ვაფრთხილებდი მიშას, ვიცოდი ამერიკელების, ევროპელების განწყობა და ვეუბნებოდი, ხმას არ ამოიღებენ-მეთქი - ნიკა მელია

"ჩემი პარტნიორული, მეგობრული, კოლეგიალური გაფრთხილება იყო მიშასთვის, ვიცოდი ამერიკელების განწყობა და ევროპელების, ვეუბნებოდი, ხმას არ ამოიღებენ-მეთქი, კატეგორიული წინააღმდეგი ვიყავი, ვიცოდი, რომ უცხოეთი მხარს არ დაუჭერდა",  - აცხადებს "ნაციონალური მოძრაობის" თავმჯდომარე  ნიკა მელია ვიდეომასალაში, რომელიც „ქრონიკამ“ ექსკლუზიურად მოპოვა.

„ბრძოლაა, მაგრამ 50 პროცენტი, დღეს რომ ხელისუფლებაში არის "ოცნება", არის ჩვენი ბრალი, ჩვენი უსუსურობაც. ჩუღურეთის რაიონის ძირითადი აქტივისტი, თავმჯდომარე რომ გეტყვის, მე აქ გამმარჯვებელი არ ვარ, თუ ვიმუშავებთ - კი. ჩვენ ავიღეთ „სამატიოკით“ ეს ხმები, ეს არის სიზარმაცის ბრალი. მაგიტომ ზარმაცობს ხალხიც, ჩვენი ძვირფასი ოჯახის წევრებივით უბნის უფროსების დონეზე რომ ჰქონოდათ ურთიერთობა, იქ რომ ჩავდივარ  ჰო ვიცი უკვე, რომ თავი რომ ატკივდებოდათ, უკვე ჩვენ გვირეკავენ, გამიგეთ რა და ასე ნუ მესაუბრებით“, - აცხადებს ნიკა მელია.

ვიდეოჩანაწერი „ქრონიკას“ მოქალაქემ მიაწოდა, ის გუშინ, საქალაქო სასამართლოს ეზოშია გადაღებული. ჩანაწერი მაშინაა გაკეთებული, როდესაც მიხეილ სააკაშვილის სასამართლო იმართებოდა.