დამკვეთებმა და აქაურმა აგენტურამ ეს ადამიანები სპეციალურად გაუშვეს 4 ოქტომბერს დანაშაულის ჩასადენად, ახლა აწყობთ მათი საპატიმროში ყოფნა - აკაკი ალადაშვილი

მამას ციხიდან გამოსვლა უნდა, შვილი ამბობს, რომ მისი საპყრობილეში ყოფნა უმჯობესია. როდის დაწერს პაატა ბურჭულაძე აღიარებით ჩვენებას ოთხი ოქტომბრის საქმეზე და რატომ ეწინააღმდეგება მამის პოზიციას შუქრი ბურჭულაძე.

მმართველი გუნდი უმცროს ბურჭულაძეს პავლიკ მოროზოვს უწოდებს. შუქრი კი ჯერ ფიქრობს რამდენად ფასეული იქნება მისი 71 წლის მამა თავისუფლებაზე გამოვიდეს.

პარლამენტის საპროცედურო საკითხთა კომიტეტის თავმჯდომარის პირველი მოადგილის, აკაკი ალადაშვილის განცხადებით, დამკვეთებმა და აქაურმა აგენტურამ 4 ოქტომბერს გაუშვეს ადამიანები სპეციალურად გაუშვეს დანაშაულის ჩასადენად, ახლა კი მათ პოლიტპატიმრებს ეძახიან.

"მათმა დამკვეთებმა და აქაურმა აგენტურამ ეს ადამიანები სპეციალურად გაუშვეს 4 ოქტომბერს დანაშაულის ჩასადენად. როდესაც მათ ჩაიდინეს დანაშაული, რა თქმა უნდა, შემდეგ მოხვდნენ სასჯელაღსრულების დაწესებულებაში და შესაბამისად, ახლა აწყობთ ამ ადამიანების საპატიმროში ყოფნა. რადგან შემდეგ, ევრობიუროკრატიის მართლაც რაღაცა ცარიელ, უშინაარსო ფურცელზე მოხვდეს მათი მხრიდან გაუფასურებული ტერმინი "პოლიტპატიმარი"- აცხადებს აკაკი ალადაშვილი.

ცნობისთვის, პრეზიდენტის რეზიდენციის შტურმის საქმეზე 64 ბრალდებულიდან 50-ზე მეტმა პირმა უკვე გამოიყენა ან ახლა იყენებს საპროცესო შეთანხმების მექანიზმს.