„... თუ სადმე ამ პოსტს გადააწყდი, აუცილებლად შემეხმიანე“ - ვის ეძებს მომღერალი ზურა მანჯავიძე

ზურა მანჯავიძე ტაქსის მძღოლს ეძებს. მომღერალი წერს, რომ უცნობი ადამიანი დაეხმარა და მადლობაც ვერ გადაუხადა. 

"დღეს ასეთი ამბავი გადამხდა თავს: მივდივარ ბათუმში მატარებლით. დრო საცობების გათვალისწინებით გავთვალე და გამოვედი, მაგრამ ჰოი საოცრება! ტაქსები გაქრა.

თითქმის ნახევარი საათის შემდეგ, ძლივს გავაჩერე სანატრელი მანქანა და საბედნიეროდ, ისე ივაჟკაცა მძღოლმა, რომ ზუსტად მივასწარი მატარებელს, მაგრამ სიჩქარეში ტელეფონი ამომივარდა და რისთვისაც მივდიოდი ბათუმში, იმ ღონისძიების ჩატარება კითხვის ნიშნის ქვეშ დადგა, რადგან მთელი ინფორმაცია და კონტაქტები მობილურში მქონდა.

ამ განცდებში ვარ და ამ დროს დავინახე, ჩემი მხსნელი, ტაქსის მძღოლი, რომელიც ამ საშინელ სიცხეში, საოცარი სიჩქარით მორბის ბაქანზე, ჩემი ტელეფონით ხელში და ჩემ სახელს ხმამაღლა ყვირის. ჩემი სიხარული და გაოცება წარმოიდგინეთ. გადმომცა თუ არა, კარები დაიკეტა და წესიერად მადლობაც ვერ გადავუხადე. ერთადერთი ინფორმაცია - თეთრი „პრიუსი".

ძალიან მინდა ეს მაგარი ადამიანი ვიპოვნო და წესიერი მადლობა გადავუხადო. ჩემო უცნობო მხსნელო და მაგარო კაცო, თუ სადმე ამ პოსტს გადააწყდი აუცილებლად შემეხმიანე. მანამდე კი, საჯაროდ გიხდი ---- დიდ მადლობას! გაიხარე!!!" - წერს მომღერალი. 

ასევე დაგაინტერესებთ:

👉 ,,სანამ გაიაზრებს, რომ დედიკო არა ვარ, დაე, დამიძახოს” – ცხოვრება დიდი ტრაგედიის შემდეგ

👉 როგორ მიულოცა მეუღლემ ნინო ჩხეიძეს დაბადების დღე

👉 VIDEO: რატომ მივიდა სასწრაფო დახმარების ბრიგადა „პრაიმ ჰაუსში“

👉 რა რეაქცია მოჰყვა უცხოელებში ერთ-ერთ ცნობილ გვერდზე თეთრი და შავი არაგვის ფოტოს გამოქვეყნებას

👉 VIDEO: „44 წლის შემდეგ ახდენილი ოცნება“ - დედამ მკვდრად გამოცხადებული შვილი იპოვა