მირანდა ტყემალაძე
პირველი დეკემბრიდან ახალი წესები ამოქმედდება - გაფრთხილება მძღოლებს
1732309879
რატომ ითხოვდა ბანკში შეჭრილი ანკესს, ვერტმფრენს და რუსეთის დროშას - ცნობილი ხდება გრიგოლ ნარსიას ჩვენების დეტალები
„კურიერმა“ „საქართველოს ბანკის“ ქუთაისის ფილიალზე თავდამსხმელის, გრიგოლ ნარსიას ჩვენება მოიპოვა. ნარსია ჩვენებაში განმარტავს, რატომ ითხოვდა, თანხის გარდა, ვერტმფრენს, ანკესს და რუსეთის დროშას.
მისი თქმით, თანხის მიღების შემდეგ გეგმავდა, ვერტმფრენით ჯერ ოკუპირებული აფხაზეთის ტერიტორიაზე, შემდეგ კი - რუსეთში გადასვლას. რაც შეეხება დროშასა და ანკესს, ნარსია განმარტავს, რომ სურდა, ანკესის საშუალებით დროშა ვერტმფრენიდან გადმოეფინა.
ის ჰყვება, რომ შევიდა ბანკში და თანამშრომლებს თანხა მოსთხოვა, თუმცა თანხის ის რაოდენობა, რაც იმ მომენტისთვის სალაროში იყო, ნარსიასთვის საკმარისი არ აღმოჩნდა. ამის შემდეგ მან თანხის მოსატანად ბანკსა და შსს-ს 3 საათიანი ვადა მისცა.
თავდამსხმელი ადასტურებს, რომ აიყვანა მძევლები და აღიარებს, რომ სპეცრაზმს აყვანის დროს წინააღმდეგობა გაუწია, თუმცა აქვე აღნიშნავს, რომ ასაფეთქებელი მოწყობილობა არა რეალური, არამედ მულაჟი იყო, რომელიც თავად დაამზადა და დაამონტაჟა.
გრიგოლ ნარსიას თქმით, მას თანამზრახველები არ ჰყავს.
ასევე ნახეთ:
ნარსიას შვილს ჟვანიას კლინიკაში რეაბილიტაციის კურსის გავლა არ შეეძლო და არც გაუვლია - კლინიკის სკანდალური განცხადება
სხვა სიახლეები
