ყაზახეთის ექსმინისტრის მიერ მოკლული სალტანატის შესახებ ახალი ინფორმაცია ვრცელდება

ტექნოლოგიური კომპანია Citix-ისა და სარეკლამო სააგენტო GForce Grey-ის Instagram გვერდებზე გავრცელებული ინფორმაციით, ყაზახეთში შეიქმნა პირველი ციფრული პროექტი „სალთანათის შუქი“, რომელიც რეალურ დროში აჩვენებს ოჯახური ძალადობის შემთხვევებს.

პროექტი დაასახელეს სალთანათ ნუკენოვას პატივსაცემად — ქალი, რომელიც ყოფილი მეუღლის, ყაზახეთის ექს-მინისტრ ქუანდიკ ბიშიმბაევის, ხელით იქნა მოკლული.

ახლა კი ალმათიში მდებარე 60-იანი წლებიდან მოყოლებული არსებული ნეონის წარწერა „Салтанат“ (სალთანათი) გადაიქცა განგაშის სიმბოლოდ. ყოველ ჯერზე, როდესაც სისტემა აფიქსირებს ოჯახური ძალადობის შემთხვევას, წარწერა იწყებს ციმციმს. ამავდროულად, სიგნალი გადის Citix-ის 100-ზე მეტ ციფრულ ეკრანზე მთელ ყაზახეთში.

პროექტი შექმნილია ხელოვნური ინტელექტის გამოყენებით, რომელიც ამუშავებს ინფორმაციას ახალი ამბებიდან, სოციალურ ქსელებში გამოქვეყნებული პოსტებიდან, კრიზისულ ცენტრებში მიმართვებიდან და ანონიმური ისტორიებიდან, რომლებიც შემოდის Telegram-ბოტით: @Saltanat_Light. ეს ბოტი წარმოადგენს დახმარების ინსტრუმენტს — როგორც ავტორები ამბობენ, ის აძლევს დაზარალებულებს მითითებებს, სად უნდა მიმართონ და როგორ იცავს მათ კანონი.

პროექტის მიზანია არა მხოლოდ ძალადობის მასშტაბების ჩვენება, არამედ რეალური დახმარების მიცემა დაზარალებულებისთვის Telegram-ბოტის მეშვეობით.

პროექტი ერთი თვის განმავლობაში გაგრძელდება და აპრილის ბოლოს შეაჯამებს სტატისტიკას. სპეციალურ ეკრანებზე გაჩნდა სხვა დაზარალებულების სახელებიც.