს და ჩვენება მისცეს - სევდია უგრეხელიძე

სალომე ზურაბიშვილმა თუ იცის, რომ 4 ოქტომბერი რუსული სცენარი იყო, მე მგონია, რომ სუსში უნდა წავიდეს და ჩვენება მისცეს...,  - ამის შესახებ „ერთიანი ნაციონალური მოძრაობის“ წევრმა, სევდია უგრეხელიძემ გადაცემა „ვახო ხუზმიაშვილის თავისუფალ სივრცეში“ განაცხადა. 

პოლიტიკა • 1762539844

სალომე ზურაბიშვილი- ბევრი მინისტრი იძულებულია გაჩუმდეს. ვხედავთ რამდენი მათგანია კორუფციის მხილების ქვეშ. თვით ღარიბაშვილი, როცა მას ჰქონდა მოლაპარაკებები ევროკავშირთან ცდილობდა დაერწმუნებინა ისინი, რომ ჩვენ არ ვცილდებოდით ევროპულ გზას

საქართველოს ყოფილმა პრეზიდენტმა, სალომე ზურაბიშვილმა დიანა ტრაპაიძესთან და ვახო სანაიასთან ერთობლივი ინტერვიუს დროს ევროინტეგრაციაზე საუბრისას კორუფციის თემებიც ახსენა და აღნიშნა, რომ ის ადამიანები, რომლებსაც პირველ პლანზე ვხედავთ, მაგალითად, მინისტრები იძულებული არიან გაჩუმდნენ, რადგან ისინი „კორუფციის მხილების ქვეშ არიან და ელოდებიან ხვალ რა და როგორ მოხდება“.როგორც ზურაბიშვილმა განაცხადა, ირაკლი ღარიბაშვილიც კი ცდილობდა დაერწმუნებინა ევროპელი პარტნიორები, რომ საქართველო არ სცილდებოდა ევროპულ გზას.„ის 80 პროცენტი, რომელიც მუდმივად ევროკავშირის მომხრედ აისახებოდა სხვადასხვა კვლევებში, არსად წასულა. როგორც პროტესტი არსად წასულა, ეს ხალხიც არსად წასულა. თუნდაც, ის ადამიანები, რომლებსაც პირველ პლანზე ვხედავთ, მინისტრებიც და სხვებიც, შიგნით რამდენს უნდა რუსეთი? რამდენი არის ვალდებული, რომ გაჩუმდეს, რაღაცები მიიღოს და რამდენს უნდა საქართველოს ორიენტაციის ეს ცვლილება და რამდენს არ უნდა, რომ საქართველო იყოს ცივილიზებული, ნორმალური, დემოკრატიული ევროპული ქვეყანა, მე ვიტყოდი, რომ ასეთი ძალიან ცოტაა, რომელიც თავისი ნებით ამ გზას აირჩევდა, მაგრამ სხვადასხვა მოცემულობა არის ისეთი, რომ არიან ძალიან დიდი პრესის ქვეშ და ვხედავთ რამდენი მინისტრი არის დღეს კორუფციის მხილებების ქვეშ და ელოდება ხვალ რა და როგორ მოხდება. თვით ღარიბაშვილი, როცა ჰქონდა მას მოლაპარაკებები ევროკავშირთან, სანამ თვითონ დადიოდა, ძალიანაც ცდილობდა, რომ დაერწმუნებინა ისინი, რომ ჩვენ არ ვცილდებოდით იმ [ევროპულ] გზას, თუნდაც ამ რეფორმებს არ ვასრულებდით, რაც დაკისრებული გვქონდა“- განაცხადა სალომე ზურაბიშვილმა.       

