ცნობილია ვინ არის კაცი, რომელმაც ცოლი მოკლა და შვილს დაზიანება მიაყენა

კაცს, რომელსაც ცოლის მოკვლას ედავებიან, პროკურატურამ ბრალი უკვე წაუყენა. უწყების ცნობით, შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ 19 აგვისტოს, სოფელ სადახლოში, ქმარმა ოჯახური კონფლიქტის ნიადაგზე ცოლს დანით, გულმკერდის არეში სიცოცხლისთვის სახიფათო დაზიანება მიაყენა. დაზარალებული, მიყენებული ჭრილობების შედეგად საავადმყოფოში მიყვანამდე გარდაიცვალა.

"კურიერმა" სადახლოში მეუღლის განზრახ მკვლელობისთვის დაკავებული მამაკაცის ვინაობა გაარკვია - ის არის 55 წლის ავაზ ხალიევი, რომელსაც ბრალი ოფიციალურად გააცნეს და რამდენიმე საათში რუსთავის სასამართლო მის აღკვეთის ღონისძიებაზე იმსჯელებს.

ცნობილია, რომ სასამართლო სხდომაზე, პროკურატურა მამაკაცის პატიმრობაში დატოვებას მოითხოვს.

რაც შეეხება მომხდარს, ოფიციალურ მოტივად მეუღლესთან კონფლიქტი სახელდება. ადგილობრივები საუბრობენ იმაზეც, რომ მამაკაცს, შესაძლოა, ფსიქიკური პრობლემები ჰქონოდა, ვინაიდან ის გარკვეული დროის განმავლობაში ფსიქიატრიულ კლინიკაში მკურნალობდა. ის სულ რამდენიმე დღის გამოწერილი იყო კლინიკიდან, მას ქირურგიული ჩარევა ესაჭიროებოდა. მამაკაცმა სწორედ ამ პერიოდში მოკლა საკუთარი მეუღლე.

ადგილობრივების ინფორმაციით, შემზარავ დანაშაულს მოკლულის ვაჟიც ესწრებოდა, რომელიც მამის შეკავებას ცდილობდა და ამ დროს მანაც მიიღო დაზიანება.

ერთ-ერთი ვერსიით, მას შემდეგ, რაც მამაკაცმა მეუღლე მოკლა, თვითმკვლელობაც სცადა, რაშიც შვილმა შეუშალა ხელი. ამის შემდეგ, ცხელ კვალზე 55 წლის ავაზ ხალიევი პოლიციამ დააკავა.

"ადგილობრივებმა აღნიშნეს, რომ მამაკაცს ჰქონია ფსიქოლოგიური პრობლემა და ის მკურნალობდა საავადმყოფოში. ჯანმრთელობის პრობლემის გამო გაუშვეს რამდენიმე დღით სახლში. ცოლი ეუბნებოდა, რომ შენი წამალი დალიეო, არ მოეწონა ეს მიმართვა და გაღიზიანებულა, აიღო დანა და დაარტყა. თვითონაც ცდილობდა დაზიანება საკუთარ თავზე მიეყენებინა, ხელი მისმა შვილმა შეუშალა. როგორც ვიცი პატარა დაზიანება მის შვილსაც აქვს. ამის შემდეგ დააბრუნეს კლინიკაში," - განაცხადა სამოქალაქო აქტივისტმა და უფლებადამცველმა სამირა ბაირამოვამ.

ასევე ნახეთ:

უნიკალური ოპერაცია - ადამიანის ორგანიზმში ერთი თვის წინ ღორის თირკმელი გადანერგეს და გამართულად მუშაობს

„დედამ 400 მანეთად გამყიდა, გაგვაშვილა ოთხი გოგონა და ტყუპი ქალ-ვაჟი...“ - დაუჯერებელი ამბავი ქალზე, რომელიც და-ძმებს ეძებს

ვინ არის ვიქტორ სანიკიძის უმშვენიერესი მეუღლე

„ფინანსური დანაკარგების კვირაა...“ - ვის აფრთხილებს ასტროლოგი

VIDEO: „აი, ქართველი დედამთილი...“ - რა ვიდეოს აქვეყნებს ნეკა დოროყაშვილი

VIDEO: „საქმეები დროულად მოაგვარეთ...“ - ასტროლოგის რეკომენდაციები 21 აგვისტოსთვის

მოასწარით მზის ჩასვლამდე! თუ გინდათ სამომავლოდ წარმატებას მიაღწიოთ, ეს რჩევა გაითვალისწინეთ

ყურადღება! გადაწყვეტილების მიღების ვადა 6 სექტემბერს იწურება - ინფორმაცია მათთვის, ვისაც დაგროვებითი პენსია აქვს