მამა შალვა

საზოგადოება 1709321820

„დღეს 15 წელი შემისრულდა, რაც მღვდელი გავხდი...“ - მამა შალვა ემოციურ პოსტს აქვეყნებს

დღეს 15 წელი შემისრულდა, რაც მღვდელი გავხდი, უფლის ნებით და მისი უწმიდესობის ხელდასხმით, - ამ შინაარსის პოსტს ვაკის მაცხოვრის ფერისცვალების ტაძრის წინამძღვარი, მამა შალვა კეკელია სოციალურ ქსელში წერს და მადლობას უხდის ყველას, ვინც ამ დროის განმავლობაში გვერდით ედგა.„პირველ რიგში, შენდობა მინდა ვთხოვო უფალს და იმ ადამიანებს, რომელთაც გული ვატკინე, მადლობა მინდა გადავხადო მის უწმიდესობას, ჩემს სულიერ მოძღვარს, პროტოპრესვიტერ გიორგი ზვიადაძეს ჩემს სულზე ზრუნვისთვის, ჩემს სულიერ ძმებს ქრისტეში, მშობლებს, მეუღლეს და შვილებს, რომლებიც საოცარ ძალას მაძლევენ იმისთვის, რომ ბოლომდე დავიხარჯო, სულიერ შვილებს რომლებიც მასწავლიან ქრისტესთან ურთიერთობას, ყველა იმ ადამიანს, რომელთა სიყვარულს ვგრძნობ ყოველდღიურად... ბედნიერი ვარ, რომ დავიბადე საქართველოში და საშუალება მომეცა, ჩემ ქვეყანას და ეკლესიას ვემსახურო, ჩემი ცოდვილი სულით...„ისეთი განსაცდელები მქონდა, მეგონა, ტკივილისაგან სულს განვუტევებდი, როგორც ცეცხლოვანი ღუმელიდან. მაგრამ, როგორც კი ჩაივლის განსაცდელი, ისეთი ნუგეში მოდის, თითქოს სამოთხეში იყო სხეულის გარეშე. უყვარხარ ქრისტეს, უყვარხარ ჩვენს ღმრთისმშობელს, წმინდანები გაქებენ, აგნელოზებს უკვირთ.ხედავ, რამდენი სიკეთე მოაქვს განსაცდელსა და გასაჭირს? მაშ ასე, თუ გინდა, რომ შენც შეიცნო და იგემო ქრისტეს სიყვარული, მოითმინე, რაც შენს თავს მოიწევა. არა ის, რაც შენ თვითონ მოგწონს, არამედ ის, რითაც ისურვებს უფალი შენს გამოცდას. ის, რასაც ჩვენ ჩვენი განზრახვით ვაკეთებთ, არაფერია. ათასჯერ უფრო მაღალია ის, რასაც უფალი გვიგზავნის, ჩვენი განზრახვისდა საწინააღმდეგოდ. ძვალი ძვალზე და სისხლი სისხლზე - ასე ებრძვის ადამიანს მტერი ეშმაკი ღმრთის ნებით. იმდენად, რომ იგი დნება და ლღვება, როგორც ცვილი ცეცხლისაგან.მაგრამ როცა გამოცდა ჩაივლის, მთლიანად სიხარულით ივსები. თვალისმომჭრელი ნათლით ხარ მოსილი და ხედავ საიდუმლოებებს, რომელთა გამოთქმა ენას არ ძალუძს. და მაშინ უკვე გწადია, ისევ მოვიდეს განსაცდელები, რადგან უკვე შეიცანი მათ მიერი სარგებლობა.” [იოსებ ათონელი(ისიხასტი)]“, - ვკითხულობთ მამა შალვას პოსტში. ასევე ნახეთ:მე უკვე მოვიხადე ბოდიში იმის გამო, რომ სალომე ზურაბიშვილს მივეცი ხმა - მეუფე სტეფანე„პატრიარქი ემსახურება ღმერთს, სამშობლოსა და ადამიანებს - ეს რაღაც საარჩევნო განცხადებაა“ - ეპისკოპოსი გრიგოლ კაცია ზურაბიშვილის განცხადებაზე

მეუფე სტეფანე

საზოგადოება 1709299423

მე უკვე მოვიხადე ბოდიში იმის გამო, რომ სალომე ზურაბიშვილს მივეცი ხმა - მეუფე სტეფანე