პოლიტიკა • 1761539541

ნინო წილოსანი: ვუყურებთ მილევად რეჟიმში მყოფ აქციას და ამ აქციის ფონზე სალომე ზურაბიშვილს, რომელიც სრულიად არაადეკვატურ განცხადებებს აკეთებს

გიჟური განცხადებები კეთდება მხოლოდ და მხოლოდ საკუთარი მომხრეების გასამხნევებლად, - ასე გამოეხმაურა პარლამენტის ვიცე-სპიკერი ნინო წილოსანი სალომე ზურაბიშვილისა და ლევან ცუცქირიძის მიერ გუშინდელ აქციაზე გაკეთებულ განცხადებებს. მისივე შეფასებით, ეს აქცია მილევადი ხასიათისაა.„ვუყურებთ მილევად რეჟიმში მყოფ აქციას და ამ აქციის ფონზე სალომე ზურაბიშვილს, რომელიც სრულიად არაადეკვატურ განცხადებებს აკეთებს და ალტერნატიული რეალობის წარმოჩენას ცდილობს. გიჟური განცხადებები კეთდება მხოლოდ და მხოლოდ საკუთარი მომხრეების გასამხნევებლად და ამ ჭრილშიც რომ განვიხილოთ, მაინც სრულებით გონებას არის აცდენილი. რა თქმა უნდა ადამიანები, ვინც რუსთაველზე გამკაცრებული კანონის მიუხედავად მაინც გამოდიან, არიან ისინი ვინ წლების მანძილზე იღებდნენ სწორად ამ დესტრუქციული მოქმედებებისთვის და ექსტრემიზმისთვის დაფინანსებას. ამიტომ მათ როგორც ჩანს, ახლაც გარკვეული დაფინანსება აქვთ დაგროვილი და მისაღები, შესაბამისად ვითომ მათ ამ თავგანწირვას შეიძლება ვუწოდოთ დაფინანსებისა და ხელფასისთვის გაღებული თავგანწირვა“, - აღნიშნა წილოსანმა.გუშინ, 27 ოქტომბერს გამართულ აქციაზე სალომე ზურაბიშვილმა განაცხადა:„კიდევ ცოტა გაუძლოს ჩვენმა გულმა და კიდევ მალე იქნება ნამდვილი, ბოლომდე გამარჯვება - ახალი არჩევნები, ახალი საზოგადოება, ახალი პოლიტიკური სივრცე“.„თავისუფლების მოედნის“ ლიდერმა, ლევან ცუცქირიძემ კი მოქალაქეებს „ახალი დემოკრატიული რიტუალის“ დამკვიდრება შესთავაზა.„მინდა, შემოგთავაზოთ, რომ თითოეულმა მოქალაქემ დაამკვიდროს ერთგვარი ახალი დემოკრატიული რიტუალი.პირველი: თითოეულმა მოქალაქემ კვირაში ერთი დღე მაინც აუცილებლად გაატაროს რუსთაველზე, საპროტესტო კერაზე ან სხვა ქალაქებში;მეორე - მხარი დაუჭირონ და დავაფინანსოთ, როგორც შეგვიძლია ის მამაცი ადვოკატები და იურისტები, დამოუკიდებელი ჟურნალისტები;მესამე - შევუერთდეთ და გავაძლიეროთ დემოკრატიული, პატრიოტული, სამოქალაქო და პოლიტიკური ძალები“, - განაცხადა ცუცქირიძემ.

პოლიტიკა • 1761034009

ირაკლი კირცხალია: სალომე ზურაბიშვილი, გიგაური, ლომჯარია და სხვები, თუ ბრიუსელში რაიმე გავლენას ახდენენ და ზოგადად ყურადღებას აქცევენ ამ დონის ე.წ. პოლიტიკოსებს, იმიტომ არის ბრიუსელისა და ევროკავშირის საქმე კარგად

