სალომე ზურაბიშვილი ზელენსკის ესაუბრა

საქართველოს პრეზიდენტი, სალომე ზურაბიშვილი ვლადიმერ ზელენსკის ესაუბრა და ქართველების მხარდაჭერა კიდევ ერთხელ გამოხატა. ამის შესახებ ზურაბიშვილი „ტვიტერში“ წერს.

„ვესაუბრე პრეზიდენტ ზელენსკის და კიდევ ერთხელ გამოვხატე საქართველოს სრული სოლიდარობა უკრაინის ხალხის მიმართ. ამ ტრაგიკულ დროს უკრაინისთვის და მთელი ევროპისთვის, პრეზიდენტი ზელენსკი სამაგალითო ლიდერია. მთელი საქართველო დგას უკრაინის გვერდით“,- წერს სალომე ზურაბიშვილი.