ონის მუნიციპალიტეტის მერის მოვალეობის შემსრულებელმა საჭიდაო დარბაზის მშენებლობა მოინახულა

ონის მუნიციპალიტეტის მერის დროებით მოვალეობის შემსრულებელმა, მერის პირველმა მოადგილემ - გიორგი ნოდარიშვილმა ქალაქის ცენტრში არსებული ბეერ-შევას სახელობის სკვერში, მიმდინარე საჭიდაო დარბაზის მშენებლობა მოინახულა.

პროექტი, საქართველოს მთავრობის მიერ „საპილოტე რეგიონების ინტეგრირებული განვითარების პროგრამის” ფარგლებში ხორციელდება. 

პროექტის ფარგლებში, აშენდება თანამედროვე სტანდარტების შესაბამისი ჭიდაობის დარბაზი, გათბობა-გაგრილების ვენტილაციის სისტემის, წყლისა და წყალარინების სისტემის და სახანძრო უსაფრთხოების გათვალისწინებთ. 

სამუშაოებს კონტრაქტორი კომპანია შპს “მტმ" ასრულებს.

აღნიშნული სამშენებლო სამუშაოებისთვის თანხები სახელმწიფო ბიუჯეტიდან გამოიყო, რომლის სახელშეკრულებო ღირებულება - 1 436 221 ლარს შეადგენს.

შეგახსენებთ, რომ აღნიშნულ შენობაში, ააიპ “ონის მუნიციპალიტეტის ბავშვთა და მოზარდთა სასპორტო სკოლის“ ჭიდაობის სექცია განთავსდება, რომელშიც 70 აღსაზრდელი ირიცხება, მათ შორის ევროპისა და მსოფლიოს პრიზიორები.