სალომე ზურაბიშვილი, გიგაური, ლომჯარია და სხვები, თუ ბრიუსელში რაიმე გავლენას ახდენენ და ზოგადად ყურადღებას აქცევენ ამ დონის ე.წ. პოლიტიკოსებს, იმიტომ არის ბრიუსელისა და ევროკავშირის საქმე კარგად, - განაცხადა მედიასთან საპარლამენტო უმრავლესობის ლიდერმა, ირაკლი კირცხალიამ, რითაც გამოეხმაურა სალომე ზურაბიშვილის წერილს, რომელიც მან ევროკავშირის საგარეო საქმეთა მინისტრების შეხვედრის დაწყებამდე მინისტრებს მისწერა."სალომე ზურაბიშვილი და მისნაირები რომ არ დაიცავენ თავისი ქვეყნის ინტერესს, ამაში ახალი არაფერია. ესენი არიან ჩვეულებრივი აგენტები. არ მგონია სერიოზული კომენტარი გავაკეთო სალომე ზურაბიშვილმა რა მისწერა მინისტრებს.​რაც შეეხება პერსონალურ სანქციებს, ჩვენი გუნდის პოზიციაა, რომ რაღაც სანქციებით ვერავის შეაშინებენ. ეს არის მათ ხელში შანტაჟის იარაღი და შანტაჟი არის მათი ბუნებრივი სახე“, - აღნიშნა ირაკლი კირცხალიამ.ევროკავშირის საგარეო საქმეთა მინისტრების შეხვედრის დაწყებამდე, სალომე ზურაბიშვილმა თითოეულ მინისტრს ინდივიდუალურად წერილით მიმართა.

პოლიტიკა • 1760557249

„არის ჯგუფი, ძალები, რომლებსაც სურთ საქართველოში მარიონეტული ხელისუფლების მოყვანა“ - შალვა პაპუაშვილი

საქართველოს პარლამენტის თავმჯდომარის, შალვა პაპუაშვილის განცხადებით, 4 ოქტომბრის გადატრიალების მცდელობის უკან უცხოური ძალები იდგნენ. ამის შესახებ შალვა პაპუაშვილმა „ღამის კურიერის“ ეთერში ისაუბრა. მისი თქმით, არის გარკვეული ძალები, რომლებსაც სურთ საქართველოში მარიონეტული ხელისუფლების მოყვანა.შალვა პაპუაშვილი გამოეხმაურება პრაღაში სალომე ზურაბიშვილის გამოსვლას, სადაც მან 4 ოქტომბრის მოვლენებთან დაკავშირებით ისაუბრა და პრეზიდენტის სასახლის ღობეზე გააკეთა აქცენტი.„ჩაუვარდათ დამხობის ნაწილში მისი [სალომე ზურაბიშვილის] გამოყენება, თუმცა დაიწყო გადაწყობა და პრაღაში მან თქვა ეს საძაგელი ტყუილი, ანუ, იმდენად ცუდები ვართო, რომ უნდა ყოფილიყო ათმაგი ღობე, დენი გადატარებული და დანაღმული... მე ვთქვი კიდეც ამის შემდეგ, რომ ამ საძაგელ ტყუილს ის თავისით კი არ ამბობს, მას ალაპარაკებენ იმისთვის, რომ შემდეგ მითითებით გამოიყენონ, რომ თქვა სალომე ზურაბიშვილმა.რამდენიმე საათში გამოვიდა რასა იუკნევიჩიანე და მეორე ევროპარლამენტარი, რომლებმაც დაიწყეს ზუსტად იგივე ნარატივის გავრცელება. პირდაპირ ეთერში რამდენიმე ტელევიზია უყურებდა ამ ყველაფერს. კარგად დავინახეთ რაც ხდებოდა იქ. ეს კიდევ ერთხელ ადასტურებს პოსტ ფაქტუმ, რომ არის ჯგუფი, ძალები, რომლებსაც სურთ საქართველოში მარიონეტული ხელისუფლების მოყვანა“, - აცხადებს შალვა პაპუაშვილი. 