მე უკვე მოვიხადე ბოდიში იმის გამო, რომ სალომე ზურაბიშვილს მივეცი ხმა, - ამის შესახებ ჭყონდიდის, ცაგერისა და ლენტეხის ეპარქიის მიტროპოლიტმა სტეფანე კალაიჯიშვილმა მედიასთან განაცხადა.„მე უკვე მოვიხადე ბოდიში იმის გამო, რომ სალომე ზურაბიშვილს მივეცი ხმა. მივიჩნევ, რომ ჩემს ცხოვრებაში ასეთი დიდი შეცდომა არ მომსვლია ამ საკითხებში. რაც შეეხება ამ განცხადებებს, ორი მხრიდან რომ შევხედოთ: როგორც ეკლესიისადმი და როგორც ქვეყნისადმი დამოკიდებულება. ქვეყნისადმი მისი დამოკიდებულება არის უგულებელყოფა კონსტიტუციისა და იმ წესების, რომლითაც ის შემოვიდა საქართველოს ცხოვრებაში, როგორც საქართველოს პრეზიდენტი. აქედან გამომდინარე, ახლა მისდამი დამოკიდებულება, როგორც ე.წ. პრეზიდენტისადმი ალბათ გამართლებულია, იმდენად არის ის გასული კონსტიტუციური ჩარჩოებიდან. მისი განცხადებები საქართველოს ინტერესებიდან არ გამომდინარეობს. დაკვეთა, რომლითაც ის მოქმედებს, არ არის გამოწვეული ქართველი ხალხისადმი პატივისცემით და ქართველი ხალხის დაკვეთა არაა. ის ასრულებს დაკვეთას - არ ვიცი, ვინ რას ურჩევს და უბრძანებს, მაგრამ ეს არ გამომდინარეობს საქართველოს ინტერესებიდან.ახლა რაც შეეხება ეკლესიის მიმართ მის დამოკიდებულებას: გასაგებია, ბევრი გვინახავს, როდესაც სჭირდებათ ეკლესია, ცდილობენ, მაქსიმალურად ლოიალურებად გამოიყურებოდნენ. ხან წმინდა ნინოს გზაზე დადიან, ხან სანთლებით დგანან ეკლესიაში, ხან პატრიარქის მიმართ პატივისცემას გამოხატავენ და აქაც ალბათ ასეთი სიტუაციაა. ჯერ ერთი, ვინ ეკითხება სალომე ზურაბიშვილს ჩვენი პატრიარქის მომავალს? უფლის ხელშია ეს და არა სალომეს ან მისი პატრონების ხელში. რამდენ ხანსაც იცოცხლებს ჩვენი პატრიარქი, ის ჩვენი პატრიარქი იქნება ბოლომდე. ჩვენ მისი ჯანმრთელობისთვის და კეთილდღეობისთვის ყოველთვის ვილოცებთ. ჩვენ მის ცხოვრებას ილია მეორის ეპოქად აღვიქვამთ და ძალიან ბევრია საქართველოში ასეთი ადამიანი, ვინც მიიჩნევს, რომ ილია მეორემ თავისი ცხოვრება ისე განვლო, რომ შეგვიძლია მისი მოღვაწეობის პერიოდს ვუწოდოთ ილია მეორის ეპოქა. ეს არის არა ორი-სამი ადამიანის შეფასება, არამედ საყოველთაო შეფასება. ეროვნული ცნობიერება ასე ხედავს ამას. სალომე ზურაბიშვილის დამოკიდებულება მისი პრობლემაა. უბრალოდ მან ვერ დაინახა ის, რაც მთავარია და უყურებს ისე, როგორც მას უბრძანებენ“, - აღნიშნა მეუფემ.სალომე ზურაბიშვილმა ლონდონში, საერთაშორისო საქმეთა სამეფო ინსტიტუტში სტუმრობისას საქართველოს ეკლესიაზე საუბრისას განაცხადა: “ძალიან კომპლექსური ვითარებაა, რისი მიზეზიც დღეს პატრიარქის სისუსტეა. დარწმუნებული ვარ, ქართული ეკლესია მოახერხებს პროქართული და პროევროპული პატრიარქის არჩევას და არა პრორუსის”.

