სასტიკად მოკლა და კვალის დასაფარად... - მუხიანში მომხდარ შემზარავ დანაშაულში ბრალდებულზე პროკურატურა განცხადებას ავრცელებს

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და თბილისში დამამძიმებელ გარემოებებში ჩადენილი განზრახ მკვლელობისთვის ბრალდებული დამნაშავედ ცნო.

სასამართლო პროცესზე გამოკვლეული მტკიცებულებებით დადასტურდა, რომ 2023 წლის 22 მარტს, თბილისში, მუხიანის დასახლებაში, ბრალდებულმა ურთიერთშელაპარაკების ნიადაგზე, ერთ-ერთი კორპუსის ლიფტში დაზარალებულს განსაკუთრებული სისასტიკით, დანით სხეულის სხვადასხვა არეში  მრავლობითი ჭრილობები მიაყენა, შემდეგ  ბენზინი დაასხა და ცეცხლი წაუკიდა. მიყენებული დაზიანებების შედეგად დაზარალებული ადგილზე გარდაიცვალა.

სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 109-ე მუხლის „მ“ ქვეპუნქტით (განზრახ მკვლელობა, ჩადენილი განსაკუთრებული სისასტიკით) წარედგინა.

თბილისის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 19 წლით თავისუფლების აღკვეთა განუსაზღვრა.

ასევე ნახეთ:

ხვალ, 10:50 სთ -ზე დღეღამტოლობაა - რა უნდა გავაკეთოთ, რომ ყველაზე ამბიციური მიზნებიც კი განხორციელდეს

„უკარგესი ადამიანი იყო, ვერ ვიჯერებთ ასე ტრაგიკულ სიკვდილს“ - უბედური შემთხვევის დეტალები

VIDEO: დედოფალი VS პირველი ლედი - ვრცელდება კადრები, რომელმაც მსოფლიო მედიის ყურადღება მიიქცია