პოლიტიკა • 1760523062

გიორგი ჩაკვეტაძე: ხელისუფლების დამხობას აპირებდნენ და თვითონ დაემხნენ - საქმე ისე მიდის, არ გამიკვირდება თინა ბოკუჩავამ მიშა ვეღარ იცნოს და ლევან სანიკიძემ - პაატა ბურჭულაძე

საქართველოს თითოეულ მოქალაქეს უფლება აქვს იცხოვროს მშვიდობიან, განვითარებულ და წარმატებულ ქვეყანაში. ამისთვის ყველაფერს გავაკეთებთ! - განაცხადა საპარლამენტო უმრავლესობის წევრმა გიორგი ჩაკვეტაძემ პლენარულ სხდომაზე.მან თავის გამოსვლაში ადგილობრივი თვითმმართველობის არჩევნების შედეგები შეაფასა.„ქართული ოცნების“ თითოეულ მხარდამჭერს ვულოცავ დამაჯერებელ გამარჯვებას. 1 106 965 - ეს არის ხმების რაოდენობა, რომელიც 4 ოქტომბერს მივიღეთ. მადლობა თითოეულ მათგანს. მადლობა სამართალდამცავ უწყებებსა და საარჩევნო ადმინისტრაციას პროცესების კარგად მართვისთვის.უპრეცედენტოა, რომ გავიმეორეთ საპარლამენტო არჩევნების შედეგი. უფრო მეტიც, გავიმარჯვეთ 64-ვე მუნიციპალიტეტში. ისტორიული შედეგი გვაქვს თბილისშიც. თითოეულ არჩეულ მერს და საკრებულოს წევრს ვულოცავ და ვუსურვებ წარმატებებს“, - განაცხადა გიორგი ჩაკვეტაძემ.საპარლამენტო უმრავლესობის წევრი 4 ოქტომბერს განვითარებულ მოვლენებსაც გამოეხმაურა.„ხელისუფლების დამხობას აპირებდნენ და თვითონ დაემხნენ. სისხლის სამართლის დანაშაული ჯერ გამოაცხადეს და შემდეგ პირდაპირ ეთერში ჩაიდინეს. ახლა კი, გამიჯვნაში ეჯიბრებიან ერთმანეთს.საქმე ისე მიდის, არ გამიკვირდება თინა ბოკუჩავამ მიშა ვეღარ იცნოს და ლევან სანიკიძემ - პაატა ბურჭულაძე. სალომე ზურაბიშვილმა საერთოდ თავისი ყოფილი სასახლე ვეღარ იცნო, ადრე უფრო მყარი ღობე იყოო...ეს ხალხი საქართველოს სირცხვილია. კოლექტიური „ნაცმოძრაობა“ უკვე მხოლოდ ეპითეტი აღარ არის, ეს განაჩენია.როგორ ბედავთ და პრეზიდენტის სასახლის შტურმის შემდეგ კიდევ ხმას იღებთ?! როგორ ბედავთ და ჩვენს გმირ პოლიციელებზე თავდასხმის შემდეგ კიდევ რაიმეს ამბობთ?! როგორ ბედავთ და სახელმწიფოს მიმართ ამდენი შეურაცხყოფის შემდეგ, ისევ პოლიტიკოსებად მოგაქვთ თავი?!მაგრამ ეს ყველაფერი ხდება თქვენი საერთაშორისო პატრონების დავალებით. შიდა აგენტურა ახლა მხოლოდ გარე მფარველების ამარაა დარჩენილი.ის ქალბატონიც, ელინა ვალტონენი, გუშინ რომ რუსთაველზე ჩამოიარა და ვენის კონვენცია თავზე დაგვახია, ამის ნათელი გამოხატულებაა.ქალბატონო ელინა, ძალიან სამწუხაროა, თქვენი გუშინდელი პერფორმანსი. აბა, ერთხელ მოიკითხეთ რევანშისტების მიერ დაშავებული პოლიციელები, აბა, ერთი სიტყვა მაინც თქვით ძალადობრივი აქციების დასაგმობად, მაგრამ არა.წარმოუდგენელია, რომ ევროპის უსაფრთხოებისა და თანამშრომლობის ორგანიზაციის თავმჯდომარე, ფინეთის საგარეო საქმეთა მინისტრი ასე პოზიციონირებს. ამ საქმიდან არაფერი გამოვა. ქართულმა საზოგადოებამ რადიკალებს კიდევ ერთხელ გასცა ღირსეული პასუხი 4 ოქტომბერს.ჯერი კი ახლა ჩვენზეა, წინ საკონსტიტუციო სარჩელია, რომლითაც ყველაფერს თავისი სახელი უნდა დაერქვას. არ დავუშვებთ უმცირესობის ძალადობას უმრავლესობაზე!“ - განაცხადა გიორგი ჩაკვეტაძემ.

