მამოლოგ კახა ბარამიძის გაფრთხილება: სასიცოცხლოდ მნიშვნელოვანია ზაფხულში ამ 5 წესის დაცვა თქვენი ჯანმრთელობისთვის

მამოლოგი, კახა ბარამიძე მნიშვნელოვან რჩევებს უზიარებს საზოგადოებას. ექიმის თქმით, ზაფხულში ამ 5 წესის დაცვა ჯანმრთელობისთვის განსაკუთრებით მნიშვნელოვანია:

„ზაფხული მოვიდა! დასვენების, რუჯისა და პოზიტივის სეზონი გახსნილია!  
ჯანმრთელობის ოქროს წესები მამოლოგისაგან სასიამოვნო დასვენებისათვის:

1. მზე ჩვენი მეგობარია, მაგრამ ზომიერად!

D ვიტამინი ყველას გვჭირდება, მაგრამ საათობით მზეზე წოლა — ნამდვილად არა!
გარუჯვამდე აუცილებლად წაისვით SPF!
საუკეთესო არჩევანია:
SPF 30–50+ | Broad Spectrum (UVA/UVB) | Water Resistant
• მოერიდეთ მზეს 11:00-დან 16:00 საათამდე!
• ატარეთ ქუდი და მზის სათვალე ;

2.ზაფხული ბუნების ყველაზე გემრიელი „აფთიაქია“, ამიტომაც აირჩიეთ ზაფხულის ფერადი თეფში - რაც უფრო ფერადია თქვენი საკვები, მით უკეთესია!

ხილი და ბოსტნეული თქვენი ორგანიზმის საუკეთესო მოკავშირეა:
•პომიდორი — ლიკოპენის საბადო;
•კენკრა — ანტიოქსიდანტების ჯადოსნური წყარო;
•ზეითუნის ზეთი — ჯანსაღი ცხიმებისთვის.
•მნიშვნელოვანია, გვახსოვდეს - ჯანსაღი და დაბალანსებული კვება ჯანმრთელი ცხოვრების წესის და მაშასადამე თქვენი ჯანმრთელობის ერთ-ერთი უმნიშვნელოვანესი ნაწილია.

3.წყალი — ზაფხულის ნამდვილი სუპერგმირი!

დაღლილობა გაწუხებთ? თავი გტკივათ? ხშირად ეს უბრალოდ დეჰიდრატაციის ბრალია. ხანდახან გვგონია, რომ გვშია, სინამდვილეში კი ორგანიზმი წყალს ითხოვს. ატარეთ ცივი წყლის ბოთლი ყველგან!  

4.ძუძუს ჯანმრთელობას შვებულება არ აქვს 
ბევრი თქვენგანი ექიმთან ვიზიტს შემოდგომისთვის დებს... არ დაუშვათ ეს შეცდომა!

თუ გეგმური კონსულტაცია, მამოგრაფია ან ექოსკოპია გიწევთ, ნუ დაელოდებით სეზონის შეცვლას. დაავადების ადრეული დიაგნოსტიკა არ ცნობს ზამთარ-ზაფხულს.  

5.მოძრაობა ახალგაზრდობის, ენერგიისა და ჯანმრთელობის ყველაზე ბუნებრივი ფორმულაა !
ფიზიკური აქტივობა (თუნდაც დღეში 30 წუთიანი სწრაფი სიარული) ძუძუს კიბოსგან დამცავი ერთ-ერთი საუკეთესო ფაქტორია! ამიტომ:
•იარეთ ფეხით;•იცურავეთ;
•ისეირნეთ ველოსიპედით ბუნებაში;
• ისეირნეთ ფეხით დილით და საღამოს.
 ზაფხულის ფორმულა მარტივია 
ზომიერი მზე ფერადი თეფში ბევრი წყალი მოძრაობა

დროული მზრუნველობა საკუთარ თავზე!  გისურვებთ ჯანმრთელობასა და სასიამოვნო დასვენებას“,- წერს კახა ბარამიძე.