როდის შეგიძლიათ თევზის მიღება შობის მარხვაში

საშობაო მარხვა ნელ-ნელა დასასრულისკენ მიდის, ექვს იანვრამდე გრძელდება და ლიტანიობის ღამეს ხსნილდება... 

საშობაო მარხვა ქრისტეშობის დღესასწაულისადმი მომზადების პერიოდია. ლეონ დიდი წერს: „მარხვის შენახვა წელიწადის ოთხივე დროში გვიხდება, რათა მთელი წლის განმავლობაში ვაცნობიერებდეთ, რომ განუწყვეტლივ ვსაჭიროებთ განწმენდას; რათა ჩვენს დაუდევარ ცხოვრებაში ყოველთვის ვცდილობდეთ მარხვითა და მოწყალების გაღებით შევმუსროთ ცოდვა, რომელიც მრავლდება ხორცის უძლურებითა და უწმინდური ზრახვებით“.

საშობაო მარხვა დაწესებულია იმისთვის, რომ ქრისტეშობის დღესასწაულისათვის თავი სინანულით, ლოცვითა და მარხვით განვიწმიდოთ, რათა წმიდა გულით, სულითა და სხეულით შევძლოთ მოწიწებით მივეახლოთ ამქვეყნად მოვლენილ ძე ღვთისას; გარდა ჩვეულებრივი ძღვენისა და მსხვერპლისა, მას ჩვენი წმიდა გული მივუძღვნათ.

ხანდახან ხდება, რომ ადამიანს მარხვის შენახვა უჭირს: ან ძალიან დასუსტებულია, ან ხნიერია, ან ავადაა და ექიმმა სპეციალური დიეტა დაუნიშნა. ასეთ შემთხვევაში არასამარხო პროდუქტის მიღება მარხვის დარღვევად არ ჩაითვლება, თუ მორწმუნე აიღებს ლოცვა-კურთხევას, რომელსაც იძლევა ან მღვდელმთავარი, ან მღვდელი. ამ ლოცვა-კურთხევის ძალით მორწმუნემ შეიძლება მიიღოს რძის ნაწარმი და ხორციც კი, თუ ეს აუცილებელია.

მარხვის შენახვა არაა სავალდებულო აგრეთვე ბავშვებისთვის 12 წლის ასაკამდე. თუ მშობლებს მაინც უნდათ ბავშვი თავიდანვე შეაჩვიონ მარხვას, ვურჩევთ ასე განსაჯონ: ბავშვისათვის ყოველდღიურად ხორცის მიღება არათუ სავალდებულო არ არის, არამედ მავნებელიცაა. ამიტომ მისი რეჟიმი ისე უნდა განვსაზღვროთ, რომ ხორცისგან განტვირთვის დღეები იყოს ოთხშაბათი და პარასკევი.

შობის მარხვა, 25 დეკემბრამდე, ხსნილია (ოთხშაბათი-პარასკევის გარდა) თევზით. პატრიარქის კურთხევით, თევზის მიღება შეგიძლიათ პირველ და ორ იანვარს...

ასევე დაგაინტერესებთ:

„პატრიარქის მომავალ სამყოფელში ოდნავ ბჟუტავდა სინათლე. კართან მოხუცი მონაზონი შეეგება... დეკემბრის ბოლო იყო, გარეთაც ციოდა და შიგნითაც...“ - უწმინდესის აღსაყდრების დღე

"ეს აბრეშუმის ფაჩუჩი ძალიან დიდი სიწმინდეა. ვინც დახმარებას სთხოვს, დასახმარებლად მასთან მიდის, ამიტომ ის ცვდება და წმინდანის უხრწნელ სხეულს, სამ-ოთხჯერ უცვლიან" - დღეს სპირიდონ ტრიმიფუნტელის ხსენების დღეა

"როგორ ვხვდები ახალ წელს და როცა უკვე 12-ს ბოლო წუთები აკლია..." - ელდინო საღარაძის წინასაახალწლო განწყობა

„საბრალო ერის კაცებმა არ იციან, როგორ ეხმარება მეტანიები სხეულსაც. ის აჯანსაღებს სახსრებს, აცილებს ზედმეტ წონას, ამშვიდებს“ - ბერი პაისის სასარგებლო რჩევები მეტანიებზე