დიდთოვლობა კახეთში და უშუქოდ დარჩენილი მოსახლეობის ნაწილი - რა ხდება რეგიონში

დიდი თოვლისა და ყინვის გამო, კახეთის რეგიონში პრობლემები შეიქმნა. არსებულ ვითარებაზე კახეთში სახელმწიფო რწმუნებულის მოადგილემ ილაპარაკა.

დღეს დილიდან, თელავში გაჩერებულია მუნიციპალური ტრანსპორტი, დაწყვეტილია ელექტროგადამცემი ხაზები, შეფერხებით მიეწოდება ინტერნეტი ზოგიერთ სამედიცინო დაწესებულებას, რაც პაციენტების შეაბამისი ანალიზების რეგისტრაციას ართულებს.

კახეთში სახელმწიფო რწმუნებულის მოადგილის, გივი მეტრეველის განმარტებით, ახმეტასა და სიღნაღში დენის მიწოდების თვალსაზრისით, ყველაზე მეტი პრობლემაა.

" საკმაოდ დიდი თოვლი მოვიდა. გზები ინტენსიურად იწმინდება, იყრება მარილი და მუშაობს ტექნიკა. ენერგომომარაგების თვალსაზრისით, სირთულეებია, მაგრამ ენერგო- პრო მუშაობს და ეს პრობლემაც, დარწმუნებული ვარ, აღმოიფხვრება. რაც შეეხება მაღალმთიან ადგილებში გომბორის უღელტეხილზე შეზღუდვებია დაწესებული, ზიარი- ფხოველის მიმართულებით და სიღნაღი- წნორის გზაზე, მოძრაობა არის, თუმცა სიფრთხილე სჭირდებათ მძღოლებს. თელავშიც ტრანსპორტი გაჩერდა მოსახლეობის უსაფრთხოებისათვის"- განაცხადა მეტრეველმა.

დიდთოვლობის გამო, კახეთის რეგიონში, თითქმის 20 ათასი აბონენტი ელექტროენერგიის გარეშეა დარჩენილი.სინოპტიკოსების პროგნოზით, თივა რეგიონში 24 თებერვლამდე გაგრძელდება, შემდეგ კი, ყინვებია მოსალოდნელი.

ასევე ნახეთ:

წყალი 21 საათით შეწყდება - გადაამოწმეთ მისამართები

ძლიერი ყინვა, თოვლი და ნისლი - გაფრთხილება ამინდის გაუარესების შესახებ

„გაქვთ შანსი, ივნისში ფინანსურად განსაკუთრებულად დაწინაურდეთ“ - ნახეთ, ვის მოუტანს იღბალს „მილიონერის ასპექტი“