პოლიტიკა • 1760438547

შალვა პაპუაშვილი: სალომე ზურაბიშვილის მიერ პრაღაში რაღაც საერთაშორისო პლატფორმაზე გაჟღერებულმა საძაგელმა ტყუილმა ამხილა სახელმწიფო გადატრიალების უკან მდგომი უცხოელების გეგმა

სალომე ზურაბიშვილს იყენებენ ყველაზე საძაგელი ტყუილების გასავრცელებლად. შეგახსენებთ, რომ სწორედ ის იყო, ვინც შარშან, 26 ოქტომბრის არჩევნების შემდეგ, ყველაზე ამორალური ტყუილები გაავრცელა ქართულ არჩევნებთან დაკავშირებით, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.პაპუაშვილის განცხადებით, უცხოელი აქტორები სალომე ზურაბიშვილს იყენებს ტყუილების სათქმელად.„ზურაბიშვილი იგონებდა, თითქოს იყო პირადობის მოწმობების ორჯერ გამოყენება, რაც დადასტურდა, რომ იყო ტყუილი. იგონებოდა, თითქოს იყო 300 000 ზეციური საქართველოს წარმომადგენელი, რომელიც არსაიდან გაჩნდა არჩევნებზე, რაც დადასტურდა, რომ იყო ტყუილი. იძახოდა, რომ ეს იყო რაღაც მასიური შეტევა არჩევნებზე რუსეთის მხრიდან, რაც დადასტურდა, რომ იყო ტყუილი. ამ ადამიანს ყველაზე საძაგელ ტყუილებს ათქმევინებენ ხოლმე და ათქმევინებენ იმისთვის, რომ შემდეგ საერთაშორისო უცხო პლატფორმებზე გაიმეოროს ეს, როგორც ეს გააკეთა ახლა ამ შემთხვევაში პრაღაში, როდესაც მართლაც ასეთი საძაგელი ტყუილი თქვა საქართველოსთან დაკავშირებით და აქ უბრალოდ ერთი რამ უნდა ამოვიკითხოთ. ის ამას თავისით არ აკეთებს რა თქმა უნდა, აქ უნდა ამოვიკითხოთ გეგმა იმ უცხოური ჯგუფებისა, რომლებიც საქართველოს ამოყირავებას ცდილობენ. როგორც შარშან იყო გეგმა, მისი პირით უნდა ეთქვათ ყველაზე საძაგელი ტყუილები ქართულ არჩევნებთან დაკავშირებით იმისთვის, რომ შემდეგ მათი გულცივი დამოკიდებულებები ეჩვენებინათ ხელისუფლების მიმართ, საბაბი მიეცათ კრიტიკისთვის, ახლაც ასეა. გამოიყვანეს, რომ ეთქვა, ღობე ხუთი ჭანჭიკით იყო გამაგრებული