პოლიტიკა • 1773605990

მიხეილ ყაველაშვილი: ვერ დამისახელებთ ვერც ერთ აქციას, რომელიც მშვიდობიანი იყო და ძალადობით ჩაახშო ხელისუფლებამ. გამორიცხულია, არ არსებობს და ეს ხომ სიმართლეა, ამას ხედავს ჩვენი საზოგადოება

საქართველოს პრეზიდენტმა, მიხეილ ყაველაშვილმა გადაცემაში „იმედის კვირა“ ეუთოს საპარლამენტო ასამბლეის პრეზიდენტთან შეხვედრის თაობაზე ისაუბრა.პრეზიდენტის თქმით, ვერ დაასახელებენ ვერც ერთ აქციას, რომელიც მშვიდობიანი იყო და ძალადობით ჩაახშო ხელისუფლებამ.„ვესაუბრე, მანდ მოყვანილ თემებზე, სადაც არის, თითქოს გამოვლენილ ძალადობაზე. როცა ძალადობს აქცია და ის რაც ხდებოდა, პარლამენტში შეჭრაზე, პიროტექნიკის გამოყენება, ქვების სროლა, მოლოტოვის კოქტეილები, ამას ხომ ვერ გაურბიან და ის, რაც მერე ქმედება მოჰყვება ამას პოლიციის მხრიდან, ეს ამის საპირწონედ ხდება და ვერ დამისახელებთ ვერც ერთ აქციას, რომელიც მშვიდობიანი იყო და ძალადობით ჩაახშო ხელისუფლებამ. გამორიცხულია, არ არსებობს და ეს ხომ სიმართლეა, ამას ხედავს ჩვენი საზოგადოება, - განაცხადა გადაცემაში „იმედის კვირა“ საქართველოს პრეზიდენტმა, მიხეილ ყაველაშვილმა.მანვე აღნიშნა, რომ მოსკოვის მექანიზმის ამოქმედებას ევროკავშირის უმეტესმა ქვეყანამ მხარი არ დაუჭირა.„თვითონ ევროკავშირში, ამ აქტთან დაკავშირებითაც უფრო მეტმა ქვეყანამ მხარი არ დაუჭირა. საზოგადოებას შეუძლია მარტივად ნახოს ეს ქვეყნები. ეს ქვეყნები ხომ ევროპის ქვეყნებია, ეს ქვეყნები ხომ უნდა განიხილო როგორც შენი პარტნიორი, ესე იგი ამ ქვეყნებთან მჭიდრო ურთიერთობები უნდა გააგრძელო და დაამყარო.ეუთოს საპარლამენტო დელეგაციამ შეაფასა, რომ ძალადობა მიუღებელია. ორჯერ ორი ოთხია, ძალადობა მიუღებელია, რომელიც ვერ დავაცდენინეთ ევროკავშირის ელჩს, მაგრამ მიზეზები ხომ ვიცით რატომ არ საუბრობენ, იმიტომ, რომ ერთი ძალა იყო ამისთვის მოტივირებული, რომ ხელისუფლება ძალადობრივი გზით დაემხოთ და გვახსოვს ჩვენ სხვადასხვა ევროპელი ლიდერის გულშემატკივრობა, 4 ოქტომბერზე მაქვს საუბარი. ამიტომ ეს ყველაფერი ნათელია, ჩვენ არ ვჩერდებით მუდმივად მზად ვართ როგორც ამ პრეზიდენტთან, ამ ადამიანთან გვქონდა კომუნიკაცია, ასევე ვართ მზად ნებისმიერ ინსტიტუციასთან, ვინც არ უნდა იყოს, ნებისმიერი ევროკავშირის ქვეყანა და ვაგრძელებთ კიდევაც. გვყავს ჩვენ მხარდამჭერები, ვინც ამ სიმართლეს აღიარებენ და ხმამაღლა იცავენ ჩვენს პოზიციებს და საუბრობენ, კიდევ მეტი გულშემატკივარიც გაჩნდება თუ ჯანსაღი პროცესი უნდათ რომ განვითარდეს ევროკავშირში, მაგრამ თუ ეს ძალა შეინარჩუნებს ხელისუფლებას და ამდაგვარი, ამ სამარცხვინო რეზოლუციებით, სამარცხვინო ფეიქ ნიუსებით და შეთითხნილი აქტებით უნდათ მოქმედება ამას ხომ მსოფლიო საზოგადოებაც ხედავს და ეს უკვე ჩვენი შეფასება აღარ არის, ჩვენ შეფასებებს გადაასწრო მაგალითად აშშ-ის ადმინისტრაციის შეფასებებმა, პირდაპირ სტრატეგიულ აქტში ჩაწერეს, თუ ევროპა ასე გააგრძელებს, ევროპას ემუქრება განადგურება და ეს განადგურება რის საპასუხოდ არის? ზუსტად ასეთი ქმედებების, ასეთი სამარცხვინო, უპასუხისმგებლო ხალხის ქმედებების, რომლებიც ევროპის სახელით ამ ქმედებებს ჩადიან, აი ეს უქადის ევროპას დაღუპვას, ეს ხალხი ერთად არიან და ჩვენ არ ჩავყვებით ამ ევროპის დაღუპვას, - განაცხადა მიხეილ ყაველაშვილმა.

