„ნაციონალური მოძრაობის“ მხარდამჭერები საქალაქო სასამართლოსთან მიხეილ სააკაშვილის გათავისუფლებას ითხოვენ

საქალაქო სასამართლოს ეზოში „ნაციონალური მოძრაობის“ მხარდამჭერები ყოფილი პრეზიდენტის, მიხეილ სააკაშვილის გათავისუფლებას ითხოვენ.

აღსანიშნავია, რომ თბილისის საქალაქო სასამართლოში სააკაშვილის სასამართლო პროცესი მიმდინარეობს. სხდომას თავად ბრალდებულიც ესწრება. სახელმწიფო ბრალდება მიხეილ სააკაშვილს 2007 წლის 7 ნოემბერს, მომიტინგეთა დარბევას, ტელეკომპანია „იმედში“ შეჭრასა და ბადრი პატარკაციშვილის კუთვნილი ქონების დანაშაულებრივად ხელში ჩაგდებას ედავება.

საქართველოს ყოფილი პრეზიდენტი 1-ელ ოქტომბერს დააკავეს.