თუ ჩაბეტონებული რკინა-ბეტონი იყო, თუ ქვაღორღი. შემთხვევითი არ არის, რომ პრაღაში, ჩეხეთში უცხოურ ფორმატში ითქვა ეს ყველაფერი ქართული სახელმწიფოს წინააღმდეგ. დავაკვირდეთ, როგორც კი დავინახავთ უცხოელებს, რომლებიც ამ საძაგელ ტყუილს გაიმეორებენ, ეგრევე მივხვდებით, რომ ეს არის ზუსტად კოორდინირებული, ჰიბრიდული თავდასხმა საქართველოზე“, – განაცხადა პაპუაშვილმა.მისივე თქმით, სალომე ზურაბიშვილმა ამხილა სახელმწიფო გადატრიალების უკან მდგომი უცხოელების გეგმა.„სალომე ზურაბიშვილის მიერ პრაღაში რაღაც საერთაშორისო პლატფორმაზე გაჟღერებულმა ამ საძაგელმა ტყუილმა ამხილა სახელმწიფო გადატრიალების უკან მდგომი უცხოელების გეგმა, რაც არის ახლა. ამიტომ არის სიჩუმე. რატომ არ გმობენ?! რატომ არ გმობენ პრეზიდენტის სასახლის ძალადობრივ შტურმს? როცა შეგხვდებათ ევროკავშირის ელჩი, ჰკითხეთ, შარშან არჩევნების წინ, ჩვენი საარჩევნო ბანერები რომ დაგმო, პარტიის, ვინ ეკითხებოდა ევროკავშირის ელჩს, წელს იმ პრეზიდენტის სასახლის შტურმი ძალადობრივი, რომელსაც ისინი აბარებენ რწმუნებათა სიგელს და რომელიც არის მათი მასპინძელი ამ ქვეყანაში, ამ სასახლის ძალადობრივ შტურმს იმ ჯგუფების მიერ, რომელიც არის მათი მხარდაჭერილი ჯგუფები, „ენჯეოები“ და ოპოზიცია, რომელ შეკრებასაც მხარდაჭერა გამოუცხადა ევროკომისიის პრესსპიკერმა და დღეს ყველა რომ დაიმალა და კრინტი რომ არ გვესმის მათგან, რატომ არ გმობენ ამ ყველაფერს?“, – განაცხადა პაპუაშვილმა.საქართველოს ყოფილმა პრეზიდენტმა, სალომე ზურაბიშვილმა პრაღაში „Forum 2000“-ის ფარგლებში გამართულ პანელურ დისკუსიაზე 4 ოქტომბრის მოვლენებთან დაკავშირებით განაცხადა: „ღობეები თავდასხმისთვის წინასწარ მომზადდა, სავარაუდოდ, ადგილობრივი ძალების მიერ, სცენარი, შესაძლოა, ოპოზიციის ზოგიერთი ნაწილის გამოყენებით განხორციელდა“.