მსოფლიო • 1773572125

მათ კლინიკა და მისი მთელი პერსონალი დაბომბეს... - ასეულობით დაღუპულს შორს 106 ბავშვია

ლიბანის ჯანდაცვის სამინისტროს მონაცემებით, ომის დაწყებიდან, ქვეყანაში, სულ მცირე 826 ადამიანი დაიღუპა, მათ შორის 106 ბავშვი. 2000-ზე მეტი დაშავდა. ინფორმაციას abc ავრცელებს.მხოლოდ შაბათს, 53 ადამიანი დაიღუპა და 76 დაშავდა. ჯანდაცვის სამინისტრომ ასევე განაცხადა, რომ ხუთი საავადმყოფო იძულებული გახდა დახურულიყო. ამასთან, მათივე ინფორმაციით, სასწრაფო დახმარების სამსახურებზე 37 თავდასხმა განხორციელდა და ჯანდაცვის 31 თანამშრომელი დაიღუპა.ღაზას სექტორში დახმარების გაწევის წამყვანმა სამედიცინო ორგანიზაციამ, MedGlobal-მა, ახალი საჰაერო დარტყმა დაგმო, რომლის შედეგადაც სამხრეთ ლიბანში სულ მცირე 12 სამედიცინო მუშაკი დაიღუპა, რასაც მთელი ქვეყნის მასშტაბით სამედიცინო დაწესებულებებზე განმეორებითი თავდასხმები მოჰყვა."მათ კლინიკა და მისი მთელი პერსონალი დაბომბეს", - განაცხადა MedGlobal-ის ლიბანის დირექტორმა, დოქტორმა ტანია ბაბანმა.

საზოგადოება • 1773560817

საქართველოს თავდაცვის ძალებში არტილერიის დღე აღინიშნა

საქართველოს თავდაცვის ძალები 15 მარტს არტილერიის დღეს აღნიშნავს. საიუბილეო ღონისძიებები ვაზიანის მე-5 და ხონის მე-6 საარტილერიო ბრიგადების სამხედრო ბაზებზე ჩატარდა.მე-5 საარტილერიო ბრიგადაში გამართულ საზეიმო ღონისძიებაზე არტილერისტებს პროფესიული დღე საქართველოს თავდაცვის ძალების აღმოსავლეთის სარდლობის სარდალმა, ბრიგადის გენერალმა როლანდ ძნელაძემ მიულოცა. მე-6 საარტილერიო ბრიგადის სამხედრო მოსამსახურეებს, ასევე სიტყვით მიმართა დასავლეთის სარდლობის სარდალმა, ბრიგადის გენერალმა კობა გრიგოლიამ. მათ თავდაცვის ძალებისთვის არტილერიის მნიშვნელობაზე ისაუბრეს.არტილერიის დღეს, სამხედრო მოსამსახურეები უწყებრივი მედლებით -„გენერალი კვინიტაძე“, „სამშობლოსთვის თავდადებული“, „გიორგი ანწუხელიძე“ და სამახსოვრო საჩუქრებით დაჯილდოვდნენ.თავდაცვის ძალების წარმომადგენლებმა საქართველოს ტერიტორიული მთლიანობისთვის ბრძოლებში დაღუპულ გმირთა ხსოვნას პატივი მიაგეს.საარტილერიო ბრიგადებმა სამხედროების ოჯახის წევრებსა და სკოლის მოსწავლეებს უმასპინძლეს. სტუმრებს სამხედრო ბაზებზე გამოფენილი სამხედრო ტექნიკის დათვალიერებისა და გასართობ ღონისძიებებში მონაწილეობის საშუალებაც ჰქონდათ.

