ცინიკურია, რომ ის რეჟიმი, რომელიც ღია კონფრონტაციაში შევიდა დასავლურ სამყაროსთან და მის ლიდერებთან, სხვების ე.წ. დაპირისპირებაზე საუბრობს - ირაკლი ფავლენიშვილი

"ქართულ ოცნებაში" ამერიკის შეერთებული შტატების პრეზიდენტთან, დონალდ ტრამპთან დაკავშირებით ქართველი ოპოზიციური სპექტრის შეცვლილ რიტორიკაზე საუბრობენ.

მმართველ გუნდში აცხადებენ, რომ მათი ოპონენტების ტრამპს რუსეთის ინტერესების გამტარებლად მოიხსენიებდნენ დღეს კი აქებენ.

საპასუხოდ "ერთიანობა - ნაციონალური მოძრაობის" წევრი, ირაკლი ფავლენიშვილი აცხადებს, რომ ერთადერთი, ვინც დასავლეთთან ღია კონფრონტაციაში შევიდა, "ქართული ოცნებაა".

"ცინიკურია, რომ ის რეჟიმი, რომელიც ღია კონფრონტაციაში შევიდა დასავლურ სამყაროსთან და მის ლიდერებთან, სხვების ე.წ. დაპირისპირებაზე საუბრობს. სინამდვილეში, სიტყვიერი შეურაცხყოფის გამოყენებაში თუ ვინმე არის შემჩნეული ქართულ პოლიტიკურ სივრცეში, არის ივანიშვილი", - განაცხადა ირაკლი ფავლენიშვილმა.