უკრაინაში გარდაცვლილ 2 ქართველს საქართველოში პოლონეთიდან გადმოასვენებენ - საქართველოს ელჩი

საქართველოს საგანგებო და სრულუფლებიანი ელჩი უკრაინაში, მუდმივი წარმომადგენელი სუამ-ში გიორგი ზაქარაშვილი საქართველოს მოქალაქეების უკრაინიდან ევაკუაციაზე საუბრობს.

მისივე განმარტებით, დაახლოებით 2 000 საქართველოს მოქალაქე უკვე გაყვანილია სხვადასხვა მიმართულებით.

მან ასევე გარდაცვლილ ქართველ ჯარისკაცებზე ისაუბრა და აღნიშნა, რომ დღემდე გარდაცვლილ 2 სამხედროს ჯერ ლვივში, შემდეგ კი - პოლონეთიდან საქართველოში გადმოასვენებენ. 

„ტექნიკური მხარე ფაქტობრივად ყველაფერი დალაგებული და გარკვეულია. მოხდება ვარშავაში ცხედრების გადასვენება, სადაც უკვე პოლონეთში ჩვენი საელჩო ჩაერთვება და მოხდება საქართველოში გადაყვანა სავარაუდოდ თვითმფრინავით,"- აცხადებს გიორგი ზაქარაშვილი.