სალომე ნეფარიძე
1732386875
ძლიერი წვიმის შედეგები ქედაში. სოფელ ზედა-ბზუბზუში ქვის ლოდი ფერდობიდან ჩამოვარდა და ღოღობერიძეების ექვსწევრიანი ოჯახი ღია ცის ქვეშ დატოვა. ინფორმაციას აჭარის საზოგადოებრივი მაუწყებელი ავრცელებს.
შემთხვევა გუშინ დილით მაშინ მოხდა, როცა ოჯახის წევრები სახლში იმყოფებოდნენ. არავინ დაშავებულა, თუმცა ქვის ორსართულიანი სახლი საცხოვრებლად გამოუსადეგარი გახდა, კედლების ნაწილი ჩამოინგრა, ნაწილი კი დაიბზარა. ოჯახი თავს ახლობლებს აფარებს.
ქედის მერის განმარტებით, ღოღობერიძეებს და კიდევ რვა ოჯახს, რომლებიც სტიქიის ზონაში ცხოვრობენ, დროებით ქირით უზრუნველყოფენ, კონპენსირების საკითხს კი გეოლოგიური დასკვნის საფუძველზე გადაწყვეტენ.
სხვა სიახლეები