რჩევები • 1773522108

როგორ მოქმედებს გუშინდელი ადუღებული წყლის დალევა ორგანიზმზე - სპეციალისტების გაფრთხილება და რეკომენდაცია

წყლის ადუღება ეფექტურად ანადგურებს მიკროორგანიზმებსა და პარაზიტებს და არ წარმოქმნის მავნე ან კანცეროგენურ ნივთიერებებს. პრობლემა ჩნდება უკვე შენახვის შემდეგ.ბევრს ჩვევად აქვს, ღამით საწოლთან დატოვოს ჭიქა ადუღებული წყალი და დილით დალიოს. მაგრამ რამდენად უსაფრთხოა წყლის დალევა, რომელიც რამდენიმე საათის განმავლობაში ღიად იდგა?ბიოტექნოლოგიისა და კვების ტექნოლოგიების ინსტიტუტის ყოფილი ლექტორი, ნგუენ დუი ტხინი განმარტავს, რომ ზოგიერთ ქვეყანაში მიღებულია წყლის ადუღება, გაგრილება და მისი გამოყენება რამდენიმე დღის განმავლობაში. ასეთი პრაქტიკა შეიძლება სარისკო იყოს, განსაკუთრებით მაშინ, თუ ძველ წყალს ახალს უმატებენ. რატომ არ არის დიდი ხნით დაყენებული წყალი საუკეთესო არჩევანიადუღება ეფექტურად ანადგურებს მიკროორგანიზმებსა და პარაზიტებს და არ ქმნის მავნე ან კანცეროგენურ ნივთიერებებს. პრობლემა სწორედ შენახვის ეტაპზე იწყება.ადუღებისას დაღუპული მიკროორგანიზმები იშლება ორგანულ ნივთიერებებად. დროთა განმავლობაში ისინი შეიძლება გადაიქცეს „საკვებ გარემოდ“ ახალი ბაქტერიებისთვის, რომლებიც წყალში ჰაერიდან ან გარემო ზედაპირებიდან ხვდება. ღია ჭურჭელი ზრდის მეორეული დაბინძურების რისკს, განსაკუთრებით მაშინ, თუ წყალი მთელი ღამე დგას.რა ხდება გაფილტრულ წყალთანფილტრი შენახვის პრობლემას ვერ აგვარებს. თუ გაფილტრული წყლის ჭიქა ღიად დარჩა მთელი ღამე, ექსპერტები მის დალევასაც არ გვირჩევენ. მნიშვნელოვანია კიდევ ერთი წესი: ფილტრები დროულად უნდა შეიცვალოს, წინააღმდეგ შემთხვევაში წყლის ხარისხი კიდევ უფრო სწრაფად უარესდება.ზოგი ამჩნევს, რომ „გუშინდელი“ წყლის გემო იცვლება. ეს ჰაერიდან ნახშირორჟანგის შთანთქმის გამო ხდება. თავად ეს პროცესი საშიში არ არის, თუმცა მიანიშნებს, რომ წყალი დიდი ხნის განმავლობაში იყო კონტაქტში გარემოსთან.როგორ შევინახოთ სწორად ადუღებული წყალი სპეციალისტები გვირჩევენ:გაცივებული ადუღებული წყალი დალიოთ ერთი დღის განმავლობაში;არ დატოვოთ წყალი ღიად მთელი ღამე;არ დაამატოთ ახალი წყალი ძველს;შეინახოთ წყალი სუფთა, სტერილიზებულ მინის ჭურჭელში;ჭურჭელი მჭიდროდ დახურული გქონდეთ სუფთა ადგილზე.დოქტორ ტხინის თქმით, ყველაზე საიმედო ვარიანტია ადუღოთ ზუსტად იმდენი წყალი, რამდენის დალევასაც დღის განმავლობაში გეგმავთ, და არ დატოვოთ „მოგვიანებისთვის“.

ტაბლოიდი • 1773495376

„სანამ სცენაზე ვიდგები, ყოველთვის „ინათებს“ ჩემი თეოს სახელი - დათო კენჭიაშვილის ემოციური შესრულება

7 მარტს, გურჯაანის კულტურის ცენტრში მომღერლისა და კომპოზიტორის, დათო კენჭიაშვილის სოლო კონცერტი გაიმართა.დათო კენჭიაშვილმა, სიმღერა – „ინათებს“ 2010 წელს ტრაგიკულად დაღუპული თეონა ქუმსიაშვილის ხსოვნას მიუძღვნა.„სანამ სცენაზე ვიდგები, ყოველთვის „ინათებს“ ჩემი თეოს სახელი.„ინათებს“ – ტექსტის და მუსიკის ავტორი: თეონა ქუმსიაშვილი“, – წერს დათო კენჭიაშვილი სოციალურ ქსელში და კონცერტზე გადაღებულ ვიდეოს აქვეყნებს. 