ღარიბაშვილი

პოლიტიკა 1689417579

ფოტორეპორტაჟი ლენტეხიდან, სადაც მჟავე წყლების განახლებული ტერიტორია პრემიერმა დაათვალიერა

საქართველოს პრემიერ-მინისტრი, ირაკლი ღარიბაშვილი ლენტეხში იმყოფება. ირაკლი ღარიბაშვილმა ლენტეხში მჟავე წყლის განახლებული ტერიტორია დაათვალიერა.ლენტეხის მუნიციპალიტეტში “მჟავე წყლის მიმდებარე ტერიტორიის კეთილმოწყობის” სამუშაოები დასრულდა. პროექტის ფარგლებში კეთილმოეწყო მცირე ზომის საგამოფენო სივრცე. მოწესრიგდა მიმდებარე გზის სავალი ნაწილი და სადრენაჟე სისტემა, მოეწყო პარკინგი, დეკორატიული განათებები, მოპირკეთდა კედლები, დამონტაჟდა სკამები. პროექტი 2020-2022 წლების საპილოტე რეგიონების ინტეგრირებული განვითარების პროგრამის ფარგლებში დაფინანსდა, რომლის ღირებულება 1 200 000 ლარს შეადგენს.ამასთან, ირაკლი ღარიბაშვილი, ცაგერში, ცაგერისა და ლენტეხის მიტროპოლიტ სტეფანეს შეხვდა. მიტროპოლიტმა მთავრობის მეთაურს ცაგერისა და ლენტეხის ეპარქიის რეზიდენციაში უმასპინძლა.მიტროპოლიტმა სტეფანემ პრემიერ-მინისტრი დალოცა და წარმატებები უსურვა.მთავრობის მეთაურმა დღესვე ცაგერში მეუფე სტეფანესთან ერთად წმინდა მაქსიმე აღმსარებლის სახელობის მშენებარე ტაძარი დაათვალიერა. უძველესი ტაძრის აღდგენა ორი წელია მიმდინარეობს. ძველი ტაძრის ნანგრევების აღდგენის პარალელურად მიმდინარეობს ტაძრისა და ეზოს სამშენებლო და მოპირკეთების სამუშაოები.პრემიერ-მინისტრთან ერთად ადგილზე მთავრობის ადმინისტრაციის რეგიონებთან ურთიერთობის დეპარტამენტის უფროსი, ლერი ბარნაბიშვილი, აღმასრულებელი, საკანონმდებლო და ადგილობრივი ხელისუფლების წარმომადგენლები იმყოფებოდნენ.ასევე, საქართველოს პრემიერ-მინისტრმა თამარ მეფის განახლებული ქუჩა დაათვალიერა.ქუჩის რეაბილიტაცია პრემიერ-მინისტრის მიერ ინიციირებული პროგრამის “განახლებული რეგიონები“-ს ფარგლებში განხორციელდა.მთავრობის მეთაურს განხორციელებული სამუშაოების შესახებ ინფორმაცია რეგიონული განვითარებისა და ინფრასტრუქტურის მინისტრმა ირაკლი ქარსელაძემ მიაწოდა.პროექტის ფარგლებში განახლდა შენობების გარე ფასადები, შეიცვალა კარ-ფანჯრები, ჩატარდა ქუჩების, სკვერების გამწვანებისა და მოპირკეთება-მოწყობის სამუშაოები.

