რას წერს მძევალი, რომლის ფრაზებიც სპეცოპერაციის დასრულების შემდეგ ვირუსულად გავრცელდა

გუშინ საზოგადოებისა და მედიის ყურადღების ეპიცენტრი ქუთაისი იყო, სადაც „საქართველოს ბანკის“ ფილიალში მძარცველი შეიჭრა, მოითხოვა 2 მილიონი და სხვადასხვა სახის მოთხოვნაც წამოაყენა. 12 მძევალი, რომელიც გვიანობამდე ბანკში იყო, შესაბამისმა სამსახურებმა უვნებლად გამოიყვანეს, მათ მძიმე ემოციური ფონი აქვთ.

ერთ-ერთი მძევალი, რომელმაც მთელი იმდენი საათის განმავლობაში შეიძლება ითქვას, რომ სპიკერის როლი შეითავსა და თავისი იუმორით და ფრაზებით ყველას თავი დაამახსოვრა, სოციალურ ქსელში პოსტს აქვეყნებს.

„მადლობა ყველას, ვისაც გულით გინდოდა ჩვენი მშვიდობიანად დაბრუნება“,  - წერს მძევალი.