„ამ წუთას სალომეს არც ერთი სიტყვა არ არის ადეკვატური“ - ემიგრანტის ძმა საზოგადოებას მიმართავს

იტალიაში, ნაპოლში რამდენიმე დღით გაუჩინარებული გოგოს, სალომე ტეტუნაშვილის მისამართით გავრცელებულ ინფორმაციას მისი ძმა სოციალური ქსელით გამოეხმაურა.

ბადრი ტეტუნაშვილი საზოგადოებას გვერდში დგომისთვის მადლობას უხდის და განმარტავს, რომ მისი დის გაუჩინარების მიზეზებზე გავრცელებული ინფორმაცია სიმართლეს არ შეესაბამება, სიმართლის დადგენას კი ადვოკატები შეეცდებიან.

„მეგობრებო, ძალიან დიდი მადლობა, არც კი ვიცით სიტყვა მადლობა თუ ატარებს საკმარის შინაარსს, იმისთვის რაც ჩვენი ოჯახისთვის გააკეთეთ! მადლობა, რომ სალომეს პოვნაში დაგვეხმარეთ; მადლობა, რომ დედას არ ტოვებდით მარტო; მადლობა, რომ ყველა რისკზე მიდიოდით, რათა მიგეღოთ პასუხები...

სალომე ძალიან დიდი სტრესის ქვეშ არის, გთხოვთ ნუ გააკეთებთ გაუაზრებელ კომენტარებს.. ამ წუთას არცერთი მისი სიტყვა არ არის ადეკვატური და ნუ იმსჯელებთ მოგონილი ისტორიების შესაბამისად. ადვოკატი აუცილებლად ბოლომდე მიიყვანს გამოძიებას! მადლობა, მართლაც საამაყო ხალხი ხართ. მშვიდობას და სამშობლოში მალე დაბრუნებას გისურვებთ,"- ბადრი ტეტუნაშვილი.