ღარიბაშვილი

პოლიტიკა 1689416835

პრემიერ-მინისტრი ცაგერისა და ლენტეხის მიტროპოლიტ სტეფანეს შეხვდა

საქართველოს პრემიერ-მინისტრი ირაკლი ღარიბაშვილი, ცაგერში, ცაგერისა და ლენტეხის მიტროპოლიტ სტეფანეს შეხვდა.მიტროპოლიტმა მთავრობის მეთაურს ცაგერისა და ლენტეხის ეპარქიის რეზიდენციაში უმასპინძლა.მიტროპოლიტმა სტეფანემ პრემიერ-მინისტრი დალოცა და წარმატებები უსურვა.მთავრობის მეთაურმა დღესვე ცაგერში მეუფე სტეფანესთან ერთად წმინდა მაქსიმე აღმსარებლის სახელობის მშენებარე ტაძარი დაათვალიერა. უძველესი ტაძრის აღდგენა ორი წელია მომდინარეობს. ძველი ტაძრის ნანგრევების აღდგენის პარალელურად მიმდინარეობს ტაძრისა და ეზოს სამშენებლო და მოპირკეთების სამუშაოები.პრემიერ-მინისტრთან ერთად ადგილზე მთავრობის ადმინისტრაციის რეგიონებთან ურთიერთობის დეპარტამენტის უფროსი, ლერი ბარნაბიშვილი, აღმასრულებელი, საკანონმდებლო და ადგილობრივი ხელისუფლების წარმომადგენლები იმყოფებოდნენ.

გიორგი გამზარდია

საზოგადოება 1687802385

ჭადრაკის ფედერაცია სამწუხარო ინფორმაციას ავრცელებს

საქართველოს ჭადრაკის ფედერაცია სოციალურ ქსელში სამწუხარო ინფორმაციას ავრცელებს.,,ღრმა მწუხარებას გამოვთქვამთ ფიდეს ოსტატის, ფოთის საჭადრაკო კლუბის მწვრთნელის და უცვლელი წევრის, გიორგი გამზარდიას გარდაცვალების გამო", - აღნიშნულია სამძიმრის ტექსტში. ასევე ნახეთ:,,აღიარებს და ინანიებს ჩადენილ დანაშაულს..." - ბაჩალიაშვილის საქმის ყოფილი გამომძიებლის ადვოკატიVIDEO: შეხვედრა ემიგრანტ დედასთან, 7-წლიანი განშორების შემდეგ - ემოციური კადრები„ჩემი ადგილი დავუთმე..." - წყალქვეშა ნავის ბორტზე დაღუპული 19 წლის მგზავრის დედაVIDEO: ,,გაივსო საქართველო ფულზე გაყიდულებით..." - მეუფე სტეფანე 

შეხვედრა

საზოგადოება 1687778014

VIDEO: შეხვედრა ემიგრანტ დედასთან, 7-წლიანი განშორების შემდეგ - ემოციური კადრები

,,დილა მშვიდობისა საქართველოს" ოპერატორის, ალექსანდრე წიფლაშვილის შეხვედრა იტალიაში, დედასთან, 7 წლიანი განშორების შემდეგ.ნახეთ, დედა-შვილის ემოციური შეხვედრა. ასევე ნახეთ:„ჩემი ადგილი დავუთმე..." - წყალქვეშა ნავის ბორტზე დაღუპული 19 წლის მგზავრის დედაVIDEO: ,,გაივსო საქართველო ფულზე გაყიდულებით..." - მეუფე სტეფანესაჭირო ინფორმაცია მძღოლებს! - რა შემთხვევაშია მანქანის ევაკუაცია უკანონოგაფრთხილება! წყალი 8 საათით შეწყდება - ქუჩების ჩამონათვალი

მეუფე სტეფანე

საზოგადოება 1687776615

VIDEO: ,,გაივსო საქართველო ფულზე გაყიდულებით..." - მეუფე სტეფანე

,,საქართველო გაივსო კიკუებით. ასეთი კიკუები დაწყებული ზემოდან, პრეზიდენტიდან, დამთავრებული ქვემომდე, მრავალი გვყავს", - ამის შესახებ მიტროპოლიტმა სტეფანემ ცაგერის ღვთისმშობლის მიძინების სახელობის საკათედრო ტაძარში, ქადაგებისას განაცხადა."დღეს გაივსო საქართველო კიკუებით. აი, კიკუ, გახსოვთ? - დათა თუთაშხიაში რომ არის. ეს არის მაგალითი ფულზე გაყიდული უმანკოებისა და ამ კიკუებით გაივსო საქართველო რა. თავის ქვეყნის, არა მარტო თავისი უმანკოება, არამედ ქვეყნის ღირსება, ყველაფერი შეიძლება შეიწიროს და ასეთი კიკუები დაწყებული ზემოდან, პრეზიდენტიდან, დამთავრებული ქვემომდე, მრავალი გვყავს ჩვენ და ისეთ გადაწყვეტილებებს და ისეთ მოქმედებებს აკეთებენ, რომ წარმოუდგენელია, საბოლოო ჯამში, რა უნდათ ჩვენგან და რას ერჩიან ამ საქართველოს", - განაცხადა მეუფე სტეფანემ.ვრცლად, ნახეთ ვიდეო:ასევე ნახეთ:VIDEO: შეხვედრა ემიგრანტ დედასთან, 7-წლიანი განშორების შემდეგ - ემოციური კადრები„ჩემი ადგილი დავუთმე..." - წყალქვეშა ნავის ბორტზე დაღუპული 19 წლის მგზავრის დედა„სასწაული სილამაზე“ - ნანუკა სტამბოლიშვილი ახალ ფოტოებს აქვეყნებს