მსოფლიო • 1773492482

ირანში სამხედრო ოპერაციის შედეგად სულ მცირე 42 914 სამოქალაქო ნაგებობა დაზიანდა - მთავრობის წარმომადგენელი

ირანში აშშ-ისრაელის სამხედრო ოპერაციის შედეგად სულ მცირე 42 914 სამოქალაქო ნაგებობა დაზიანდა, განაცხადა მთავრობის წარმომადგენელმა.მათგან, 36 489 საცხოვრებელი შენობა იყო, 43 - სასწრაფო დახმარების ბაზა, დასძინა პრესმდივანმა. ამასთან, დაზიანებულია სულ მცირე 120 სკოლა.სამშაბათის მონაცემებით, ირანში 1 300-ზე მეტი ადამიანი დაიღუპა, გაეროში ირანის ელჩმა. თუმცა, აშშ-ში დაფუძნებული ადამიანის უფლებათა დამცველი აქტივისტების საინფორმაციო სააგენტოს (HRANA) ცნობით, დაღუპულთა რიცხვი შესაძლოა მნიშვნელოვნად მაღალი იყოს: სულ მცირე 1858.მედიის ცნობით, ირანის ხელისუფლებას ოფიციალური მონაცემები ერთ კვირაზე მეტი ხანია არ განუახლებია.გაეროს ლტოლვილთა სააგენტოს მონაცემებით, ირანში 3.2 მილიონამდე ადამიანია იძულებით გადაადგილებული. გაერომ დასძინა, რომ ყველაზე დაუცველები არიან მიგრანტი მუშები და ლტოლვილთა ოჯახები, რომლებიც რეგიონში მომხდარი სხვა ომით განადგურებული ქვეყნებიდან არიან.

სამართალი • 1773483621

„მიშა ძილში ჩაცხრილეს...“ - რა დეტალებია ცნობილი დუშეთის მკვლელობაზე

სასტიკი მკვლელობა მოხდა დუშეთში რამდენიმე დღის წინ. მეუღ‐ ლის თვალწინ მოკლეს 42 წლის მიშა ჩოხელი. მკვლელობა 10 მარტს მოხდა. შინაგან საქმეთა სამინისტროს ინფორმაციით ცნობით, ბრალდე‐ ბულებმა შურისძიების მოტივით, განსაკუთრებული სისასტიკით, დაზარალებულს მეუღლის თანდასწრებით, ცეცხლსასროლი იარა‐ ღიდან გასროლით ჭრილობა მიაყენეს და შემთხვევის ადგილი‐ დან მიიმალნენ.როგორც შსს-ს მიერ გავრცელებულ ინფორმაციაშია ნათქვამი, პოლიციამ ჩატარებული ოპერატიული ღონისძიებებისა და საგამო‐ ძიებო მოქმედებების შედეგად 1984 წელს დაბადებული ა.წ. და 1991 წელს დაბადებული ტ.ვ. დააკავეს.„მკვლელები ადგილობრივები, დუშელები არიან - აკო გოგოლაუ‐ რი და ტარიელ ვერძეული. ამბობენ, რომ მკვლელებს და მოკ‐ ლულს ადრე ჰქონდათ ერთმანეთში კონფლიქტი, ოღონდ, რას უკავშირდება არ ვიცით. მეგობრები ყოფილან და რას უკავშირდე‐ ბა დაპირისპირება, ვერ გეტყვით. ოჯახი არაფერს ლაპარაკობს. ვიცით ის, რომ მიშა ჩოხელი სოფელ საშაბუროში ცხოვრობდა ცოლ-შვილთან ერთად. მას მკვლელები შუაღამით დაადგნენ თავ‐ ზე და მძინარე ჩაცხრილეს ცოლის თვალწინ.მიშა 40-ს გადაცი‐ ლებულია და ძალიან აქებენ, უაღრესად პოზიტიური პიროვნება იყო. გოგოლაური ახალი გამოსულია ციხიდან, ადრეც მკვლელო‐ ბისთვისაა ნასამართლევი, უსაზიზღრესი პიროვნება. წარმოდგენა არავის აქვს, რისი გულისთვის გაიმეტეს მიშა“, - ამბობს დაღუპულის ახლობელი Ambebi.ge-სთან.გამოძიება სისხლის სამართლის კოდექსის 109-ე მუხლით მიმდი‐ ნარეობს, რაც 20-წლამდე ან უვადოდ თავისუფლების აღკვეთას ითვალისწინებს.