პოლიტიკა • 1759999933

თამარ კეკენაძე: 4 ოქტომბერი იყო დანაშაულის დღე, პასუხისმგებლობა უნდა აიღოს სალომე ზურაბიშვილმაც, რომელიც ადამიანებს აქციაზე მისვლისკენ მოუწოდებდა

4 ოქტომბერზე პასუხისმგებლობა ყველა იმ ადამიანმა უნდა აიღოს, ვინც მოქალაქეებს მოუწოდებდა, არ მისულიყვნენ არჩევნებზე, მათ შორის, სალომე ზურაბიშვილმა, რომელიც საკუთარ თავს ლეგიტიმურ პრეზიდენტს უწოდებს და ადამიანებს არჩევნების დღეს მოუწოდებდა, აქციაზე მისულიყვნენ, – ამის შესახებ პარტია „გახარია – საქართველოსთვის“ წევრმა, თამარ კეკენაძემ განაცხადა.მისი თქმით, სალომე ზურაბიშვილმა აქციაზე დგომით ადამიანებს შეუქმნა განცდა, რომ დამხობის პროვოკაცია მშვიდობიანი იქნებოდა.„განვითარებულ მოვლენებზე ყველა იმ ადამიანმა უნდა აიღოს პასუხისმგებლობა, ვინც მოქალაქეებს მოუწოდებდა, რომ არ მისულიყვნენ თვითმმართველობის არჩევნებზე, მათ შორის, პოლიტიკური პასუხისმგებლობა უნდა აიღოს ყოფილმა პრეზიდენტმა, სალომე ზურაბიშვილმა, რომელიც საკუთარ თავს ლეგიტიმურ პრეზიდენტს უწოდებს და ადამიანებს არჩევნების დღეს, 4 ოქტომბერს, მოუწოდებდა, არჩევნებზე არ მისულიყვნენ და აქციაზე მისულიყვნენ. სალომე ზურაბიშვილმა იმ აქციაზე დგომით ადამიანებს შეუქმნა განცდა, რომ 4 ოქტომბრის დამხობის პროვოკაცია მშვიდობიანი იქნებოდა. ყველა იმ ადამიანის პასუხისმგებლობა დადგება, ვინც საქართველოს მოქალაქეები არ გააფრთხილა იმ პროვოკაციაზე, რასაც „ნაციონალური მოძრაობა“ და მასთან დაკავშირებული უპასუხისმგებლო პოლიტიკოსები ამზადებდნენ“, – განაცხადა თამარ კეკენაძემ.მისი თქმით, 4 ოქტომბერი იყო დანაშაულის დღე.„4 ოქტომბერს იყო უპასუხისმგებლობა, გავიმეორებ, უნდა დადგეს სალომე ზურაბიშვილის პასუხისმგებლობა, რომელიც საკუთარ თავს ლეგიტიმურ პრეზიდენტს ეძახის, რომელიც არ აფრთხილებდა საქართველოს მოქალაქეებს, ადამიანები შეცდომაში შეიყვანა და აქციაზე ყოფნით გაუჩინა განცდა, რომ მშვიდობიანი აქცია იქნებოდა. კიდევ ერთი საკითხი, ჩვენ ამ დღეს, 4 ოქტომბერს, შეცდომას არ ვეძახით, ეს იყო დანაშაული. თითოეულმა ადამიანმა, ვინც, ერთი მხრივ, დაგეგმა, ორგანიზება გაუწია და მეორე მხრივ, ის შედეგი დამდგარიყო, რომ დღეს დამატებით 35 მსხვერპლი ჰყავს ამ დამხობის პროვოკაციას, რა თქმა უნდა, მათი პოლიტიკური პასუხისმგებლობა უნდა დადგეს“, – განაცხადა თამარ კეკენაძემ.

პოლიტიკა • 1759751280

ქადაგიძე: თუ ბრბო მოახერხებდა პრეზიდენტის სასახლის აღებას, ზურაბიშვილი ჩაატარებდა ბრიფინგს - „დღეიდან მე ვარ ლეგიტიმური პრეზიდენტი“. რადგან ძალოვნებმა აღკვეთეს სახელმწიფოს დამხობის გეგმა, სცადა გამიჯვნოდა ანტიკონსტიტუციურ პროცესებს