მეუფე სტეფანე

საზოგადოება 1682154263

გავრცელებული ცნობით, მეუფე სტეფანეს ქვეყნის ფარგლებს გარეთ დიაგნოსტიკური კვლევა უტარდება

მარტვილისა და ჭყონდიდის მიტროპოლიტი, მეუფე სტეფანე ჯანმრთელობის მდგომარეობის გაუარესებასთან დაკავშირებით საზღვარგარეთ, კერძოდ, კი  ჩეხეთში გადაიყვანეს.როგორც „პრაიმტაიმს“ წყაროები უდასტურებენ, მეუფემ რამდენიმე დღის წინ წირვის დასრულების შემდეგ თავი შეუძლოდ იგრძნო.ინფორმაცია მეუფის ავადმყოფობის შესახებ ამ დრომდე საპატრიარქოს არ დაუდასტურებია.მეუფე სტეფანე ხუთშაბათს არც წაჩხურობის დღესასწაულზე გამოჩენილა.მეუფეს შარშან თორმეტგოჯა ნაწლავი გაუსკდა და მაშინ იგი კელიაში უგონო მდგომარეობაში იპოვეს. მას ქვეყნის ფარგლებს გარეთ, ერთ-ერთ კლინიკაში დიაგნოსტიკური კვლევა უტარდება.ბოლოს ჭყონდიდის ეპარქიის ვებ-გვერდზე მეუფის ქადაგება 17 აპრილით თარიღდება.

მეუფე სტეფანე

საზოგადოება 1682082261

მეუფე სტეფანე სამკურნალოდ საზღვარგარეთ გადაიყვანეს

ცაგერისა და ლენტეხის მიტროპოლიტი, მეუფე სტეფანე საავადმყოფოში მოათავსეს.გავრცელებული ინფორმაციით, მისი ჯანმრთელობის მდგომარეობა  დამძიმდა.„პრაიმტაიმის“ ინფორმაციით, მეუფე საზღვარგარეთ არის გადაყვანილი.ის მღვდელმთავარი საავადმყოფოში მოათსვეს.შეგახსენებთ 2022 წლის იანვარში მიტროპოლიტს თორმეტგოჯა ნაწლავი გაუსკდა და კელიაში უგონო მდგომარეობაში იპოვეს.საქართველოს საპატრიარქოს ოფიციალური განცხადება ჯერ არ გაუკეთებია.

მეუფე სტეფანე

საზოგადოება 1673528835

მეუფე სტეფანე მიხეილ სააკაშვილზე - Free ვიცი კარტოფილი, კარგი და გემრიელია - სხვა free რა არის, ვერ გავიგე

