კალაძემ გადაწყვეტილება მიიღო - ქალაქის მასშტაბით შპს „მშენექსპერტის“ ყველა დასკვნა გადამოწმდება

თბილისის მერმა კახა კალაძე მერიის დაქვემდებარებულ ყველა უწყებას ქალაქის მასშტაბით შპს „მშენექსპერტს“ მიერ გაკეთებული ექსპერტიზის ინსპექტირება დაავალა. 

„ახლა კი, მინდა, დავავალო მერიის დაქვემდებარებულ ყველა უწყებას, სამსახურებს, გამგეობებს და დაქვემდებარებულ კომპანიებს, განახორციელონ ქალაქის მასშტაბით ყველა იმ შესრულებული სამუშაოს ინსპექტირება არსებულ ნორმებთან და წესებთან შესაბამისობაზე, რომლის ექსპერტიზაც თავის დროზე გაკეთებული აქვს შპს „მშენექსპერტს“. ეს არის საექსპერტო ბიურო, რომელსაც გამოძიება ყალბი დასკვნის გაცემას ედავება“, - განაცხადა კახა კალაძემ.