„პურიც კი არ აქვთ... ულუფას იზოგავენ“ - საკვების და გათბობის გარეშე დარჩენილ ბავშვებს დახმარება სჭირდებათ

ქართველი პოეტი დიკა სალაყაია, საზოგადოებას, ოთხი მცირეწლოვანი ბავშვის, რომელთაც არც საჭმელი და არც გათბობის საშუალება არ აქვთ დახმარებას სთხოვს და სოციალურ ქსელში პოსტს აქვეყნებს:

„ერთი კვირაა მხოლოდ წიწიბურაზე არიან, ბავშვებს პურიც კი არ აქვთ და უპოვართა სახლიდან მოტანილ ულუფას იზოგავენ, ოთხი ანგელოზი… დიდები, პატარებს უთმობენო პურს!

დღეს გაზსაც გაუთიშავენ და შიმშილთან ერთად, სიცივეში დარჩებიან:( ახლა, ამ პატარებს სჭირდებათ ჩვენი თანადგომა)…

ანგარიშს ვდებ კომენტარებში. ვეცდები თქვენი თანადგომით, რაც შეიძლება სწრაფად მივიდეთ. დედის ნომერსაც დავდებ კომენტარებში, თუ ვინმეს მისვლა და დახმარების სურვილი გაგიჩნდებათ“ - წერს სალაყაია.