მსოფლიო • 1773435196

მზად ვართ, ისრაელთან ხანგრძლივი დაპირისპირებისთვის - „ჰეზბოლას“ ლიდერი

„ჰეზბოლა“ მზადაა, ისრაელთან ხანგრძლივი დაპირისპირებისთვის, – ამის შესახებ ლიბანური შიიტური დაჯგუფება „ჰეზბოლას“ ლიდერმა, ნაიმ ყასემმა განაცხადა.მისი თქმით, ისრაელი გაოცებული დარჩება ბრძოლის ველზე.შეგახსენებთ, რომ ირანის სულიერი ლიდერის ლიკვიდირების გამო შურის საძიებლად „ჰეზბოლამ“ ისრაელის მიმართულებით ცეცხლი 2 მარტს გახსნა, რასაც ისრაელის მხრიდან საპასუხო იერიშები მოჰყვა. შედეგად, ლიბანში 700-ზე მეტი ადამიანია დაღუპული.

მსოფლიო • 1773425019

ირანის ომში დაღუპულთა რიცხვი 2 000-ს გადაცდა - CNN

CNN-ის შეფასებით, ირანში მიმდინარე ომის შედეგად 2 000-ზე მეტი ადამიანი - მათ შორის სამოქალაქო პირები და სამხედრო პერსონალი - დაიღუპა, კონფლიქტი კი უკვე მე-14 დღეა გრძელდება.კონფლიქტის დაწყებიდან მოყოლებული, ირანში 1 300-ზე მეტი ადამიანი დაიღუპა - განაცხადა ოთხშაბათს ირანის ელჩმა გაეროში.უფრო ახალი მონაცემებით, რომლებიც აშშ-ში ბაზირებულმა „ადამიანის უფლებათა დამცველთა საინფორმაციო სააგენტომ“ (HRANA) გავრცელა, ეს რიცხვი ბევრად მაღალია.მათი შეფასებით, დაღუპულია სულ მცირე 1 858 ადამიანი, მათ შორის როგორც სამოქალაქო პირები, ასევე სამხედროები.ირანის ხელისუფლებას ოფიციალური მონაცემები ერთ კვირაზე მეტია არ განუახლებია.ლიბანის საზოგადოებრივი ჯანდაცვის სამინისტროს პარასკევის მონაცემებით, მას შემდეგ, რაც ისრაელმა ქვეყანაზე იერიშები დაიწყო, სულ მცირე, 773 ადამიანი დაიღუპა. გარდაცვლილთა შორის 103 ბავშვია.ისრაელში, სულ მცირე, 15 ადამიანი დაიღუპა, მათ შორის, ორი ისრაელელი ჯარისკაცი, რომლებიც სამხრეთ ლიბანში დაიღუპნენ.კონფლიქტის დაწყებიდან მოყოლებული, ჯამში აშშ-ის შეიარაღებული ძალების 13 სამხედრო მოსამსახურე დაიღუპა. მათ შორის არის ექვსი სამხედრო, რომლებიც ხუთშაბათს, ერაყში, საწვავის გადამზიდი თვითმფრინავის ჩამოვარდნის შედეგად დაიღუპნენ.

მსოფლიო • 1773419947

„ისლამური რევოლუციის გუშაგთა კორპუსი“ აცხადებს, რომ „ჰეზბოლასთან“ ერთად ისრაელზე სარაკეტო თავდასხმები განახორციელა

ირანის „ისლამური რევოლუციის გუშაგთა კორპუსი“ აცხადებს, რომ „ჰეზბოლასთან“ ერთად ისრაელზე სარაკეტო თავდასხმები განახორციელა. ინფორმაციას ირანის სახელმწიფო საინფორმაციო სააგენტო Tasmin ავრცელებს.მათივე ცნობით, „ისლამური რევოლუციის გუშაგთა კორპუსის“ საზღვაო ძალებიც ლიბანურ შეიარაღებულ დაჯგუფებასთან ერთად ერთობლივ ოპერაციას ატარებენ.ამასთან, „ბიბისი“ წერს, რომ თელ-ავივში, ცენტრალურ ისრაელსა და დასავლეთ სანაპიროს ნაწილებში საჰაერო განგაში გამოცხადდა.თავდასხმის შედეგად დაღუპულების ან ზარალის შესახებ ინფორმაცია ჯერჯერობით არ გავრცელებულა.