„მეუბნები, ჩვენ ქართველები დებილები ვართ, რატომ არ ვყვირით free-ს. Free ვიცი კარტოფილი, კარგია, გემრიელია და სხვა free რა არის ვერ გავიგე“ - ამის შესახებ ჭყონდიდის, ცაგერისა და ლენტეხის მიტროპოლიტმა სტეფანემ (კალაიჯიშვილი) ცაგერის ყოვლადწმინდა ღვთისმშობლის მიძინების სახელობის საკათედრო ტაძარში ქადაგებისას განაცხადა.სასულიერო პირი ქადაგებისას სხვა პოლიტიკურ საკითხებთან ერთად გამოეხმაურა მიხეილ სააკაშვილის პატიმრობის საკითხს.„კაცი, რომელიც ამბობს, რომ მე უნდა გამათავისუფლოთ იმიტომ, რომ მე ვერ ვეგუები ციხეს, რომელი ასეთი ადამიანი გაათავისუფლა რომელიმე ციხემ და რატომ არის მთელი მსოფლიო ამაზე დარაზმული? მთელი მსოფლიო, თავისი აზრით, იმიტომ, რომ მთელი მსოფლიო ნამდვილად არ არის. [ამბობ] სისხლის სამართლის დამნაშავე, რომელსაც მისჯილი აქვს ის, რაც აქვს მისჯილი, ის გინდა თუ არა უნდა გაათავისუფლო და ამაშია თურმე პოლარიზაციის პრობლემა, პოლარიზაცია მოდის იქიდან - შენ რომ ებრძვი შენ ქვეყანას, აგერ, უკვე პირდაპირ ტანკების შემოსვლას მემუქრები და ხელისუფლების შეცვლას მიქადაგებ. მეუბნები, ჩვენ ქართველები დებილები ვართ, რატომ არ ვდგებით ყველა, ქუდზე კაცი და რატომ არ ვყვირით free, რაღაცა. Free ვიცი კარტოფილი, კარგია, გემრიელია და სხვა free რა არის ვერ გავიგე. თუ რამე სწორად გინდა გააკეთო, მაშინ გააკეთე ის, რაც არის სწორი ქვეყნისთვის. იცით, რომ შეცდომაში შევიდა ის საწყალი და აქ, არავინ ძალით არ წამოათრევდა. არაჟნის იმაში რომ ჩაჯდები, შემოხვალ და იქ, რაღაც თავს გაიმაიმუნებ და მერე კიდევ მაიმუნობ იქ, სადაც ზიხარ, რა გავაკეთოთ ახალა ჩვენ, გიყუროთ და რა? შოუა, მასკარადია, თუ რა ხდება? იქიდან გარეთ, ვითომ არ იციან რაც იყო და როგორ იყო. აქაც ვიღაცებმა, თურმე ახლა გაიგეს რომ „მშვიდობის მტრედია“, ყველაფერი ძალიან მაგრად გააკეთა, ჩვენი ქვეყანა ჰაერში აიყვანა ისეთი ლამაზი ქვეყანა გახადა. ჩვენი ქვეყანა ლამაზია ღვთისგან“- განაცხადა მეუფე სტეფანემ.

მიტროპოლიტი სტეფანე

რეგიონი 1666945133

ცაგერში, მიტროპოლიტ სტეფანეს მღვდელმთავრად კურთხევის 20 წლის იუბილე აღინიშნა

ცაგერის მუნიციპალიტეტში ჭყონდიდის, ცაგერის და ლენტეხის მიტროპოლიტ სტეფანეს (კალაიჯიშვილი) მღვდელმთავრად კურთხევის 20 წლის იუბილე აღინიშნა.საზეიმო წირვა ცაგერის ღვთისმშობლის მიძინების ტაძარში აღევლინა, მეუფე სტეფანესთან ერთად სწირავდნენ ახალციხისა და ტაო-კლარჯეთის მიტროპოლიტი- თეოდორე, ხონისა და სამტრედიის მიტროპოლიტი- საბა, გორისა და ატენის მიტროპოლიტი- ანდრია, მესტიისა და ზემო სვანეთის მიტროპოლიტი -ილარიონი, წალკელი ეპისკოპოსი- გრიგოლი, ნიკორწმინდელო ეპისკოპოსი- ვახტანგი, სასულიერო პირები.წირვას ესწრებოდნენ რაჭა-ლეჩხუმ- ქვემო სვანეთის სახელმწიფო რწმუნებული- პაპუნა მარგველიძე, მოადგილე- ლევან ზალკალიანი და ცაგერის მუნიციპალიტეტის საკრებულოს თავმჯდომარე ჭაბუკი ჭაბუკიანი, მერის მოადგილეები ალუდა თუთისანი და რევაზ ახვლედიანი.საზეიმო ღონისძიებამ კულტურის ცენტრში გადაინაცვლა, სიტყვით გამოვიდნენ და მეუფეს მღვდელმთავრად კურთხევის დღე მიულოცეს ხელნაწერთა ინსტიტუტის ხელმძღვანელმა ზაზა აბაშიძემ, აკადემიკოსმა ვალერი ასათიანმა, აკადემიკოსმა თამაზ შილაკაძემ, მეცნიერებმა, სასულიერო პირებმა, საზოგადოების წარმომადგენლებმა.საზეიმო ღონისძიებაში მონაწილეობდნენ ქორეოგრაფიული ანსამბლები ,,ლეჩხუმი", ,,ახალი თაობა",კულტურის ცენტრთან არსებულო კამერული გუნდი, ინდივიდუალური შემსრულებლები, წმინდა ილია მართლის გიმნაზიის აღსაზრდელები.ცაგერის მერია ულოცავს მეუფე სტეფანეს დღესასწაულს, დიდხანს ყოფილიყოს მეუფება მისი.

