რუსეთის საგარეო უწყება საქართველოსთან სავიზო რეჟიმის გაუქმებას არ გამორიცხავს

რუსეთის საგარეო უწყება საქართველოსთან სავიზო რეჟიმის გაუქმებას არ გამორიცხავს. ამის შესახებ რუსეთის საგარეო საქმეთა მინისტრის მოადგილემ, გრიგორი კარასინმა ერთ-ერთ ინტერვიუში ისაუბრა. ინფორმაციას რუსეთის სახელმწიფო მედია ავრცელებს.

კარასინის თქმით, ქართულ მხარეს უკვე გადაეცა კონკრეტული წინადადებები. 

სერგეი ლავროვის მოადგილის განცხადებით, საგარეო უწყება არ გამორიცხავს საქართველოს მოქალაქეებისთვის სავიზო რეჟიმის გაუქმების პერსპექტივას, როგორც კი ამის აუცილებელი წინაპირობა შეიქმნება.