როგორ დავადგინოთ სავარცხლით ქალის ხასიათი და ტემპერამენტი

თქვენ შეგიძლიათ, გაიგოთ ქალის ხასიათი და ტემპერამენტი მის გარშემო არსებული სხვადასხვა ნივთით, მაგრამ ცოტამ თუ იცის, რომ სავარცხელსაც კი, რომელსაც ის იყენებს, ბევრი რამის თქმა შეუძლია მის შესახებ.

სურათზე ნაჩვენები შვიდი სავარცხლიდან რომელიმე აარჩიეთ და შემდეგ შესაბამისი ნომრის აღწერილობა წაიკითხეთ.

1. ქალურობა

ამ სავარცხელს უპირატესობას ანიჭებენ ნამდვილი ქალბატონები, რომლებიც სილამაზისა და ქალურობის განსახიერება არიან. ამ ქალებს, როგორც წესი, აქვთ ელეგანტური გარეგნობა, გრძელი და სქელი თმა. კეთილგანწყობილი და მშვიდი ხასიათი აქვთ, ხმას არასდროს იმაღლებენ და აბსოლუტურად არ არიან მიდრეკილნი კონფლიქტისკენ. მამაკაცები აფასებენ მათში თვინიერებას, სიბრძნესა და ერთგულებას. მათ გარდერობში დომინირებს პასტელის ფერები.

2. დამოუკიდებლობა და თავდაჯერებულობა
ქალი, რომელიც ირჩევს ასეთ სავარცხელს, ჩვეულებრივ ჭკვიანი, დამოუკიდებელი და თავდაჯერებულია. ბუნებით ის ფემინისტია, ცხოვრებაში ყველა მნიშვნელოვან გადაწყვეტილებას თავად იღებს, პასუხისმგებლობის აღების არ ეშინია. გარეგნულად ძლიერი და მტკიცე ქალის შთაბეჭდილებას ტოვებს. ამის გამო მამაკაცებს ხშირად ეშინიათ მისი, მაგრამ ყოველთვის პატივს სცემენ. გარდერობში მოხერხებულ და კომფორტულ ნივთებს ანიჭებს უპირატესობას.

3. სიკეთე და მგრძნობელობა
სავარცხელი ნომერი სამი ეკუთვნის კეთილ ქალს, რომელიც თავის ბედს დედობაში ხედავს და სიამოვნებით იღებს კერის მცველის როლს. კარგი დიასახლისია, მზრუნველი ცოლი და მოსიყვარულე დედა, აქვს მშვიდი და გახსნილი ხასიათი. მამაკაცებს ყოველთვის სურთ ასეთ ქალზე დაქორწინება. მისი გარდერობი შედგება კომფორტული ნივთებისგან, ძირითადად ღია ფერებისგან, მაგრამ ის თავს ყველაზე კომფორტულად გრძნობს ხალათში.

4. პერფექციონიზმი
ამ სავარცხელს ირჩევენ ქალები, რომლებიც პერფექციონისტები არიან. უყვართ წესრიგი ყველაფერში, ისწრაფვიან სრულყოფისა და იდეალის მიღწევისაკენ, დარწმუნებულები არიან, რომ ყველაფერი სხვებზე უკეთ იციან. ისინი ცხოვრობენ მაღალი მიზნებით, უყვართ თვითგანვითარება და ყოველთვის სწავლობენ რაღაც ახალს. მათი გარეგნობა გამოხატავს ნდობას და რწმენას მათ სიმართლეში. ისინი ყოველთვის გარშემორტყმული არიან სანდო  ადამიანებით, მაგრამ ასეთი ქალები მიდრეკილნი არიან დათრგუნონ თავიანთი ნება. ტანსაცმელში უპირატესობას ანიჭებენ სპორტულ სტილს.

5. თავგადასავლების მოყვარული
ქალები, რომლებიც უპირატესობას ანიჭებენ მეხუთე სავარცხელს, არიან თავგადასავლების მოყვარული და აზარტულები. ვერ იტანენ მოწყენილობასა და რუტინას, ყოველთვის ეძებენ საინტერესო და ენერგიული ადამიანების კომპანიას, უყვართ მოგზაურობა, ხმაურიანი კომპანიები და ახალი გამოცდილება. ისინი არიან ნათელი პიროვნებები, რომლებიც ხშირად გამოიყურებიან ექსტრავაგანტურად და მიმზიდველად. ასეთი ქალების გარშემო ყოველთვის ბევრი მამაკაცია, მაგრამ მუდმივობა არ არის მათი დამახასიათებელი თვისება. ტანსაცმელში უპირატესობას ჯინსებსა და კომფორტულ მაისურებს ანიჭებს.

6. კონსერვატიზმი

სავარცხელი ნომერი ექვსი ეკუთვნის კონსერვატიული შეხედულებების მქონე ქალს, რომელსაც უყვარს სტაბილურობა და ცხოვრების ფრთხილად დაგეგმვა. ასეთი ქალებისთვის ყველაფერი წინასწარ არის დაგეგმილი, ყოველდღიური რუტინიდან და მიმდინარე ხარჯებიდან დაწყებული, ქორწინების ასაკითა და ბავშვის გაჩენით დამთავრებული. ისინი არ მოითმენენ სპონტანურ გადაწყვეტილებებს და გამოუსწორებელ ქმედებებს. მათ აქვთ მკაცრი და პრიმიტიული გარეგნობა. მათ გარდერობში კლასიკური სტილის სამოსი დომინირებს.