ლენტეხობა

რეგიონი 1663591653

ლენტეხის მუნიციპალიტეტში ტრადიციული, სახალხო დღესასწაული „ლენტეხობა 2022“ აღინიშნა

მრავალწლიანი პაუზის შემდეგ წელს, „ლენტეხობა“ განსაკუთრებით მასშტაბურად და გრანდიოზულად ჩატარდა. დილიდან, სადღესასწაულო წირვა აღავლინა და ტრაპეზი აკურთხა ცაგერ-ლენტეხის და ჭყონდიდის ეპარქიის მთავარეპისკოპოსმა, მეუფე სტეფანემ, მეცენატის, გოგი ლიპარტელიანის ქველმოქმედებით აშენებულ დავით აღმაშენებლის სახელობის საკათედრო ტაძარში.დაბა ლენტეხში გამართულ სახალხო ზეიმზე, მუნიციპალიტეტის ცენტრალურ მოედანზე დილიდანვე ხალხმრავლობა იყო.თემების მიხედვით, სპეციალურად, მოწყობილ „ფაცხებში“ წარმოდგენილი იყო სოფლის ნობათი-ხილი, ბოსტნეული, ადგილობრივი სამზარეულო, მოეწყო კულინარიული და ეთნოგრაფიული ნიმუშების გამოფენა-გაყიდვები.„ლენტეხობა-2022“-ის ფარგლებში, ჩატარდა სხვადასხვა კულტურული ღონისძიებები, გაიმართა ჩოხოსნების მარში და დაბა ლენტეხის კურთხევა, მოეწყო პატარების მოდების ჩვენება, მუსიკალური სანახაობები, წაიკითხეს ლექსები და აირჩიეს საპატიო მოქალაქეები.მოზეიმე ხალხს შეუერთდნენ მოწვეული სტუმრები, რომლებმაც დაათვალიერეს პავილიონები, დააგემოვნეს სვანური სამზარეულო, დალოცეს მასპინძლები და მოისმინეს მათი გულწრფელი ლოცვა.დღესასწაულს დაესწრნენ და საზოგადოებას ლენტეხობა მიულოცეს: მხარის რწმუნებულ-გუბერნატორმა პაპუნა მარგველიძემ,გუბერნატორის პირველმა მოადგილე ქრისტინე კობახიძემ, ლენტეხის მუნიციპალიტეტის მერმა გია ონიანმა, საკრებულოს თავმჯდომარე გიორგი გაზდელიანმა. ღონოსძიებას ასევე, ესწრებოდნენ სამხარეო ადმინისტრაციაში შემავალი მუნიციპალიტეტის მერები, საკრებულოს თავმჯდომარეები, ადგილობრივი ხელისუფლების სხვა წარმომადგენლები და მოწვეული სტუმრები.ლენტეხის საპატიო მოქალაქის წოდება მიენიჭა ოთხ მოქალაქეს: თემური ბაბლუანს, გურამ გუნავას, ვახტანგ ონიანს და დიმიტრი აბდუშელიშვილს, რომელმაც რაიონს საჩუქრად თანამედროვე სტანდარტებით აღჭურვილი რეანიმობილი გადასცა.მადლობის სიგელები გადაეცათ ღვაწლმოსილ პედაგოგებსა და ექიმებს: ციური ჯანხოთელს, ნოდარ ბაბლუანს, ნორა ავალიანს, ანიკო ლიპარტელიანს, ნანუშა მუსელიანს, ნაზიკო ფერელიანს და გიული ტვილდიანს.„ლენტეხობა-2022“ გალა კონცერტითა და გრანდიოზული ფოიერვერკით დასრულდა.