მსოფლიო • 1773413041

აშშ-ის ცენტრალური სარდლობის ცნობით, ერაყში საწვავის შემავსებელი თვითმფრინავის ჩამოვარდნის შედეგად ეკიპაჟის ექვსივე წევრი დაიღუპა

ერაყში საწვავის შემავსებელი თვითმფრინავის ჩამოვარდნის შედეგად ეკიპაჟის ექვსივე წევრი დაიღუპა.ამის შესახებ ინფორმაციას აშშ-ის ცენტრალური სარდლობა ავრცელებს.მანამდე, აშშ-ის ცენტრალურმა სარდლობამ გაავრცელა ინფორმაცია, ეკიპაჟის ექვსი წევრიდან ოთხის დაღუპვის შესახებ. სარდლობის ცნობით, მიმდინარეობს ინციდენტის გარემოებების გამოძიება. მათივე ინფორმაციით, დაღუპულთა ვინაობა 24 საათის განმავლობაში არ გასაჯაროვდება, იქამდე, ვიდრე ნათესავებს მომხდარის შესახებ არ შეატყობინებენ.მედიაში გავრცელდა ინფორმაცია, რომ აშშ-ის სამხედრო თვითმფრინავის ჩამოგდებაზე პასუხისმგებლობა ირანის მიერ მხარდაჭერილმა ერაყულმა დაჯგუფება „ერაყის ისლამურმა წინააღმდეგობამ“ აიღო. დაჯგუფების განცხადებაში აღნიშნულია, რომ KC-135 ტიპის თვითმფრინავი „ქვეყნის სუვერენიტეტისა და საჰაერო სივრცის დასაცავად“ ჩამოაგდეს.ცნობისთვის, ამერიკული მხარის ინფორმაციით, 12 მარტს ერაყში ჩამოვარდა KC-135 ტიპის სამხედრო თვითმფრინავი. როგორც აშშ-ის ცენტრალურმა სარდლობამ განმარტა, შემთხვევასთან არც მტრის ცეცხლი და არც მეგობრული ცეცხლი არ ყოფილა დაკავშირებული.

მსოფლიო • 1773388612

პაკისტანმა ავღანეთში, ყანდაარის აეროპორტთან ახლოს ავიაკომპანიის საწვავის საწყობი დაბომბა

პაკისტანმა ავღანეთში, ყანდაარის აეროპორტთან ახლოს ავიაკომპანიის საწვავის საწყობი დაბომბა. „თალიბანის“ განცხადებით, კერძო ავიაკომპანია Kam Air-ის საწვავის საწყობი დაბომბა.„კომპანია Kam Air საწვავით ამარაგებს სამოქალაქო ავიაკომპანიებს, ასევე გაერო-ს თვითმფრინავებს“, – განაცხადა თალიბანის სპიკერმა, ზაბიჰულა მუჯაჰიდმა.მისივე თქმით, პაკისტანმა ასევე იერიში მიიტანა ავღანეთის სხვა რაიონებში, მათ შორის დედაქალაქ ქაბულსა და პაქტიაში.„თალიბანის“ ადმინისტრაცია აცხადებს, რომ მშვიდობიანი მოსახლეობის სახლები განადგურდა და დაღუპულთა შორის ქალები და ბავშვები არიან. „თალიბანის“ მთავრობამ ასევე განაცხადა, რომ ერთი ოჯახის ოთხი წევრი, მათ შორის ორი ბავშვი აღმოსავლეთ ავღანეთში პაკისტანის მხრიდან ცეცხლის შედეგად დაიღუპა.ცნობისთვის, პაკისტანსა და ავღანეთს შორის დაპირსპირება თებერვლის ბოლოს განახლდა. „თალიბანმა“ პაკისტანს ავღანეთის ქალაქებზე, ქაბულსა და ყანდაარზე დარტყმების განახორციელებაში დასდო ბრალი, პაკისტანის ინფორმაციის სამინისტროს განცხადებით კი, „თალიბანმა“ ცეცხლი ხაიბერ-პახტუნხვას პროვინციის რამდენიმე სექტორში გახსნა, რის საპასუხოდაც პაკისტანის ჯარებმა „დაუყოვნებლივი და ეფექტური რეაგირება მოახდინეს“.