სრული პასუხისმგებლობით ვამბობ - სალომე ზურაბიშვილი 4 ოქტომბრის დამხობის აქციაზე იყო კონკრეტული გეგმით მისული, - წერს სოციალურ ქსელში „ხალხის ძალის“ წევრი ზურაბ ქადაგიძე.როგორც ზურაბ ქადაგიძე აღნიშნავს, „იმ შემთხვევაში, თუ ბრბო მოახერხებდა პრეზიდენტის სასახლის აღებას - ზურაბიშვილი, რომელიც იქვე ახლოს ტრიალებდა, შევიდოდა სასახლეში და ჩაატარებდა ბრიფინგს, რომლის მოკლე შინაარსიც იქნებოდა შემდეგი - „დღეიდან მე ვარ საქართველოს ლეგიტიმური პრეზიდენტი“.„ახლა რასაც დავწერ - კარგად წაიკითხეთ და დაიმახსოვრეთსრული პასუხისმგებლობით ვამბობ - სალომე ზურაბიშვილი 4 ოქტომბრის დამხობის აქციაზე იყო კონკრეტული გეგმით მისულიიმ შემთხვევაში, თუ ბრბო მოახერხებდა პრეზიდენტის სასახლის აღებას - ზურაბიშვილი, რომელიც იქვე ახლოს ტრიალებდა, შევიდოდა სასახლეში და ჩაატარებდა ბრიფინგს, რომლის მოკლე შინაარსიც იქნებოდა შემდეგი - „დღეიდან მე ვარ საქართველოს ლეგიტიმური პრეზიდენტი“.ეს გეგმა პირდაპირ იყო უცხოეთიდან დავალებული ქართველ აგენტებზეგამომდინარე იქედან, რომ სუს-მა და შს სამინისტრომ უნაკლოდ იმოქმედეს და აღკვეთეს სახელმწიფოს დამხობის გეგმა, სალომე ზურაბიშვილმა მომენტალურად შეცვალა პოზიცია და სცადა გამიჯვნოდა ანტიკონსტიტუციურ პროცესებს.მიუხედავად ამისა, დარწმუნებული ვარ ამ მხდალი ქალის განცხადება ვერ დაიცავს მას პასუხისმგებლობისგანზურაბიშვილიც და ყველა ის ადამიანი, რომელიც დამხობის ამსრულებელი იყო, კანონის წინაშე პასუხს მთელი სიმკაცრით აგებენ!“, - წერს იგი.

პოლიტიკა • 1759655100

არ გამოვა მეგობრებო გამიჯვნა, თქვენ, „ახლები“, „ნაცები“, „ლელო“ და გახარია ერთნი ხართ, ერთად ებრძვით საკუთარ ქვეყანას და ოცნებობთ ცეცხლის ალში გაეხვიოს საქართველო - ნინო ფოჩხუა

ეხლა ხომ მიხვდა ყველა, დესტრუქციული ოპოზიციის ლიდერები, საკუთარი სურვილით, რატომ ჩასხდნენ ციხეში. მათ ზუსტად იცოდნენ რა მზადებაც მიდიოდა 4 ოქტომბრისთვის და მშვიდობიანად განერიდნენ. გარეთ დარჩენილებმა კი გუშინვე დაიწყეს გამიჯვნა არშემდგარი რევოლუციისა და მისი ორგანიზატორებისგან - წერს ფოჩხუა სოციალურ ქსელში. მისივე თქმით, არ გამოუვათ გარეთ დარჩენილებს გამიჯვნა და ყველა აგებს პასუხს.„ეხლა ხომ მიხვდა ყველა, დესტრუქციული ოპოზიციის ლიდერები, საკუთარი სურვილით, რატომ ჩასხდნენ ციხეში. მათ ზუსტად იცოდნენ რა მზადებაც მიდიოდა 4 ოქტომბრისთვის და მშვიდობიანად განერიდნენ. გარეთ დარჩენილებმა კი გუშინვე დაიწყეს გამიჯვნა არშემდგარი რევოლუციისა და მისი ორგანიზატორებისგან. წითელი ლენტი პირველი იმ უმსგავსო ქალმა, სალომე ზურაბიშვილმა გაჭრა და ესტაფეტა ლელოს და გახარიას გადაულოცა. არ გამოვა მეგობრებო გამიჯვნა, თქვენ, ახლები, ნაცები, ლელო და გახარია ერთნი ხართ, ერთად ებრძვით საკუთარ ქვეყანას და ოცნებობთ ცეცხლის ალში გაეხვიოს საქართველო. ასე რომ ვერ გამოძვრებით, ხალხი ყველაფერს ხედავს და ყველა აგებთ პასუხს კანონის წინაშე.“ - წერს ფოჩხუა.