„თამარა გვერდწითელმა მაქსიმ გალკინსაც კი აჯობა“ - რას წერს რუსული პრესა მომღერალზე

„თამარა გვერდწითელმა თავის საქციელით მაქსიმ გალკინსაც კი აჯობა. მომღერალმა კარიერასთან დაკავშირებით უკომპრომისო გადაწყვეტილება მიიღო“ - ამის შესახებ რუსული გამოცემა წერს.

„რამდენიმე წლის წინ, პრესასთან საუბარში, გვერდწითელმა აღიარა, რომ არ არსებობდა გარემოებები, რომლებიც მას რუსეთთან „დააშორებდა“. თუმცა, გარკვეული პერიოდის შემდეგ, მან მკვეთრად შეცვალა პოზიცია. ცოტა ხნის წინ, ცნობილი გახდა, რომ გვერდწითელმა დაგეგმა ახალი ტური, სადაც რუსეთისთვის ადგილი არ მოიძებნა.

ისრაელში მისი კონცერტების განრიგი მიუთითებს იმაზე, რომ უახლოეს მომავალში მომღერალი აპირებს გაახაროს თავისი აუდიტორია ახალი, საიუბილეო პროგრამით. რუსეთში კონცერტები კი, ამ განრიგში არ არის“- წერს გამოცემა.

ისრაელში დაგეგმილ საიუბილეო კონცერტს რამდენიმე დღის წინ კიდევ ერთი რუსული გამოცემა გამოეხმაურა, „გვერდწითელმა ფულის შოვნის ახალი გზა იპოვა“ - დაწერა წლების განმავლობაში რუსეთში მოღვაწე ქართველ მომღერალზე ჟურნალისტმა.