ფარშევანი, ბუ, სირაქლემა, ციყვი თუ ზარმაცა - რომელი ფინანსური ცხოველი მართავს შენს საფულეს

ფინანსური ექსპერტები ამტკიცებენ, რომ თითოეულ ჩვენგანს ფულთან მოპყრობის განსაკუთრებული სტილი აქვს. იმის მიხედვით, თუ როგორ ეკიდები ბიუჯეტს, შენც შეგიძლია შენი თავი ერთ-ერთ ამ ცხოველში ამოიცნო:

1.  ფარშევანგი;
პრინციპი: „ფული იმისთვის არსებობს, რომ სხვებმა დაინახონ!“
მახასიათებლები: ფარშევანგი ირგებს ყველაზე თვალსაჩინო როლს. ის დიდ თანხებს ხარჯავს ბრენდულ ნივთებზე, ძვირად ღირებულ რესტორნებსა და ტანსაცმელზე, რათა შთაბეჭდილება მოახდინოს გარშემომყოფებზე. მისთვის ვიზუალი და სტატუსი ყველაფერია, თუმცა ბარათზე ნულები ხშირად კრიტიკულ ნიშნულამდე მცირდება.
2. ციყვი;
პრინციპი: „შავი დღისთვის ყველაფერი ორმაგად უნდა შეინახო!“
მახასიათებლები: ციყვს ყველაზე „მსუყე“ სამალავი აქვს. ის აგროვებს, ზოგავს, ინახავს და ყოველთვის აქვს გადადებული თანხა. თუმცა ზოგჯერ ციყვი უკიდურესობაში ვარდება, იმდენად ზოგავს ყველაფერს, რომ ცხოვრებით ტკბობა ავიწყდება და თითოეულ თეთრზე ზედმეტად ნერვიულობს.
3.  ბუ;
პრინციპი: „ინვესტიცია, ანალიზი და გრძელვადიანი გეგმა.“
მახასიათებლები: ბუ ფულს გონივრულად ეპყრობა. სანამ რამეს იყიდის, ათასჯერ გადაამოწმებს ფასებს, შეაჯერებს ხარისხს და ფინანსებს მოგებიან აქტივებსა თუ განათლებაში აბანდებს. მას ყოველთვის გათვლილი აქვს თითოეული ნაბიჯი.
4. სირაქლემა;
პრინციპი: „თუ ბარათის ბალანსს არ ჩავხედავ, ესე იგი პრობლემა არ არსებობს.“
მახასიათებლები: სირაქლემა იქმნის ილუზიაზე. ის გაურბის კომუნალური გადასახადების ქვითრებს, საბანკო აპლიკაციების შემოწმებას და ფინანსურ რეალობას. ფული უცნაურად „ქრება“ მის საფულეში ისე, რომ ზუსტადაც არ იცის სად დახარჯა.
5. ზარმაცა;
პრინციპი: „ერთხელ ვცოცხლობთ - მოდი ესეც ვიყიდოთ!“
მახასიათებლები: ზარმაცს ეზარება ბიუჯეტის შედგენა და გრძელვადიანი დაგეგმვა. ის ხშირად ხდება სპონტანური შოპინგის მსხვერპლი და ემოციურ ფონზე ყიდულობს ნივთებს, რომლებიც რეალურად არ სჭირდება, ხოლო ძირითადი ფინანსური საზრუნავი სხვების კისერზე გადააქვს.

 შენ რომელი ხარ ამ სიაში?